प्रकाशित वाक्य 4

जेलाउ का खाङ्घा कालाउ काङ्को आगाता स्वर्गता एलोङ फिनु हिअ्नाका तिङ्घा| कालाउ का इन्तासो एनोङ गाला हिङ्घा,जेदोङ का लाम्फा हिङ्का हिघाखा |इङ्को गाला तुरहिको गाला भाइका हिघाहि, उङ्को गाला दोअ्हि,''इता हुता लोउ, कालाउ का नासेहेङ नानेबारे हाइ जेनावा इङ्को तिम्पाङ्का| 2 जेलाउ का आत्माता जेङ्घा| स्वर्गता काङ्को आगाता एनोङ सिङ्हासन हिघाहि | इङ्को सिङ्सनता एमि बिराजमान हिघाहि | 3 वा एमि जाइ सिङ्हासनता बिराजमान हिका हिघाहि, वाको र्हाइ मुल्यमान उन्ठुइ-जास्पत कालाउ गोमेद भाइका तिङ्घाखे | हिङ्हासनको कोरपाङ पन्ना भाइकाङ धेङ्गुर तिङ्घाहि | 4 इङ्को सिङ्सनको कोरपाहाङ एकुरि द्या सिङ्हासनगेलाइ हिघाहि,कालाउ पुरुङ्ता सोनाको मुकुटगेलाइ कालाउ जे:का धाबागेलाइ लागाइतेङ न्हेकुरी द्यामि धामिगेलाइ इङ्को सिङ्हासनता योमतेङ हिका तिङ्घा | 5 इङ्को सिङ्सनसो बिजुलि चिलकातेङ हिघाहि,कालाउ गड्याङ-गुडुङको गालागेलाइ लोतेङ हिघाहि | सिङ्सनको आगाता न्हिलोङ चेरा दानिगेलाइ जोल्तेङ हिघाहि, इङ्को चेरादानिगेलाइ परमेस्वरको न्हिलोङ आत्मागेलाइ| 6 सिङ्हासनता सिसाको समुन्द्र भाइकाङ हिघाहि,इङ्को स्फतिक भाइकाङ जाहाका हिघाहि | आगाभारि कालाउ लेसाराभारि द्यापाहाङ मिसियाँदोङ-मिसियाँ हिका द्यालोङ सिन्हुका प्रानि सिङ्हासनको कोरपाहाङ कालाउ द्यापाहाङ हिघाहि | 7 लाङ सिन्हुका प्रानि सिङ भाइकाङ हिघाहि,न्हेतेङ बहर भाइकाङ हिघाहि | सुमतेङको र्हाहि द्याङ्को र्हाहि भाइकाङ हिघाहि,द्यातेङ उडाइतेङ हिका गोदोल भाइका हिघाहि | 8 इङ्को झाराङ्को तुलोङ-तुलोङ पाखेना हिघाहि | इङ्को सिन्हुका प्रानिको द्यापाहाङ कालाउ लिताबुङ मिसियाँगेलाइ होइ पोङ्घाका हिघाहि | झाम्पाङ लिपाङ इम्बालाइ माथामिसिङ एसा दोकाताङ र्हिकाताङ हिघाहि,''पबित्तरो,पबित्तरो,पबित्तरो परमप्रभु सरबुङसाइका परमेस्वर,जाइ हिघाहि कालाउ हिकाहि कालाउ जाइ ल्वाङ |'' 9 जेलाउ- जेलाउ सिन्हुका गेलाइ सिङ्हासनता बिराजमान हिका कालाउ जाइ हेलालाउबुङ सिन्हुका हितेङ्हिखे,वासिहेङ महिमा,आदार,धन्यबाद चदाइखे, 10 जेलाउ इङ्को न्हेकुरि द्यामि धर्मिगेलाइ सिङ्हासनता बिराजमान हिकाको आगाता तुघुरतेङ,कालाउ हेलालाउबुङ सिन्हुतेङ हिका परमेस्वरहेङ सेउपाखे,कालाउ इम्बालाइको ताताइको मुकुट सिङ्हासनको आगाता ताअ्तेङ एसापा लेखे: 11 'हे केलाइको प्रभु कालाउ परमेस्वर नाङ्को महिमा,आदार,कालाउ सरबुङ ग्रहन पाका योग्यको हिना,हाइपालिपानु गोताङ काथा नादोङ सिरजाइका हिना,कालाउ नाङ्कोङ इस्सा बमोजिमको इङ्को रचना जेङ्हि,कालाउ इङ्कोको सिरजाना जेङ्हि |''