प्रकाशित वाक्य 18

कालाउ का स्वर्गसो लेता खुअ्काताङ पाका भेनाङ स्वर्गदुतहेङ तिङ्घा | उङ्को स्वर्गदुतको माहा सरबुङ हिघाहि |इङ्को स्वर्गदुतको महिमाहोइ पृथ्वि थासाइहि | 2 उङ्को स्वर्गदुत बल पातेङ हिकाइहि: ''वाको ''पतन जेङहि,बेबिलोन माहानगरको पतन जेङहि | इदोइ माहागरि भुतगेलाइको असुद्द आत्माको बासाहिका जेङ्हि, कालाउ झाराङको असुदृ सिकाका आत्माहिका थामे जेङहि वा गोताङ खालको जिया जुइलेङको हिका नगर जेङ्हि | 3 हाइपालिपानु पृथ्विको गोताङ जातिगेलाइ वाको असुद्द लुचाकामनको आत्माहोइ म्हाका हि, कालाउ परमेस्वरको प्रकोपको दाखरस आम्का हि | पृथ्विको राजागेलाइ वादोफा जिम्का हि कालाउ सुमिङ्को ब्यापारिगेलाइ वाको भोग बिलासको सम्पतिसो धनि जेङ्का हि | 4 कालाउ न्हुसो का स्वर्गसो भेनाङ गालाता दोअ्का हिङ्घा: '' ओइ काङ्को दयाङ्गेलाइ इङ्को नगरसो बाहार ओल्लेतेङ लोसु ,माकुनुते नेलाइ वाको पापता सहभागि जेनावा | कालाउ वाको हुता लादाइका हिदोइबुङ कस्त नेलाइ भोगिस्वाना | 5 इङ्को नगरको पापगेलाइ स्वर्ग थेकापा थुबाराइना हि, वाको पाप पाका अपराधगेलाइ परमेस्वर निल्लि दोका मान्थु | 6 वा जेसाङ पाका हिघाहि,थिक एन्साङ वासेहेङ पाअ्,वा जेथे पाका हि वाको दोब्बल वासेहेङ घुरिपापि | वा बोमिहेङ जिसिका दाखरस तियार पाका हिघाहि,इङ्को खान्तेङ दोब्बल सरबुङ हिका दाखरस तियार पाअ् | 7 वा स्वयम ताइमिहेङ हेन्जा गौरब कालाउ बैभब पिका हिघाहि | वासेहेङ ओदोङ झोका सुताइसु कालाउ दु:ख पिसु | वा ताइमिङ मनता दोअ्खे,''का माहारानि जेङ्तेङ सिहासनता योम्का हिघा, | का रानडि माको, का हेलाउबुङ दुःख हाइ दोअ्का थाहा मागिघा कालाउ पालिबुङ मागोयाङ | 8 एखेताङ एसापा इदोइ बिपतिगेलाइ वाको हुताल्वावा: सि:का चिन्ता, पिर, कालाउ आनिकाल (होइका) | मेहोइ उङ्कोहेङ ओपावा, हाइपालिपानु परमप्रभु परमेस्वर सरबुसाइका हिका हि जाइ न्यायनिसाप पावा ओदोङ भाअ्सिङ एसापा वासेहेङ मे होइ नासापाङ | 9 पृथ्विको राजागेलाइ जाइ वाको दोफा कासिबेरि (जिम्हि)पाका पाप पाहि कालाउ वाको सम्पतिता माताइहि इम्बालाइ इङ्को मे तिकाताङ पाका धुवा तिनावा | कालाउ इङ्को राजागेलाइ खारावा कालाउ वाको सि:काता गुनासा पावा | 10 उङ्को दानाइ निन्चाकाता मेनाङ थितेङ दुरेदोङ जातेङ इम्बालाइ एसा दोअ्तावा, |''हाय !हाय! ना महारानी, सरबुङसाइका नगर बेबिलोन ! दुःख,दोङ दुःख ह्याको नेलाइ ए घण्टा ताङ ना साजाइ निङ्न्हा |' 11 'पृथ्विको ब्यापारिगेलाइ वाको भाअ्सिङ खारावा कालाउ बिलौना पावा| हाइपालिपानु हासुबुङ इम्बालाइको व्यापारको आमेनेगेलाइ आरोङ हेलाउबु चोल्लि हासुबुङ माल्वाङ | 12 इम्बालाइ सोना,चान्दि,रत्न,मोति,मलमलको धावा, नेल्पा रङ्को धाबा, रेसम, कालाउ जाहाका इ:का रङ्को धाबागेलाइ ,कालाउ गोताङ खाल्को मालामाला धेग्र्ग्रा,कासा,चिर कालाउ सङ्गमरमर कालाउ हाराहोइ बानाइका गोताङ खाल्को आनेमानेगेलाइ , ओसारापाङ जाङ्का, देग्राको चिरको, | 13 कालाउ उङ्को ब्यपारिगेलाइ दालचिनि,मासाला,धुमाना, मुर्र, मालामालाका चुइति,हेन्जा मालामालाका धुमाना,दाखरस,भर्द्रासेको चुइति,माइदा ,गहम,गपुस भेडा मेसा,ओह्नया,ओह्नया गारि, चाकारिया कालाउ चाकरियागेलाइ मानुमुइ आत्मागेलाइ बुङ पिखे | इम्बालाइ बिलाप पावा कालाउ दोअ्तावा: 14 इम्बालाइ दोअ्तावा ' हे बेबिलोन,नाङ्को मनको मान्दाताअ्का आमेनेगेलाइ नाङ्कोसो हानिका हि, गोताङ ता:का चाका-आमकागेलाइ कालाउ गोताङ,नाङको बिलासि जिवन गुमाइपाना, | ना इङ्को आनेमानेगेलाइ आरोङ हेलाउबुङ निङ्लि मादोवाना | 15 'इङ्को आनेमानेगेलाइको ब्यापारिगेलाइ इङ्को नगरता व्यापार पातेङ धन कामाइहि हिघाहि, वाको हुता लोका याताना सो थियाङ दुरेसोदोङ जाअ्तेङ एसा दोअ्काताङ कालाउ बारका गालाहोइ खारावा कालाउ बिलाप पावा , 16 इम्बालाइ द्वावा: 'हाय ! हाय !इङ्को माहानगर हेङ वा मिहिन मलमल,गाङ्गाउरा कालाउ इका धावाको बोतेङ हिकातेङ हिघाहि | वा सोना,रत्न कालाउ मोतिगेलाइसो चिल्का-चिल्कातेङ सानसाइतेङ हिघाहि | 17 इदोइ गोताङ बैभबगेलाइ ए घण्टाताङ नासाहि |' ''गोताङ जाहाजको कप्तान,गोताङ दयाङ्गेलाइ ,नाविगेलाइ समुन्द्री व्यपारगेलाइ दुरेङ जाअ्हि | 18 इम्बालाइ इङ्को ओका धुवा तिङ्हि |इम्बालाइ बारका गालाता दोअ्हि,''या माहान नगरि भाइका माहानगर हिदोइबुङ नगर मान्थुघाहि !'' 19 इम्बालाइ ताइको पुरुङता धुला हुहि, इम्बालाइ बिलाप पाहि कालाउ दुःख मानिहि | कालाउ इम्बालाइ बारका गालाहोइ दोअ्हि: ''कस्त ! माहानगरिको भाअ्सिङ हेथे कस्त ! गोताङ दयाङ्गेलाइ जाइको समुन्द्रता जाहाजगेलाइ हिघाहि,वाको सम्पतिसो झाराङ धनवान जेङ्हि | कालाउ ए घण्टा भरिता इङ्को गोताङ ओहि | 20 हे स्वर्ग ! वासेहेङ जेसा जेङहि,इङ्कोको भाअ्सिङ खु:सिजेङ ,परमेस्वरको पबित्तरो दयाङ्गेलाइ चात्यागेलाइ कालाउ अगमबक्तागेलाइ, इम्बालाइ दोफा पाका अन्यायको भाअ्सिङ परमेस्वर वाको इन्साप भाअ्सिङ दण्ड पिका हि |'' 21 कालाउ न्हुसो एलोङ सरबुङसाइका स्वर्गदुत एलोङ बिसाल जन्ता भाइका उन्थुइ कुराइहि | इङ्को उन्थुइ जान्ता झोकोङ बारका हिघाहि | स्वर्गदुत इङ्को उन्थुइ समुन्द्रता थाइगील्हि ,'' एसापादोङ ''माहानगरि बेबिलोन एसापाङ दोङ थाइगिल्नाङ कालाउ आरुङ हेलाउबुङ मानिनाङ | 22 बिना बाजाइकालाइ, 'ले' लेकालाइ, बासुरि बाजाइकालाइ कालाउ तुरहि म्होकालाइ हेलाउबुङ नाङ्कोता दयाङ्को संङ्गित माहिनाङ | नाङ्कोता आरूङ हिदोइबुङ सिल्पको- शिल्पकार नाङ्कोता हेलाउबुङ दयाङ मानिनाङ | नाङ्कोता जान्ताको गाला हेलाउ बुङ माहिनाना | 23 गेसाको फाइसालामाका नाङ्कोता हिदोइकालबुङ माचिल्का तावा | दारा कालाउ दरुवाइनिको गालाबुङ नाङ्कोता हिदोइकालबुङमाहिना | हाइपालिपानु नाङ्को ब्यपारिगेलाइ पृथ्विको बारका बारका द्याङगेलाइ हिघाहि,कालाउ नाङ्को जातिगेलाइ ओझाको तन्त्तर मन्त्तर थगिनाका हिघाहि | 24 इङ्कोता दोङ अगमबक्तागेलाइ कालाउ परमेस्वरको पबित्तरो दयाङ्गेलाइ कालाउ पृथ्विता सेन्हाकागेलाको झाराङ्को हिति निङ्का हिघाहि |''