6
हेदोइबुङ द्याङ्को खाबाराता हिलि झाराङ ता-ताइमिको माझनहेङ ताइको गोताङ मान सम्मानपालि रेम्का सम्झिसु, कालाउ परमेस्वको मिङ कालाउ केलाइको धिरपाका सिकस्याको बद्नामि माज्याको | 2 खान्धुराइ माझनगेलाइहेङ वाको बानधाइतिगेलाइ खान्धुरिता दादा-ओने दोन्हासितेङ अपमान माज्याको | झन आरोङ इम्बालाइ ओबालाइको झन हेन्जा सेवा पाका ;हाइपालिपानु इम्बालाइको सेवासो | फाइदा निङ्कागेलाइ खान्धुराइ केलाइ मनता चाका गेलाइदोङ हिनाहि | इदोइ पालि गोइका कामगेलाइ पालन पालि धिरपा,कालाउ पालि दोसु | 3 एदि हासुबुङ आरू भेनेङ सिधानता धिरपाखे कालाउ केलाइको प्रभु येसु:को एकदम रेम्का वचन कालाउ परमेस्वरहेङ मानिलि गोइका दोका आन्सारको धिरपाका दोफा सहमत माजेङ्खे दोनु, 4 इङ्को द्याङ घमण्डहो फुलिका हिखे,कालाउ वा हाइदोङ्बुङ गिका मान्थुखे | वादोङ बेकारको गाला-बाजि पाखे,कालाउ एनोङ-एनोङ सब्द चुम्तेङ्सा फेसुलि,चेरसुनि भोतेङ्हिखे | इदोइ काथागेलाइसो डाहा, कालाहा, बदनामि कालाउ मारेम्का साङ्कागेलाइ उब्जाइपाखे | 5 कालाउ बुदिृ बिगिरतेङ हिका कालाउ सत्येसो फारापा जेङ्का द्याङ्गेलाइको माझाता झगड़ा ल्होपाखे,कालाउ भक्तिचाहि फाइदा ल्होपाका उपाय खिनिङ दोअ्तेङ इम्बालाइ ठानिखे | 6 सन्तोकको भक्ति पालिदोङ हेन्जा फाइदा हिखे | 7 हाइपालिपानु केलाइ ना इदोइ सुमिङ्ता हाइदोङ चुमान्हाहि ना एतासो हाइदोङ चुम्पुलिदोङ द्वाङ | 8 कालाउ चालि-आम्लि कालाउ लागाइलि थेकपा हिपानु केलाइ इन्ताङ सन्तोक जेङ्घाखे | 9 कालाउ धनि जेङ्का इच्सा पाकागेलाइ परिकस्याता परिखे,लालसाता फसिखे कालाउ हेन्जा अर्थ बिनाको कालाउ दुःख निङ्का इच्सागेलाइता दुबिखे,जाइदोङ द्याङ्गेलाइ बारबाद कालाउ गोताङ नासाकाता दुबिपाका हिखे | 10 हाइपानुपानु ताका पाइसाको लालाइकादोङ गोतेङ किसिमको खराबिको मुलदोङ | ताकाको भाअ्सिङ लालाइतेङ हासुङ्बुङ खान्धुरि गलत दामा भारि हिगिल्खे,कालाउ हेन्जा दुःख पिडा निङ्तेङ इम्बालाइको हृदयता बानाका हिखे | 11 कालाउ परमेस्वरको जन नादोङ इदोइ दोतेङ त्याग,कालाउ धार्मिकता,भक्ति,खान्धुरि,प्रेम बलियापा जेङ्तेङ हिलि कालाउ लेङ्चातेङ हिलि | 12 खान्धुरिको रेम्का धुम(लडाइ) लदिसु | अनन्त जिवनहेङ चातेङ चातेङ ताअ्सु | इदोङता नासेहेङ काइका हिगाखे,कालाउ नादोङ हेन्जाङ साक्सिगेलाइको माझाता नाङ्को खान्धुरिको रेम्का गवाहि पिका हिघानाखे | 13 गोताङ थोकगेलाइ जिवन पिका परमेस्वर कालाउ पन्तियस पिलातसको आगाता असल गवाहि पिका ख्रिस्त येसु:को भेरपा, 14 का नासेहेङ या आदेस पिदोङ्खा कि प्रभुयेसु:ख्रिस्त देखा माजेङ्पाधाउ इदोइ आग्याहेङ कलङ्क कालाउ अपबादसो फारापा ताअ्सु | 15 कालाउ धन्य कालाउ झाराङखान्तेङ बारका,राजागेलाइको बारका राजा,प्रभुगेलाइबुङ झाराङ खान्तेङ बारका प्रभुदोङ ठिक रेम्का बेलाता ख्रिस्तको लोका समयहेङ प्रकट पावा | 16 वाकोताङ्दोङ हेलाउबुङ मानासाका जिबनहि, कालाउ वादोङ इङ्को फाइसालामकाता बास पातेङ हिखे जाइको भेरपा हासुबुङ हानिलि मादोखे | वासेहेङ हिदोइबुङ द्याङ हेलाउबुङ तिङ्का मान्थु ना तिङ्लिदोखे | वासेहेङ दोङ आदार कालाउ पराक्रम जेलाउलाबुङ ह्याको | आमिन | 17 इदोइ सुमिङ्को धनिगेलाइहेङ घमण्ड माजेङ्लि आग्या पि, कालाउ गान्धिलि मादोका ताका पाइसाता माको कालाउ केलाइहेङ जेदोङ आनेमाने गेनागेल्पा चालि-आम्लि पिका परमेस्वर हुत्ता इम्बालाइदोङ आस पाको | 18 इम्बालाइदोङ असल काम पाको,कालाउ रेम्कागेलाइता धनि बोमिहेङ भलाइ सोचिका कालाउ साघाइका पिका दानि ज्याको | 19 एसाङ ताइकोङ भाअ्सिङ न्हुसोको (भबिस्य) भासिङ रेम्का कामपालि द्वाको,कालाउ इम्बालाइ इङ्को जिवनहेङ चुम्तेङ ताअ्ताको जेदोङ जातिङ्कोङ दोङ जिवन हि | 20 तिमोथि,जेदोङ नासेहेङ सोम्पिका हि,इङ्को रेम्फासो ता | भक्ति मान्थुका काथागेलाइ कालाउ व्यख्या पाका गेलाइ,जाइ झुकिपावा,धाताइका ग्यानगेलाइ दोङ,इङ्कोहेङ लासु | 21 इदोइ काथागेलाइ पिताइहेङ हेठे झना ताइको खान्धुरिको लक्स्यता मापुगितेङ हानेका हि | नादोफा अनुग्रह ह्याको |