प्रकाशित वाक्य 11

कालाउ न्हुसो दोङ्का ताङ्गाइका भाइका ( निगालो) एलोङ तेकिका लाठि पिहि, कासेहेङ दोअ्हि,''हाने कालाउ परमेस्वरको मुन्दिर कालाउ बेदिको नाप दोङ,कालाउ इन्ता आराधाना पाकालाइको सङ्ख्या गान्दे | 2 कालाउ मुन्दिर बाहारको सालेङ लाअ्पि इङ्कोहेङ मादोङ, उङ्को जाति-जातिलाइहेङ पिका हि, कालाउ इम्बालाइहेङ न्हेकुरि न्हे महिना थेकापा पबित्तरो सहरहेङ पाइतालाहोइ याङ्गिल्तेङ हिगिल्लावा | 3 कालाउ का काङ्को न्हेलोङ साक्सिगेलाइ खाबारा प्यावा ,कालाउ इम्बालाइ ए-हाजार न्हेसाइ सुम कुरि दिना थेकापा भाग्राको धाबा होङ्तेङ अगमबानि पाका सरबुङ का प्याङ्का |'' 4 इदोइ न्हेमि साक्सिगेलाइ न्हेलोङ भद्रास्याको सिङ्गेलाइ कालाउ न्हेलोङ चेरा दानि जेदोङ पृथ्विको परमप्रभुको आगाता जाअ्का हि | 5 एदि हासुबुङ द्याङ इम्बालाइहेङ हानि पालि भोखे पानु, इम्बालाइको नुइसो ओल्लिका मेहोइ इम्बालाइको सतुरगेलाइहेङ नासापावा , हिदोइबुङ द्याङ इम्बालाइहेङ चोट पापालि इच्छा पाखे पानु उङ्कोहेङ एन्साङ खालको सो वासेहेङ बुङ सेअ्ताङ | 6 इदोइ इम्बालालाइ अगमबानि पातेङ हिका समयता बादेलसो फाइसालामाका मातिङ्पालि दोका कालाउ वाइ माल्वाको दोअ्तेङ रोकिलि दोअ्का सरबुङ हि, इम्बालाइ दोफा चि हेङ हिति बानाइका सरबुङ हि | इम्बालाइ दोफा गोताङ खालको कस्त पृथ्विता पिगिल्का सरबुङ हि ,इम्बालाइदोफा गोताङ खालको बिपति चुमाका सरबुङ हि | 7 जेलाउ इङ्को न्हेलोङ गवाहिगेलाइको ताइको प्रमान दोम्पालि दोअ्तेङ माओताका खारातासो ओल्लितेतेङ लोका इङ्को गपुस इम्बालाइदोफा धुमपातेङ जितितेङ से:तावा | इदोइ इङ्को गपुस जेदोङ पातालासो हुता ल्वावा | इङ्को गपुस इम्बालाइ झाराङहेङ जितियावा कालाउ इम्बालाइहेङ सेअ्तावा | 8 इम्बालाइको लास इङ्को माहान सहरको गल्लिता ह्यावा , जेदोङ सहरको रूपता सोदोम कालाउ मिस्रो सार्भि दोअ्खे, सहरको इङ्को मिङ्गेलाइता बिसेस मानेहि | ओदोङ सहरता नेलाइको ,जेता प्रभुहेङ क्रुस्ता ताङ्गाइतेङ सेअ्का हिघाहि | 9 गोताङ हारागुतिया,जाति,भासा कालाउ दामाको द्याङ्गेलाइ सुमदिना आधा-दिना थेकापा वाको न्हेलोङ लासगेलाइहेङ खानावा , इङ्को लासहेङ लिअ्लि माप्यावा | 10 हाइपालिपानु पृथ्विता हिका दयाङ्गेलाइ इम्बालाइको सि:ता हाउसायावा ,आनान्द मानाइयावा कालाउ ता-ताइमिता इम्बालाइ भोज पावा कालाउ एमिसो भेनेङ्हेङ उपहार प्यावा | हाइपालि पानु इदोइ न्हेमि अगमबक्तागेलाइ पृथ्विता हिका द्याङ्गेलाइहेङ उल्लिदुल्लिको याताना पिहि | 11 कालाउ न्हुसो सुमदिना आधा दिनाता परमेस्वरसो लोका उङ्को जिवनको हुसी न्हेमि अगमबक्तागेलाइता ह्वापिहि | इम्बालाइ ताइको खोकोइता जाअ्हि, गोताङ दयाङ्गेलाइ ज्याइ इम्बालाइहेङ तिङ्हि कालाउ मेनाङ थिहि | 12 कालाउ उङ्को अगमबक्तागेलाइ स्वर्गसो बारका गाला हिङ्हि,''इता हुता लोउ |''कालाउ उङ्को न्हेमि अगमबक्तागेलाइ बादेल हुता स्वर्ग हानिहि, इम्बालाइको सतुरगेलाइ इम्बालाइ खाङ्काताङ -खाङ्ताङ हुता हानिकाताङ पाका तिङ्हि | 13 एन्सालाउदोङ इन्ता बारका भुइचाल हानिहि, सहरको तेतेङ भाग उन्धिहि, कालाउ न्हि-हाजार द्याङ्गेलाइ इङ्को भुइचालाता सि:हि | आरु द्याङ्गेलाइ ज्याइ मासिहिहि इम्बालाइ ओसारापाहाङ थिहि,कालाउ इम्बालाइ स्वर्गको परमेस्वरहेङ महिमा पाहि | 14 न्हेतेङ बिपति पुरा जेङ्हि, ''खाङ्सु, सुमतेङ बिपति धेमाङ लोदोङ्खे |'' 15 न्हितेङ स्वर्गदुत ताइको तुरहि म्होहि , कालाउ स्वर्गता एसा दोअ्का बारका-बारका गाला गुन्जिहि | ''सुमिङ्को राइजि एला केलाइको परमप्रभु परमेस्वरको कालाउ ख्रिस्तको राइजि जेङ्का हि,| कालाउ वा हेलाउ-लाउबुङ राज्य पावा |'' 16 कालाउ उङ्को एकुरि द्या धर्मगुरुगेलाइ पुरिङ तुघुरपातेङ कालाउ परमेस्वरको आराधाना पाहि | इम्बालाइ उङ्को धर्म गुरुगेलाइ हि ज्याइ परमेस्वरको आगाता ताइको सिहासनता हिखे | 17 इङ्को बा-बार्कालाइ दोअ्हि:'' हे परमप्रभु परमेस्वर सर्बशक्तिमान, केलाइ नासिहेङ धन्याबाद चढाइनाखे ,जाइ हिका हिना, कालाउ जाइ हिका हिघाना, हाइपालिपानु ना ताइको माहान सरबुङ्को खुरहोइ थामिना कालाउ सासन पालि तेङ्ना | 18 सुमिङ्को जाति-जातिगेलाइ ओसारपाङ क्रोधित जेङ्हि,कालाउ एला नाङ्को चेरताम्पाका समय हि, एला सि:का दयाङ्गेलाइको न्यायनिसाप पाका समय हि, एला,नाङ्को बानधाइतिगेलाइ कालाउ अगमबक्तागेलाइहेङ पुरुस्कार पाका समय हि,कालाउ नाङ्को पबित्तरो सेवकगेलाइहेङ पुरुस्कार पाका समय हि, इङ्को बारका कालाउ म्हुइका जाइ नाङ्को मिङ्सो थिका द्याङ्गेलाइहेङ इनाम पिका, नासिहेङ इङ्को द्याङगेलाइहेङ नास पाका समय हि, जाइ पृथ्विको नास पाकालाइहेङ नासा पाली समय लोका हि |'' 19 कालाउ न्हुसो स्वर्गदुत परमेस्वरको मुन्दिर हिअ्हि, इङ्को वाको मुन्दिर लिता पबित्तरो सन्दु हिघाहि | परमेस्वर वाको दयाङगेलाइहेङ पिका करार हिघाहि,वाको मुन्दिरता तिङ्लि दोअ्खे | कालाउ इन्ता बिजिलि चिल्का हि,कालाउ मेघ गर्जनगेलाइको गाला लोहि, भुइचाल लोहि कालाउ हेन्जा बार-बारका झोसे हुल्लि