प्रकाशित वाक्य 20

का एलोङ स्वर्गदुतहेङ स्वर्गसो लेता खुअ्तेङ्लोका कालाउ स्वर्गको ताल्चा चुमतेङ हिका तिङ्घा , इङ्को स्वर्गदुत चिल वाङ्वाङ्का वाङ्खाराका खाराता हिघाहि | उङ्को स्वर्गदुत ताइको खुरता एलोङ बारका झिनझिरिबुङ चुम्तेङ हिघाहि | 2 उङ्को स्वर्गदुत इङ्को बारका अजिङ्गर कालाउ इङ्को प्राचिन पुहय्याँ , जेदोङ दियाबलोस इङ्कोहेङ रिम्हि , इङ्को बारका पुहय्याँ दानब माकुनु भुत हि | इङ्को स्वर्गदुत वासेहेङ इङ्को साङलाहोइ ए-हाजार बासार थेकापा को भाअ्सिङ जिङ्हि | 3 इङ्को स्वर्गदुत इङ्को पुहय्याँहेङ इङ्को चिल वाङ् वाङ्का वाङ्खाराका खाराता ह्वापिहि कालाउ उङ्को हेङ थुम्पिहि | इङ्को स्वर्गदुत पुहय्याँहेङ ताल्चा लगाइपिहि कालाउ कि ए-हाजार बासार थेकापा सारभिगेलाइहेङ धाताइलि मादावाको | ए-हाजार न्हुसो आतुन्सा समयको भाअ्सिङ इङ्को पुहय्याँहेङ लाअ्पिलि गोयाङ | 4 कालाउ का आधे सिहासनगेलाइ जेता दयाङ्गेलाइ हिका तिङघा, इदोइ दयाङ्गेलाइ इम्बालाइ हिघाहि जाइहेङ न्याय पाका खाबारा पिका हिघाहि | कालाउ का उङ्को दयाङ्गेलाइ को आत्मा तिङ्घा जाइहेङ सेअ्का हिघाहि, हाइपालिपानु इम्बालाइ येसु:को सत्येताको गवाहिको भाअ्सिङ कालाउ परमेस्वरको बचन दोफा खान्धुरि हिघाहि | उङ्को दयाङ्गेलाइ इङ्को गपुस कालाउ वाको मुर्तिको उपसाना मापाहि | इम्बालाइ ताइको कापालाता ताइको खुरता इङ्को गपुसको साप मालागाइहि | उङ्को दयाङ्गेलाइ आरुङ बान्चिहि कालाउ ख्रिस्त येसु:दोफा ए-हाजार बासार थिकापा सासन पाहि | 5 ए-हाजार बासार पुरा माजेङ्पा भरि सि:कालाइ आरु 'बो' दयाङ्गेलाइ आरूङ मासिनुहि | इदोइ सि:कासो न्हुसो सिन्चालाका लाङ खेप जेङ्हि | 6 उङ्को दयाङ्गेलाइ जाइ लाङ्खेप सिन्हुकाता जोम्का इम्बालाइ धन्य कालाउ पबित्तरो हि, इदोइ दयाङ्गेलाइ हुता न्हेतेङ सि:का हिदोइबुङ सरबुङ हाइदोङ पालि माड्वावा | कालाउ इम्बालाइ परमेस्वर कालाउ ख्रिस्तको भाअ्सिङ धामिगेलाइ जेन्तेङ, हाजार बासारको भाअ्सिङ वाको दोफा सासन पावा | 7 जेलाउ ए-हाजार बासार पुरा जेनावा भुतहेङ वाको कैदसो लाअ्प्याङ | 8 कालाउ भुत पृथ्विको दयापाहाङ हिका सारभि-सरभिगेलाइको दयाङ्गेलाइहेङ केउपालि गोग कालाउ मागोगहेङ धुम पालिको भाअ्सिङ जोम्पाका ओल्लेतेङ लावा | इन्ता बारका- बारका चेसु मेसुका जेर जेनावा कालाउ इम्बालाइको सङ्ख्या समुन्द्रको काम्भेको बाला सरि गान्धिलि मादोअ्का जेनावा | 9 भुतको सेना पृथ्वि भारि हानिहि कालाउ परमेस्वरको दयाङ्गेलाइको हिका थामेगेलाइ कालाउ परमेस्वरको प्यारो नगर दयापाङ ए-जेङ्तेङ खोराइहि | कालाउ स्वर्गसो मे लोहि कालाउ भुतको सिपाहिगेलाइहेङ नासापाहि | 10 इम्बालाइहेङ केउपाका इङ्को दियाबलस ,दालदालाइतेङ हिका मेको पोखरिता ह्ववापिहि ,जेथा धाताइका अगमबक्ता कालाउ इङ्को गपुसहेङ्बुङ थाइगिल्पिका हिघाहि | इन्ता नितिमा-न्हिसिन हेलाउलाउबुङ साजाइ भोगितेङ ह्यावा | 11 कालाउ का एलोङ बारका जेका सिहासन कालाउ इङ्को हुता बिराजमान हिकालाइहेङ तिङ्घा, वाको आगासो पृथ्वि कालाउ बादेल माअ्हि |कालाउ ओबालाइको भासिसिङ हिसोबुङ थामे मान्थुघाहि | 12 कालाउ का उङ्को बारका कालाउ म्हुइका गोताङ सि:लि दोअ्कालाइहेङ सिहासनको आगाता जाअ्तेङ हिका तिङ्घा, कालाउ इङ्को जिबनको किताब खोलिहि | कालाउ एनोङ भेनेङ किताब बुङ खोलिहि, जेदोङ जिबनको किताब हिघाहि,| सि:का दयाङ्गेलाइको पाका कामगेलाइको आधारसो इङ्को जेदोङ किताबगेलाइता लेखेका हिघाहि कालाउ एन्सिकाङ न्याय पाहि | 13 समुन्द्र इनता सि:का दयाङ्गेलाइहेङ पिहि,कालाउ सि:का कालाउ पाताल बुङ इम्बालाइदोफा हिका सि:का दयाङ्गेलाइहेङ पिहि | गोताङ दयाङ्गेलाइको ओबालाइको पाका ता-ताइको कामको आन्सारको आधारता न्यायनिसाप पाहि | 14 कालाउ सि:का कालाउ पातालहेङ मेको खाराता ह्नवाहि |,इदोइ मेको पोखोरि न्हेतेङ सि:का ( मृत्यु) | 15 जाइको हिदोइबुङ मिङ जिवनको किताबता लेखेका मानिङ्हि उङ्कोहेङ मेको वाङ्खाराका,पोखरिता थाइगिल्घाखे |