प्रकाशित वाक्य 15

कालाउ का स्वर्गता भेनेङ भारबुसाइका चिन्हा तिङ्घा, इङ्को माहान काल हिघाहि | इन्ता न्हिलोङ बिपति चुमाका स्वर्गदुतगेलाइ हिघाहि | इङ्को न्हुसोको आपतगेलाइ हिघाहि , हाइपालिपानु इदोइ आपतगेलाइ न्हुसो परमेस्वरको क्रोड दोअ्का हि | 2 का मे दोफा मिसालाइनाका कासको समुन्द्र भाइकाङ आमेने तिङ्घा ,गोताङ द्याङ्गेलाइ जाइ इङ्को गपुस कालाउ वाको मुर्ति कालाउ वाको मिङ को सङ्ख्यागेलाइ हुता बिजय निङ्कालाइ, ताइको खुरता परमेस्वरको बिना चुमाहि | इङ्को कासको समुन्द्रको कम्भेता जाअ्तेङ हिघाहि | 3 इम्बालाइ एसा दोअ्काताङ एपरमेस्वरको बान्धाइति मोसाको 'ले' कालाउ परमेस्वरको थुमाको लेकाताङ हिघाहि |'' हे परमप्रभु परमेस्वर,सारबुसाइका,नाङ्को जेदोङ काम,माहान कालाउ;भारबुसाइका हि,| जेलाउ लाउकोबुङ महाराजा ,नाङ्को दामा गोताङ सहि हि कालाउ सत्ये हि | 4 हे परमप्रभु, ना दोफा हासु माथ्यावा रो ? कालाउ नाङ्को मिङ्को महिमा हासु मापावा ? | हाइपालिपानु ना खिनिङ पबित्तरो हिना | गोताङ जातिको द्याङ्गेलाइ ल्वाङ कालाउ नाङ्को आगाता सेउ पावा,हाइपालिपानु इदोइ नाङ्को धार्मिक कामगेलाइ प्रकत जेङ्हि जेदोङ सहि हि |'' 5 कालाउ का स्वर्गता गवाहिको मण्डपको मुन्दिर तिङ्घा जेदोङ हिन्हा हि | 6 कालाउ न्हिलोङ बिपतिगेलाइ चुमाका स्वर्गदुत गेलाइ मुन्दिर बाहार लोहि | इम्बालाइ जाहाका मलमलको धावा लोखन होङ्का हिघाहि, इम्बालाइ ताइको तुम्ताता सोनाको भाइका पत्तिहोइ धेउका हिघाहि | 7 कालाउ द्यालोङ मध्ये एलोङ हुसिहिका गपुस उङ्को न्हिलोङ स्वर्गदुतगेलाइ न्हिलोङ सोना भाइका दारु पिहि | इङ्को जाम बात्ति गेलाइ हेलाउलाउबुङ बान्चितेङ हिका परमेस्वरको क्रोडहोइ पोङ्घाका हिघाहि जेदोङ हेलाउलाउबुङ ह्यावा |... 8 कालाउ परमेस्वरको महिमा कालाउ वाको सरबुङ्को कारनहोइ मुन्दिर धुवाहोइ पोङ्घाहि | उङ्को न्हिलोङ स्वर्गदुतको न्हिलोङ बिपतिगेलाइ पुरा माजेम्पाभरि मुन्दिरलिता हासुबुङ दुल्लि मादोहि |