प्रकाशित वाक्य 12

कालाउ न्हुसो स्वर्गता एलोङ भारभुसाइका चिन्हा देखा जेङहि, इन्ता एलोङ बेबाल हिघाहि ज्याए सान्हे धाबा भाइपाङ लागाइतेङ (होङ्तेङ) हिघाहि | जाइको पाइताला लिता तालि हिघाहि, वा पुरिङ्ता तेन्हे वटा फुरु लगाइका मुकुत हिघाहि, 2 इङ्को बेबाल गान्दि तेअ्का हिघाहि वा तु-निन्चातेङ र्हिकाइहि हाइपालिपानु वा जामाल जेङ्पालि तोम्का बेला जेङ्दोङ घाखे | 3 कालाउ आरोङ न्हुसो स्वर्गता भेनेङ चिन्ह देखा जेङ्हि: ,इन्ता एलोङ बारका अजिङ्गर पुय्या हिघाहि इङ्को अजिङ्गर पुय्याको न्हिलोङ पुरिङ कालाउ तेलोङ दाङ्गेलाइ हिघाहि | वाको जिउको पुरिङ्ता न्हिलोङ मुकुतगेलाइ तुअ्का इ:का अजिङ्गर हिघाहि | 4 इङ्को बारका पुय्याको मेथोङहोइ बादेलको फुरुगेलाइको ए-भाग अङ्सो कोअ्तेङ पृथ्विता हुल्पापिहि | जेदोङ बेबाल जामाल जेङ्लि तियार हिघाहि | इङ्को पुय्या इङ्को बेबालको जामालको जोलोम जेङ्का सिङ उङ्को जामालहेङ चालि उङ्को बेबालको भेरपा जाअ्का हिघाखे | 5 उङ्को बेबाल गोताङ जातिगेलाइहेङ चिरको डान्ठाहोइ सासन पालि एलोङ चानको जोलोम पिहि | वाको जामालहेङ परमेस्वर कोता तोअ्ल्हेतेङ वाको सिहासनता चुम्पुहि | 6 उङ्को बेबाल चाहि मारालाका भोनोइ भारि खाअ्तेङ हानिहि,जेता ए-हाजार न्हेसाइ सुमकुरी दिना थेकापा वासेहेङ सामाराइयावा दोअ्तेङ परमेस्वर वाको भाअ्सिङ थामे तियार पातेङ ताअ्पिका हिघाहि | 7 कालाउ न्हुसो स्वर्गता धुम जेङ्हि, माइकल कालाउ वाको दुतगेलाइ इङ्को अजिङ्गर दोफा धुम पाहि | अजिङ्गरगेलाइ कालाउ वाको दुतगेलाइ बुङ धुम पाहि | 8 कालाउ इङ्को बारका अजिङ्गरगेलाइ हारेहि, हाइपालिपानु इम्बालाइ इङ्को झोको सर्बुङसाइका मान्थुघाहि, इम्बालाइको भाअ्सिङ स्वर्गता ताइको थामे गुमाइ पाहि | 9 इङ्को अजिङ्गरहेङ कालाउ वाको दुतगेलाइ सुधाङ पृथ्विता थाइगिल्हि, | इङ्को बारका अजिङ्गर ओदोङ प्राचिन अजिङ्गर हिघाहि, जाइहेङ दियाबलस (माकुनु साइतान दोअ्खे) दोअ्खे | इङ्को गोताङ सुमिङ्हेङ दोङ मारेम्का काम भारि चुम्पुखे | वाको दुतगेलाइ सुधाङ वा दोफाङ पृथ्वि लेता थाइगिल्हि | 10 कालाउ का स्वर्गता एसा दोअ्का बारका गाला हिङ्घा: केलाइको परमेस्वरको बिजय,सरबुङ,कालाउ राइजि कालाउ वाको ख्रिस्तको खाबारा एला लोका हि | हाइपालिपानु केलाइको ओनेगेलाइहेङ दोसिलि लागाइका, जाइ केलाइको परमेस्वरको आगाता न्हिसिन नितिम दोसिलितेङ हिघाहि | इङ्कोहेङ लेता थाइगिल्का हि | 11 केलाइको ओनेगेलाइ वासेहेङ थुमाको हिति कालाउ सत्ये गवाहिको वचन कारन पातेङ वासेहेङ जितेका हि | इम्बालाइ ताइको जिवनहेङ सि:का थेकापाङ्बुङ ज्यानको माया मापाहि | ओदोङ भाअ्सिङ इम्बालाइ सि:लि माथिहि | 12 ओदोङ भाअ्सिङ हे स्वर्गता हिकालाइ नेलाइ लेङ्चासु ,कालाउ पृथ्वि कालाउ समुन्द्रहेङ धिक्कार हि! हाइपालिदोनु वाको समय वासेहेङ थाहा हि, कि आतुइसा हि कालाउ दियाबलस एकदम चेरताम्पाकाताङ इम्बालाइकोता लेता लोका हि | 13 जेलाउ इङ्को अजिङ्गर तिङ्हि कि ताइमिहेङ पृथ्वि लेता थाइगिल्का हि ,कालाउ वा उङ्को चानको जोलोम पिका उङ्को बेबालहेङ गिल्हि | 14 कालाउ उङ्को बेबालाइहेङ इङ्को पुयाको आगासो उदादाङ्का थामेता हानीलि बार्का गाधेलको न्हेलोङ पाखेना पिहि, ओदोङ भाअ्सिङ वा इङ्को थामेसो उराइतेङ हानिलि दोअ्घाखे जाइ उडाडाङ्का थामेता वाको भाअ्सिङ तियार पापिका हिघाहि | इङ्को थामेता सुम-बासार आधा बासार थेकापा वासिहेङ रेम्फा सामाराइका हिघाहि, इन्ता वा इङ्को पुय्यासो दुरे हिलि दोघाखे | 15 कालाउ इङ्को अजिङ्गर ताइको नुइसो झोराको भाइपाङ चि उल्लापाहि ताकि इङ्को बेबालहेङ बानेहोइ झोपाको दोअ्तेङ वासेहेङ मोपालि दोअ्धाङ | 16 कालाउ इङ्को बेबालहेङ पृथ्वि साधाइहि पृथ्वि ताइको नुइ हिअ्हि कालाउ इङ्को पुय्या नुइसो ओल्लिपाका झोरासो ओल्लिका चि निअ्हि | 17 कालाउ इङ्को अजिङ्गर उङ्को बेबालदोफा मारफाङ चेरताम्पाहि, इङ्को अजिङगर उङ्को बेबालको आरु बाकि हिका जामालाइको बिरुद्ता धुम पालि हानिहि | उङ्को बेबालको जामालाइ इम्बालाइ हिघाहि | जाइ परमेस्वरको आदेस पालन पाघाखे | 18 येसु:को धिरपाका सत्ये गवाहि पिखे |कालाउ इङ्को बार्का अजिङ्गर पुय्या समुन्द्रको काम्भेता जाअ्हि |