प्रकाशित वाक्य 8

थुमा न्हितेङ मोहर खाइहि कालाउ आधा घान्ता थिकापा स्वर्गता चाकामान्दा जेङ्हि | 2 कालाउ का तिङ्घा न्हिलोङ स्वर्गदुतगेलाइ ज्याइ परमेस्वरको आगाता जाअ्का हिघाहि | इम्बालाइ हेङ न्हिलोङ तुरहि पिहि | 3 भेनाङ स्वर्गदुत लोहि कालाउ बेदिता जाअ्हि, उङ्को स्वर्गदुत दोफा सानाको भाइका धुमाना-दानि (चेरा-दानि) हिघाहि |इङ्को स्वर्गदुतहेङ परमेस्वरको गोताङ पबित्तरो दयाङ्गेलाइको दोमचाकाइका सुधाङ अर्पन पालिको भाअ्सिङ हिन्जा धुमाना पिहि | उङ्को स्वर्गदुत इदोइ भेति सिहासनको आगाता सोनाको बेदिता ताअ्हि | 4 धुमानाको धुवा स्वर्गदुतको खुरसो हुता हानितेङ परमेस्वरकोता हानिहि | इङ्को धुवा परमेस्वरको दयाङ्गेलाइको दोमचाकाका सुधाङ हुसो हानिहि | 5 कालाउ न्हुसो स्वर्गदुत बेदिको मे चेरा दानिताता भरेहि स्वर्गदुत इङ्को चेरादानि पृथ्विता थाल्हि | कालाउ इन्ता बिजिलि चिल्का हि | बारका गालागेलाइ लोहि कालाउ भुइचाल हानिहि | 6 कालाउ न्हिलोङ तुरहि सुधाङ इङ्को न्हि स्वर्गदुतगेलाइ ताइको तुरहि बाजाइलि तियार जेङ्हि | 7 एतेङ स्वर्गदुत तुरहि म्होहि कालाउ हिति मिसालाइनाका झोसि कालाउ मे पृथ्विता हुल्लि कालाउ पृथ्विको ए-भाग अङ्स गोताङ सिन्जालाका घासिगेलाइ कालाउ ए-भाग सिङ्गेलाइ ओहि | 8 न्हेतेङ स्वर्गदुत ताइको तुरहि म्होहि(बाजाइहि) कालाउ मे होइ ओतेङ हिका एलोङ बारका 'रा' भाइका आधे समुन्द्रको थाइगिल्हि | 9 कालाउ ए-भाग समुन्द्रको प्रानिगेलाइ सिहि,कालाउ ए-भाग जाहाजगेलाइ नासाहि, समुन्द्रको ए भाग हिति जेङ्हि | 10 सुमतेङ स्वर्गदुत ताइको तुरहि म्होहि, कालाउ,राको जोल्का भाइका एलोङ बारका फुरु बादेलसो हुल्हि | इङ्को तारा ए-भाग-आङ्स झोरागेलाइ कालाउ चिको मुरका मुलता हुल्हि | 11 इङ्को फुरुको मिङ ''एरेलु''हिघाहि कालाउ गोताङ ए-भाग अङ्स 'चि' खाअ्हि, इङ्को खाका चि हिनाङ आमतेङ हेन्जा द्याङ्गेलाइ सि:हि | 12 द्यातेङ स्वर्गदुत ताइको तुरहि म्होहि, सान्हे कालाउ ए-भाग अङ्स फुरुगेलाइ हुता झाअ्मिरिहि | इङ्को गोताङ्को ए-भाग अङ्स कितिकितिहि, नितिम कालाउ न्हिसिन बुङ ए-भाग माफाइसालामहि | 13 जेलाउ का मध्य बादेलता उराइतेङ हिका एनोङ गोधलको इसिका दोकाताङ पाका चेराका बार्का गालाहोइ र्-काइहि हिङ्घा ,'' लाअ्पिलि बाकि हिका सुमि स्वर्गधुतको आरू तुरहिको गालाको कारनहोइ पृथ्विता हिकालाइहेङ धिक्कार, धिक्कार, धिक्कार !