Revelation
प्रकाशित वाक्य
1
परमेस्वर येसु:हेङ इदोइ काथागेलाइ, एला धेमाङ जेदोङ घटना घटियाङ इङ्को खान्धुराइ गेलाइहेङ तिम्पालि वासेङ पिहि |वा ताइको दुतहेङ दिङ्गिलतेङ इङ्को काथा ताइको सेवक यु:हान्नाहेङ प्रकट पापि हि | 2 यु:हन्ना ताइमिङ तिङ्का काथा दोअ्हि,ओदोङ सत्यजेङ्हि कि येसु:ख्रिस्त वासेहेङ दोअ्हि इङ्को चाहि परमेस्वरको बचन दोङ | 3 इङ्को धन्यको हि,जाइ अगमबानिको इदोइ बचनगेलाइ बारका गाला होइ पदिखे,कालाउ धन्य इम्बालाइदोङ,जाइ हिङ्खे कालाउ इङ्को आन्सारको लेखिका काथागेलाइको साअ्खे,हाइपालिपानु समय भेरपाङ लोका हि | 4 एसियाता हिका न्हिलोङ मण्डलिगेलाइहेङ यु:हन्ना पाहासो,वाकोसो नेलाइहेङ अनुग्रह कालाउ सान्ति,जाइ हिका हि,जाइ हिघाहि,वा ल्वाङ,वाको सिङ्हासन आगाता हिका न्हिलोङ आत्मासो, 5 खान्धुरि योग्य गवाहि येसु:ख्रिस्त सोङ,सि:कासो झाराङ खान्तेङ लाङ खेप सिन्हुका,कालाउ पृथ्विको राजागेलाइको सासक पाहासो | केलाइहेङ प्रेमपाका कालाउ ताइको हिति होइ केलाइ केलाइको पापसो स्वतन्त्तर पाका हेङ, 6 कालाउ केलाइहेङ एनोङ राइजि,वाको आबा कालाउ परमेस्वरको धामिगेलाइ बानाइका हि,वासिहेङ महिमा कालाउ सरबुङ हेलालाउबुङ ज्याको | आमेन | 7 खाङ्सु,वा बादेलगेलाइता लोदोङ्खे,कालाउ गोतेङ मिसिया होइ वासिहेङ तिनाङ | ओबालाइबुङ,जाइ वासिहेङ भाला बाहि,कालाउ पृथ्विको गोताङ कुलगेलाइ वाको कारन कालाउ जिउ धाइ लोपाङ खारावा | एन्साङ जेनाको | आमेन | 8 'आल्फा कालाउ ओमेगा कादोङ हिघा''कालाउ सरबुङ साइका परमप्रभु परमेस्वर दोखे,जाइ हिका हिघाहि,वा हिघाहि कालाउ जाइ ल्वाङ | 9 नेलाइको दादा,का यु:हन्ना दोङ,नेलाइ दोफा दोफाङ येसु:ता हिका कस्त,राइजि कालाउ सहनसिलताता जोम्का हिघा | परमेस्वरको बचन कालाउ येसु:ख्रिस्तको गवाहिको भाअ्सिङ का पोतमोस दोका झाउका तिकारता हिघाखा | 10 प्रभुको दिनाता का आत्माता हिघाखा,कालाउ तुरहिको भाइका बारका गाला काङ्को न्हुपाहा एसा दोकाताङ पाका का हिङ्घा, 11 'ना जेदोङ तिङ्खेना कालाउ एनोङ किताबता लेखे,कालाउ न्हिलोङदोङ मण्डलिहेङ दिङ्गिल्सु,सार्दिस,फिलाडेल्फिया कालाउ लाउदिकियाहेङ |'' 12 काङ्को दोफा नुइ धुइकाहेङ खानाङ्का दोअ्तेङ लेसारापा खाङ्घा | घुरितेङ खाङ्लाउ न्हि लोङ सोनाको चेरादानि 13 कालाउ चेरादानि गेलाइको माझाता द्याङ चान भाइकाङ पाइटाला ठेकापाङ लोखन धावा लागाइका कालाउ तुम्ताता सोना भाइका फाराका फिता लागाइका एमिहेङ का तिङ्घा | 14 वाको पुरुङता पुसिङ कापाइ भाइपा जेका कालाउ झोसे भाइका जाहाका,कालाउ वाको मिसिया में धालाङ्गा धालाङ्गाका भाइका हिघाहि | 15 वाको पैटाला गेलाइ मेको वाङ्खाराका घाडाता ओपातेङ तल्काइका कासाको भाइका हिघाहि,कालाउ वाको गाला चाहि चाला चुलुका चि गेलाइको गाला भाइका हिघाहि | 16 वाको दाम्पाहा खुर होइ न्हिलोङ फुरु गेलाइ रिङ्तेङ ताका हिघाहि,कालाउ वाको नुइ सो न्हेपाहाङ चुका धार हिका तरबार हिघाहि | वाको र्हाइ चाहि ओसारापाङ चिल्काका बेलाको भाइका हिघाहि | 17 जेलाउ का वासिहेङ तिङ्घा,कालाउ का सि:लि तोम्नाङ भाइपा जेङ्तेङ वाको खोकोइता तुघुरघा | कालाउ वा ताइको दाम्पाहा खुर सो एसा दोअ्तेङ काङ्को हुता तापिहि,''माथिसु,आदि कालाउ अन्तय 18 कालाउ जिबन चाहि कादोङ | का सि:का हिघाखा | खाङ्सु,का जेलालाउको भाअ्सिङ का सिनुका हिघा,कालाउ सि:का कालाउ पातालको ताल्चा गेलाइ का दोफा हि | 19 ओदोङ भाअ्सिङ ना जेदोङ तिङ्खेना,कालाउ जेदोङ हि कालाउ न्हुसो जेदोङ जेङ्लि ल्वाङ,इङ्को लेखे | 20 काङ्को दाम्पाहा खुरता ना तिङ्का इदोइ न्हिलोङ फुरु कालाउ सोनाको इदोइ न्हिलोङ चेरादानिको म्होनाका इदोइदोङ,न्हिलोङ फुरु न्हिलोङ मण्डलिको स्वर्गदुतगेलाइ कालाउ न्हिलोङदोङ चेरादानिचाहि न्हिलोङ मण्डलिगेलाइ दोङ |''