प्रकाशित वाक्य 9

नातेङ स्वर्गदुत ताइको तुरहि म्होहि, कालाउ का स्वर्गसो एनोङ फुरु पृथ्विता हुल्काताङ पाका तिङ्घा | इङ्को फुरुहेङ खाङ्खाराका कानाको ताल्चा पिहि जेदोङ काना माअ्ताका वाङ्खाराका भारि हानिखे | 2 माअ्ताका वाङ्खाराका खाराभारि हानिका काना वा खाइहि मेको खारासो ओल्लिका भाइका दुवा इङ्को कानासो उल्लिकाताङ हिघाहि कालाउ इङ्को दुवाहोइ सान्हे कालाउ बादेलहेङ कितिकिति पाहि | 3 कालाउ इङ्को धुवा सो चाखागेलाइ (सलाह) पृथ्विभारि लोहि, इङ्कोगेलाइहेङ चिम्ताङ्गेलाइ भाइपाङ चुका सरबुङ पिका हिघाहि | 4 इङ्को चाखागेलाइहेङ आदेस पिहि पृथ्विको घासि, आने-माने हिदोइ बुङ सिङ्सोङ्गेलाइहेङ मानासापा दोअ्का हिघाहि | इम्बालाइ इङ्को मनैइ, दयाङ्गेलाइहेङ खिनिङ चोट पापालि दोअ्का ज्याइको कापालाता परमेस्वरको मोहर मान्ठु | 5 इङ्को चाखागेलाइहेङ,दयाङगेलाइहेङ 'ना' महिना थिकापा कस्त पिका सरबुङ पिका हिघाहि | कालाउ इङ्को चाखागेलाइ दयाङगेलाइहेङ से:का खाबारा पिका मान्थुघाहि, कालाउ इङ्को दयाङ्गेलाइहेङ जेसाङ चिम्ताङ्होइ चुलाउ जिसिकाङ कस्ट जेङ्खे इम्बालाइहेङ पिका दु:खबुङ इन्सिकाङ हिघाहि | 6 इङ्को दिनागेलाइता द्याङ्गेलाइ सि:लि काल उपाय भोगिल्लावा,कालाउबुङ इम्बालाइ मानिनावा | इम्बालाइ सि:लि खानावा कालाउबुङ सि:का काल इम्बालाइसो खाअ्तावा | 7 इङ्को चाखागेलाइको सिङ धुमको भाअ्सिङ तियार पाका ओह्यागेलाइ भाइका तिङ्घाखे | इम्बालाइको पुरिङ्ता सोनाको मुकुतगेलाइ भाइकाङ तिङ्न्हाका लागाइका हिगाहि | कालाउ इम्बालाइको र्-र्हाइ मानिमुइको (द्याङ्को) भाइका तिङ्घाखे | 8 इम्बालाइको पुसिङ बेबालाइको पुसिङ भाइका हिघाहि, इम्बालाइको तासिङ खुवाका भाइका हिघाहि | 9 कालाउ इम्बालाइको कवाज तुम्ताता फलामको भाइका हिघाखे इम्बालाइको पाखेनाको उराइलाउ ओल्लिका गाला धुमभारि हानिलि हात्तार पाका हिन्जा रथ कालाउ ओह्याँगेलाइको ओल्लापाका गाला भाइका हिघाहि | 10 इङ्को चाखागेलाइको मेथोङ्गेलाइता चिम्ताङ्को सुइ-सुइ खिल भाइका हिघाहि, द्याङ्गेलाइहेङ 'ना' महिनाको भाअ्सिङ कस्त पिका सरबुङ इम्बालाइको मेथोङ्ता हिघाहि | 11 इङ्को चाखागेलाइको राजा हिघाहि, इङ्को राजा हेलाउबुङ मे मासिका वाङ्खाराका खाराको स्वर्गदुत हिघाहि | हिब्रु भासाता वाको मिङ एबाडोन हिघाहि, युनानि भासाता वाको मिङ आपोल्लियोन हिघाहि | 12 एतेङ माहासङ्कस्त हानिहि आरोङ न्हेलोङ महाबिपतिगेलाइ लोलि बाकि हि | 13 तुतेङ स्वर्गदुत वाको तुरहि म्होहि कालाउ परमेस्वरको आगाता सोना भाइका बेदिता हिका द्यालोङ दाङ्सो लोका गालाका हिङ्घा | 14 इङ्को गालाहोइ तुतेङ स्वर्गदुत,ज्याइ दोफा तुरहि हिघाहि वासेहेङ दोअ्हि,''इङ्को द्यामि स्वर्गदुतगेलाइहेङ लाअ्पि ज्याइ माहाझोरा युफ्रेतिसता धेउनाका हि |'' 15 इदोइ द्यामि स्वर्गदुतगेलाइहेङ इदोइ घुरि,दिना,महिना कालाउ सा-बासारको भाअ्सिङ तियार ताअ्का हिघाहि | उङ्को स्वर्गदुतगेलाइ पृथ्वि हिका ए-भाग गोताङ दयाङ्गेलाइहेङ से:लिको दोअ्तेङ मुक्त पाहि | 16 का हिङ्घा इम्बालाइको सेनाता ओह्यासो सवार सिपाहि इन्ता ए-कुरि करोड़ हिघाहि | 17 काङ्को दरसनता का इसिका तिङ्घा कालाउ ओह्याँ सवारगेलाइ तिङ्घा इम्बालाइ इसिका तिङ्घाखे: इम्बालाइको तुम्ताता लागाइको कवचगेलाइ मे भाइका हिघाहि,जेदोङ हिका हिघाहि,नेल्पा भाइका कालाउ मेको ज्वाला भाइका याउका हिघाहि , ओह्याँको पुरिङ्गेलाइ खुवाको पुरिङ्गेलाइ भाइकाङ तिङ्घाखे | ओह्याँगेलाइको नुइसो मे दुवा कालाउ मेको ज्वाला ओल्लितेङ हिघाखे | 18 इम्बालाइको नुइसो ओल्लिका 'मे' को दुवा कालाउ ज्वालाहोइ इदोइ सुम बिपतिसो पृथ्विको गोताङ द्याङ्गेलाइको ए-भाग से:हि | | 19 इङ्को ओह्याँगेलाइको सरबुङ इम्बालाइको नुइ कालाउ मेथोङ्ता हिघाहि , इम्बालाइको मेथोङ पुय्या भाइका हिघाहि ज्याइको पुरिङ्गेलाइहोइ द्याङ्गेलाइहेङ चोका कालाउ से:लिको भाअ्सिङ हिघाहि | 20 इदोइ बिपतिसो पृथ्विको आरू द्याङ्गेलाइहेङ मासेन्हाका कालाउ इदोइ बाकि द्याङ्गेलाइ ताइको खुरको कामगेलाइसो एला थेकापाबुङ मापास्ताइहि | इम्बालाइ मासानगेलाइ कालाउ तिङ्लि मादोका, हिङ्लि मादोका कालाउ तेअ्लि मादोका, सोना,चान्दि, कासा, उनठुइ, कालाउ धेङ्ग्राराको मुर्तिगेलाइ पुजिली माअ्लाहि | 21 इदोइ द्याङ्गेलाइ ताइको पाका से:का, तन्त -मन्तर ,कुसुमि कालाउ खुकाको मापास्ताइहि |