प्रकाशित वाक्य 6

कालाउ,थुमा न्हिलोङ मोह, मध्ये लाङ मोहर हिका बेलाका खाङघा | का इङको दयाङलोङ हुसि हिका गपुसगेलाइ मध्ये एलोङ गपुस बारका गाला भाइपा र्हिकाइका गालाता धुइका हिङघा लोउ |'' 2 कालाउ का निङघा इनता काङको आगा एलोङ जेका ओहन्या हिघाहि | ओह्न्या स्वरको तिर (धनु) आका हिघाहि | ओह्न्या सवार हेङ मुकुत पिहि | कालाउ वा जितिका भाइकाङ झन बिजय (जितिलि झन आगा बदेहि) | 3 भेडा मेसाको पान्था न्हेतेङ मोहर हि:हि , कालाउ का न्हेलोङ हुसि हिका गपुस ''लोउ''दोअ्का हिङघा | 4 कालाउ भेनेङ अह्न्या बाहार लोहि | इङको इका ओह्न्या (ओया) हिघाहि | इङको ओया सवाहेङ पृथ्विसो सान्ति तोअ्लेङ चुम्पुतेङ कालाउ दयाङगेलाइहेङ एमिसो बोमिहेङ सेलि खाबारा पिका हि | इङको ओया-सवारहेङ एलोङ बारका तरबार पिहि | 5 इङको भेडा मेसाको पान्था सुमतेङ मोहोर हिअ्हि , कालाउ का सुमतेङ हुसिहिका गपुस ''लोउ'' दोअ्का हिङहि | का खाङघा,कालाउ इन्ता दा:का ओन्या हिघाहि | ओन्या सवार ताइको खुरता ए-जोर दोङ्का पाल्ला हिघाहि | 6 कालाउ का आरू गाला भाइका हिङ्घा | इङ्को गाला इङ्को दया हुसि हिका गपुस गेलाइ हिका थामेसो लोका हिघाहि | इङको गाला दोअ्हि,''ए दिनाको परिस्रम पाका ए-किलो गहुम कालाउ ए-दिनाको काम पाका | परिस्रमको सुम किलो जौ,कालाउ चुइति कालाउ दाखरस मानसा पा |'' 7 इङको भेडाको पान्था दयातेङ मोहर हि:हि | कालाउ का दयातेङ हुसि हिका गपुस ''लोउ'' दोअ्का हिङघा | 8 का खाङ्घा कालाउ इङको आगा याउका रङ्गको ओन्या हिघाहि | इङको ओन्या धाअ्पाकाको सि:का हिघाहि | वाको लेसारा पिताइतेङ पातालको गेलाइ पिताइलेङ हिघाहि | इम्बालाइहेङ ए-चौथाइ पृथ्विहुता तरबार,म्हुनुपाङ हिका,माहामारि (सिलि-तोम्का) कालाउ पृथ्विको झारभारिको गपुसपाहा दयाङगेलाइहेङ सेअ्लि खाबारा पिका हिघाहि | 9 इङको भेडाको पान्था नातेङ मोहर हिअ्हिइ कालाउ का बेदि लिला आधे आत्मागेलाइ तिङघा | इङको आत्मागेलाइ इङको सेअन्हाका दयाङगेलाइको आत्मा हिघाहि | हाइपालिपानु इम्बालाइ परमेस्वरको बचन कालाउ इम्बालाइ निङका सत्येको खान्धुराइ पिगाहि| 10 इङको आत्मागेलाइ बारका गालाता र्हिकाइहि,''पबित्त्तरो कालाउ सत्ये परमप्रभु,केलाइहेङ सेअ्का नाङ पृथ्विको दयाङगेलाइ न्याय पालि कालाउ ओबालाइहेङ दण्डपिलि हेथे र्हिङका समय र्हुम्तेङ हिखेना | 11 कालाउ न्हुसो उङको आत्मागेलाइ झाराङहेङ जे:का धावा (होङका धावा पिहि)पिहि | इम्बालाइ आतुइसा समय र्हुलि दोअ्हि,इम्बालाइको आरुङ आधे ओनेगेलाइ ज्याइहेङ इम्बालाइ भाइपाङ सेअ्न्हालि हिघाहि | इङको आत्मागेलाइ इदोइ सेअ्का काम पुरा (मादोपा थेकावा) माजेङपा थिकापा र्हुम्लि दोअ्हि | 12 कालाउ,इङको भेडाको पान्था तुतेङ मोहर हिअ्हि | (खाइहि) | इन्ता एकदम बार्का भुइचाल हानिहि | सान्हे,(बेला) पुसिङहोइ बानाइन्हाका धावा भाइका दा:का जेङहि | तालि गोताङ हिति भाइपाइपाङ इ:का ओदोङघुरि जेङहि | 13 बादेलको फुरु गेलाइ,धुइयापा लोका भेरमाको सिङसो कासेगेलाइ हुल्नाङ भाइका पृथ्विता हुल्हि | 14 बादेल कागज लुम्नाङ भाइपाङ राम्हि | कालाउ गोताङ हेमा डाग्ग्रा कालाउ लाख गेलाइ ताइको थामेसो हुल्हि | 15 कालाउ गोताङ दयाङगेलाइ आराङगेलाइ लिता कालाउ लाखको उन्थुइको लिता म्होहि | इन्ता सुमिङको राजागेलाइ,सासकगेलाइ,सिपाहि को बार्का सेनापतिगेलाइ,हिकाता हिका दयाङगेलाइ | गोतेङ दयाङगेलाइ,बान्धाइति कालाउ मुक्ति झाराङ स्वयम म्होहि 16 दयाङगेलाइ लाख,पर्बत कालाउ उन्थुइ गेलाइहेङ दोअ्हि,''केलाइहुता हुल | केलाइहेङ सिहासनता हिका वाको खुरसो म्हो | केलाइ भेडा पान्थाको क्रोसो बान्चिपा (चेर सो बान्चिपा) | 17 हाइपालि पानु ओबालाइको चेरको बारका लोका हि,कालाउ वाको आगा हासु जाअ्लि दवावा ?