प्रकाशित वाक्य 2

एफिससको मण्डलिगेलाइको दुतहेङ इदोइ लेखे:इदोइ काथा न्हिलोङ फुरु ताइको दाम्पाहा खुरहोइ चाअ्तेङ हिका न्हिलोङ सोनाको चेरादानिको माझाता तेअ्का द्याङ दोअखे | 2 नाङ्को कामगेलाइ, नाङ्को परीस्रोम कालाउ सहनसिलता, कासेहेङ थाहा हि, कालाउ ना मारेम्का द्याङ्गेलाइहेङ सहिलि मादोस्वाना कालाउ नेलाइ जाइ का प्रेरित दोअ्तावा, कालाउ बास्ताप्ता माको, इन्सिकाहेङ जाचितेङ धाताइका निङ्का हिनाहि दोअ्तेङ का गिखा | 3 का गिखा ,नेलाइ धैर्य पातेङ सहिका हिसुना, कालाउ काङ्को मिङ्को भाअ्सिङ कष्ट भोगिका हिसुना कालाउ नेलाइ माइतेङ हिसुना | 4 कालाउ नाङ्को बिरुदता कादोफा एडोइ काथा हि,कि ना नाङ्को लाङ प्रेम लाअ्का हिना | 5 ओदोङ भाअ्सिङ ना हिसोसो खुल्का हिना, इङ्को फोमपा, कालाउ पास्ताइपा, कालाउ ना लाम्फा पाका काम पाअ्, माकुनुते का नाङ्कोता लोतेङ, ना पास्ताइ मापानु, नाङ्को चेरा दानि वाको थामेसो लाअ्पाप्यावा | 6 कालाउ नेलाइकोता इदोइ काथाते हि कि,नेलाइ का भाइकाङ निकोलाइतसगेलाइको काम सिअ्काका काम पासुखेना | 7 जाइको नातोङ हि,वा हिनाको,पबित्तरआत्मा मण्डलिगेलाइहेङ हाइ दोखे | जाइ जितिखे वासिहेङ परमेस्वरको स्वर्गता हिका जिबनको सिङ्सो चालिप्यावा | 8 कालाउ स्मुनाको मण्डलिको दुतहेङ इदोइ लेखे : इदोइ काथा आदि कालाउ अन्तय दोखे,जाइ सि:का हिघाहि,कालाउ आरुङ सिनु हि | 9 का नाङ्को कस्तगेलाइ कालाउ नाङ्को दुःखगेलाइ गिखा | कालाउ नाते धनिदोङ हिना | का नासेहेङ नाल्खा,जाइ ताइमिहेङ यहुदि दोखे,कालाउ साचिकोङ इम्बालाइ माको | इम्बालाइको पाका मारेमका का गिखा इम्बालाइ साइतानको चौघारा दोङ | 10 ना भोगिलि तोम्का कस्तगेलाइ दोफा माथि | खाङ्सु,दियाबलस नेलाइ मध्ये हेठे हेङ नेलाइको जाचको भाअ्सिङ कैदिता ह्वालि तोमका हि,कालाउ नेलाइहेङ तेदिनादोङ दुःख कस्त जेनावा | कालाउ ना चाहि मासिपा भारि खान्धुरि जेङ्तेङ हि,कालाउ का नेलाइहेङ जिबनको मुकुट प्याङ्का | 11 जाइको नातोङ हि,वा हिनाको,पबित्तरआत्मा मण्डलिगेलाइहेङ हाइ दोखे | जाइ जितिखे,वासिहेङ न्हेतेङ सि:कासो हाइबुङ नोक्सान माजेनावा | 12 कालाउ पार्गामको मण्डलिको दुतहेङ इदोइ लेखे: इदोइ काथा न्हेपाहाङ धार हिका तरवारको दोफा हिकाद्याङ दोखे, 13 कसिहेङ थाहा हि,ना हिसो हिखेना,इन्ताङ जेता साइतानको सिङ्हासन हि | कालाउबुङ नेलाइ काङ्को मिङ्ता मिचालापा हिखेना | काङ्को खान्धुरि योग्य साक्सि एन्तिपासको समयता बुङ का हुता ताइको खान्धुरि नेलाइ माअ्लासुना | 14 कालाउ नेलाइको बिरुदता कादोफा आधे काथागेलाइ हि, हाइपालि पानु नेलाइदोफा आधेमि इसिका द्याङ्गेलाइबुङ हि, जाइ बालामको सिकस्या साअ्खे |इस्राएलिगेलाइको आगाता दुःखको कारन बन्याको दोअ्तेङ मुर्तिगेलागेलाइहेङ चढाइका उम चालि कालाउ कुसुमि पालि बालाम जामालाइहेङ धिरपाहि | 15 एसापादोङ नाङ्कोता निकोलाइटसगेलाइको सिकस्या पालन पाकालाइबुङ हेमि हि | 16 ओदोङ भाअ्सिङ पास्ताइपासु, माकुनुते का नाङ्कोता धेमाङ ल्वाङ्का, कालाउ काङ्को नुइको टरवारहोइ एम्बाइदोफा धुम पाङ्का | 17 जाइको नातोङ हि, वा हिनाको,पबित्तर आत्मा मण्डलिगेलाइहेङ हाइ दोअ्खे | जाइ जितिखे वासिहेङ म्होनाका मन्नको आधे भाग प्याङ्का,कालाउ वासिहेङ नावा मिङ लेखिका जे:का एनोङ उन्थुइ प्याङ्का,जाइ निनावा वा बाहेक आरु हासुबुङ मागायवा | 18 कालाउ थिआतिराको मण्डलिको दुतहेङ या लेखे:इदोइ काथा परमेस्वरको चान दोअ्खे जाइको मिसिया मेको दलाङ्गा दलाङ्गाका भाइका जाइको पैताला चिल्का पातेङ ता:का कासको भाइका हि | 19 नाङ्को काम,नाङ्को प्रेम,नाङ्को खान्धुरि,नाङ्को सेवा कालाउ नाङ्को धर्य पुर्न सहिलिदोका कासेहेङ थाहा हि | नाङ्को न्हुसोको काम लाम्फाको खान्तेङ हेन्जा हि | 20 कालाउ नाङ्को बिरोधता इदोइ दोअ्लि हि: ना इजेबेल दोका तिरिहेङ सहिलि दोखेना | वा ताइमिहेङ अगमबानि दोअ्खे,कालाउ काङ्को सेवाक गेलाइहेङ कासिबिरि पालि कालाउ मुर्तिगेलाइ चदाइका उम चालि धिरपाखे,कालाउ एसापा ओबालाइहेङ केउ पाखे | 21 वासिहेङ पास्ताइपालि का वासिहेङ समय पिघा,कालाउ वा ताइको कासिबिरिसो पास्ताइपालि माकिहि | 22 खाङ्सु,कालाउ वासिहेङ मासाधेका मेसालोका आधामाराकाता का थाइगिलप्याङ्का,कालाउ वाको दोफा कासिबिरि पाकालाइ वाको पाका काम गेलाइसो पास्ताइ मापाहेपानु का ओबालाइहेङ माहा सङ्कस्तता थाइगिल्पायाङ्का | 23 का वाको चान चामेन्दिगेलाइहेङ सेअ्ताङ्का | कालाउ गोताङ मण्डलिगेलाइ थाहा निनावा,कि का ओदोङ,जाइ झाराङ्को मन कालाउ हृदयको जाच पाखे, कालाउ का नेलाइ झाराङहेङ नेलाइको काम आन्सार प्याङ्का | 24 कालाउ ना चाहि थियातिराता हिका या सिकस्या माकिका हेथेते दोका भाइपा साइतानको लिताको काथा गेलाइ मादोका बाकि नेलाइहेङ का दोखा,का नेलाइ हुता आरू हिदोइबुङ जिम्माबारि मापायाङ्का | 25 एसा जेङ्लाबुङ जेदोङ नेलाइ दोफा हि,का मालोपा थेकापा इङ्कोहेङ थामेङते तासु | 26 जाइ जितिखे कालाउ कामको कामगेलाइ आन्तिम थेकापाङ ताताङ्का,वासिहेङ जाति जातिगेलाइ हुता का खाबारा प्याङ्का, 27 कालाउ चिरको दान्था भनोइको भान्दा कुन्दागेलाइ टुक्रा टुक्रा पोङ्तेङ धेका भाइकाङ वा इम्बालाइहेङ सासन पावा,जेसाङ का बुङ काङ्को आबासो खाबारा निङ्का हिघा | 28 वासिहेङ का र्हिमाको फुरु प्याङ्का | 29 जाइको हिङ्का नातोङ हि,वा हिनाको,पबित्तर आत्मा मण्डलिगेलाइ हाइ दोखे |