प्रकाशित वाक्य 19

कालाउ का न्हुसो स्वर्गता एनोङ बारका गाला जेरगेलाइको भाइका हिङ्घा इम्बालाइ दोअ्दोङघाखे:''ह्ल्लेलुयाह ! मुक्ति,महिमा,कालाउ सरबुङ केलाइको परमेस्वर हितेङ ह्याको | 2 हाइपालिपानु वाको न्याय सत्ये कालाउ सहि हि, सारा पृथ्विहेङ ताइको कासिबेरीसो भ्रस्त पाका हि, उङ्को माहा कासिबेरिहेङ वा दण्ड पिका हि,ताइको सेवक गेलाइको हितिको बादला र्हुहि |'' 3 इम्बालाइ आरोङ एखेप बारका गालाहोइ दोअ्हि:''हाल्लेलुया ! इङ्को आतेङ हिका माहानगरीको धुवा हेलाउलाउहुता हुत्ता हानेतेङ् ह्यावा |'' 4 कालाउ न्हुसो न्हेकुरि दया धर्म धामिगेलाइ कालाउ दया हुसिहिका गपुसगेलाइ तुघुरतेङ कालाउ सिङ्हासनता बिराजमान हिका परमेस्वरको उपसाना पाहि ''आमिन, ह्ल्लेलुयाह !'' 5 कालाउ न्हुसो सिहासनसो एलोङ एसा दोअ्का गाला लोहि, केलाइको परमेस्वरको बाखिन पाअ् वाको झाराङ बान्धाइतिगेलाइ जाइ वाको सेवा | नेलाइ झाराङ म्हुइका बारका दयाङ्गेलाइ जाइ वाको वासेङ इज्जत पाखे | केलाइको परमेस्वरको स्तुति पाअ् |'' 6 कालाउ न्हुसो बारका चेसुमेसुका जेरको गाला भाइका,बानेलोका चिको गाला भाइका बारका गाला सरबुसाइका गर्जनको गाला भाइका एसा दोअ्काताङ पाका हिङ्घा: ''हाल्लेलुयाह | हाइपालिपानु केलाइको परमप्रभु सर्बसाइमान सासन पाखे | 7 केलाइ खु:सि मानाइने कालाउ लेङ्च्याइने कालाउ परमेस्वर हेङ महिमा प्याइने | परमेस्वरको थुमाको बिहु लोका हि | कालाउ परमेस्वरको थुमाको दारुवाइनि स्वयम (ताइमिङ) तियार पाका हि | 8 दारुवाइनिको (बेहुलि) भाअ्सिङ उतम मलमलको साड़ी पिका हिघा | मलमलको झाला-झालाका कालाउ जाहाका हिघाहि |'' उतम मलमलको साडीको माने परमेस्वरको दयाङ्गेलाइको धर्मिक काम | 9 कालाउ उङ्को स्वर्गदुत कासेहेङ दोअ्हि,''इङ्को लेख:धन्य हि उङ्को दयाङ्गेलाइ जाइ परमेस्वरको थुमाको बिहुको भातियारता नेउता निङ्कालाइ | कालाउ इङ्को स्वर्गदुत दोअ्हि,''इदोइ परमेस्वरको सत्ये वचन गेलाइ इदोइदोङ |'' 10 का वासेहेङ आराधाना पालिको भाअ्सिङ स्वर्गदुतको खोकोइता सेउपाखा ,कालाउ स्वर्गदुत कासेहेङ दोअ्हि,''कासेहेङ आराधाना मापा ! का येसु: को गवाहि ताअ्का खिनीङ ,ना कालाउ नाङ्को ओनेगेलाइ,भाइका सेवक खिनिङ हिघा जाइ दोफा येसु:को सत्येता हि | एसापा परमेस्वरको आराधाना पाअ् हाइपालिपानु अगमबानिको आत्मादोङ येसु:को गवाहि दोङ |'' 11 कालाउ का स्वर्ग हिअ्नाका तिङ्घा , काङ्को आगाता एनोङ जेका ओह्या हिघाहि | ओह्याता सवार जेङ्कालाइ ''खान्धुराइ योग्य'' कालाउ सत्ये दोअ्खे | वा धार्मिकता वाको थिक न्याय कालाउ जातिङको धुमा पावा | 12 वाको मिसिया जोल्काताङ पाका मेको ज्वाला भाइका हिघाहि , वाको पुरूङता उल्लिदुल्लिको मुकुत गेलाइ हिघाहि | वाको मिङ वाकोहुता लेखिका हिघाहि कालाउ वा खिनिङ एमिहि जाइ इङ्को मिङ गिखे वा बाहेक| बोमि हासुबुङ इङ्को मिङ मागिखे | 13 वा हितिता चोबेलेका धावा बोअ्का हिघाहि, वाको मिङ परमेस्वरको वचन हिघाहि | 14 स्वर्गका लान्ठागेलाइ वासेहेङ पिताइतेङ हिघाहि, इम्बालाइ जेका ओह्यताता सवार हिघाहि | इम्बालाइ जेका कालाउ कापाइ भाइका जाहाका मलमलको धाबा लागाइका हिघाहि | 15 जातिजातिगेलाइहेङ पुक्कापा पाल्लि वाको नुइसो एनोङ चुका तरवाहार ओल्यावा कालाउ वा चिरको डन्डाहोइ सार्भिगेलाइ हुर्ता सासन पावा,वा सर्बुसाइकामान परमप्रभु परमेस्वरको चेरको क्रोड ढाखको खाराता अङ्गुर यानावा | 16 वाको लोखन धावा कालाउ वाको फिलाता इङ्को मिङ लेखिका हिघाहि : राजागेलाइको माहाराजा कालाउ प्रभुगेलाइको महाप्रभु |'' 17 कालाउ न्हुसो का तालिता जाअ्का एलोङ स्वर्गदुत हेङ तिङ्घा उङ्को स्वर्गदुत बारका गालाहोइ हुता बादेलता उराइतेङ हिका गोताङ जिहा जुइलेङ गेलाइहेङ दोअ्हि,''परमेस्वरको माहा भोजता जोम्लिलोसु एदोफाङ लोउ | 18 नेलाइ राजागेलाइ, कपतानगेलाइ, सरबुङसाइका दयाङ्गेलाइ कालाउ ओहयागेलाइ कालाउ इङ्को हुता सवार जेङ्कालाइ, फुक्का कालाउ वाबाल बानधाइति- बेबाल बानधाइति, बारका कालाउ म्हुइका झाराङ्को बिया चाना | 19 कालाउ ओहयाता सवार जेङ्का कालाउ सिपाइगेलाइको (लान्थागेलाइको) बिरुद्ता धुम पालि इङ्को गपुस कालाउ पृथ्विको राजागेलाइ वाको लान्ठागेलाइको बिरुद्ता जोम्का हिघाहि | 20 कालाउ इङ्को गपुसहेङ कालाउ उङ्को लोकाता भारबुसाइका काम पाका ,धाताइका अगमबक्ता न्हेमिदोङ रिम निन्चाहि , | इङ्को भारबुसाइकापाहासो असत्ये अगमबक्ता उङ्को दयाङ्गेलाइहेङ गपुस को चिना लगाइलि कालाउ गपुसको मुर्तिहेङ पुजा पाकालाइहेङ केउपाका हिघाहि , | उङ्को धाताइका अगमबक्ता न्हेमिहेङ्दोङ कालाउ गपुसहेङ दालदालाइका मेको च्वाता सिन्हुपाङ थाइगिल्पिहि | 21 बाकि हिकालाइहेङ चाहि ओहयाता सवारिको हिका हिकाको नुइसो ओल्लिका तरवारसो सेनाहि , गोताङ जिहा-जुइलेङ गेलाइ हामु भेल्पाङ इङ्को जिउगेलाइ चाहि |