5
एला,दादा-ओनेगेलाइ कालाउ बाइ-ओनेगेलाइ,समय कालाउ नितिको बिसयता लेखिलि हाइदोङ आवस्यकता मान्थु | 2 नेलाइ झाराङ्दोङ गिसुना जेदोङ दिना प्रभु लावा इङ्को दिना साताको न्हिसिङ्ता चोर दुल्का भाइपा जेनावा | 3 द्याङ्गेलाइ दोताङ,''केलाइहेङ सान्ति हि,केलाइ सुरसित हिनाहि | कालाउ इम्बालाइहुत्ता एधामासिङ बिनास लाङ जेसाङ गान्धितेका बेबालहेङ एधामासिङ तु- निङ्चावा | कालाउ इम्बालाइ खाअ्लि मौकाबुङ मानिङ्नावा | 4 कालाउ ना दादा-ओनेगेलाइ कालाउ बाइ-ओनेगेलाइ नेलाइ कितिकितिकाता मान्थुसुना | ओदोङ भाअ्सिङ इङ्को दिना नेलाइहेङ चोरदङ भाइपाङ भारबुसाइ मापावा | 5 नेलाइ झाराङ फाइसालाम्का कालाउ नितिम दिनाता हिसुना | केलाइ कितिकितिका कालाउ न्सिसिङ दोफा हिदोइबुङ बेला सम्बन्धित मान्थुन्हाहि | 6 एसापाङ केलाइ बोमि भाइपा माजेनाइने | केलाइ बोमिगेलाइ भाइपा जिम्तेङ्हिलि ठिक मान्थु,कालाउ जागितेङ ताङ्को आत्माहेङ काबुता ताअ्लि गोइखे | 7 जिम्कालाइ बेल्हालाउ जिम्खे,म्हाकालाइ बेल्हालाउ म्हाखे | 8 कालाउ केलाउ दिनदोफा सम्बन्धित हिनाहि,इदोइ भाअ्सिङ केलाइ ताइमि -ताइमिहेङ काबुता ताअ्लि गोइखे | केलाइ ताइको रकक्स्यक पालि कवच भाइका प्रेम कालाउ खान्धुरि पालि गोइखे मुक्तिको आसा केलाइको सिरको मालिक जेङ्लि गोइखे | 9 परमेस्वर केलाइ वाको चेरको भागि बनेलि माको,कालाउ प्रभु ये:सु ख्रिस्तसो मुक्ति निङलिको भासिङ साल्का दोङ | 10 येसु: केलाइको भासिङ ज्यान पिहि जेसाकि केलाइ वादोफाङ हिलि दोकाङ | जेलाउ वा लावा केलाइ सिनुपाङ ह्याङ कि सि:का,इङ्को हिदोइबुङ म्हत्व्को काथा माको | 11 ओदोङ भाअ्सिङ ताइमिसो भेनेङ्हेङ उत्साह पि,ताइमिसो भेनेङ्हेङ बल पि | कालाउ इङ्को ते नेलाइ पाकादोङ हिसुना | 12 दादा-ओनेगेलाइ कालाउ बाइ-ओनेगेलाइ ! एला केलाइको निबेदन इस्का हि कि जाइ नेलाइको माझाता थाङ्का परिस्रोम पाहि,जाइ नेलाइहेङ परमप्रभुभारि थोङ्तेङ चुमाहि कालाउ असल सिकस्या पिहि वाको इज्जत पासु | 13 केलाइ निबेदन या पाङ कि इम्बालाइको पाका कामको सम्मानको भाअ्सिङ सम्मानको बिसेस प्रेम दारसाइका | ताइमि कालाउ बोमिदोफा सान्तिसो हिसु | 14 दादा-ओनेगेलाइ कालाउ बाइ-ओनेगेलाइ कुरिया (आल्थि ) कागेलाइहेङ थिपापि, थिकागेलाइहेङ उत्साह पि, मासाधिकागेलाइहेङ साघाइ पि झाराङ्दोफा धैय हिलि दोअ्तेङ केलाइ नेलाइहेङ सेउ पाङ | 15 याद पा,हासुबुङ गल्ति कामको बदला मार्-हुकाको | कालाउ झाराङ ता-ताइमिको कालाउ झाराङ्को भलाइ पाका लकस्य बानाइलि गोइखे | 16 जेलाउबुङ लेङतेङ हि | 17 दोमचाकाइलि हेलाबुङ माअ्ला | 18 जेलाउलाउबुङ परमेस्वरहेङ धन्यबाद पि | ख्रिस्त येसु:ता हिका नेलाइसो परमेस्वर इदोइदोङ भोका हि | 19 पबित्तरो आत्माको कामता हेलाबुङ बाधा मा पि | 20 भबिस्यबानिहेङ महत्वहिन् माथाने | 21 गोताङ काथा जाचे कालाउ रेम्का जति ता | 22 हिसिकाबुङ खालको दुस्ताइ कामगेलाइसो दुरे हि | 23 सान्तिको स्रोत परमेस्वर ताइमिङ्दोङ नेलाइ वाकोता हिकागेलाइ पबित्तरो पाको दोतेङ केलाइको दोमचाका हि | केलाइको दोमचाका प्र इसिका हि नेलाइको गोतेङ आत्मा,प्रान कालाउ जिउ केलाइको प्रभु येसु: ख्रिस्त लोलाउ पुरा रुपसो दोसिलि माकोसिङ बानाइतेङ हितेङ ताअ्सु | 24 वाङ दोङ एमि हि | जाइ नेलाइहेङ काइहि,नाङ्को भासिङ इदोइ गोतेङ थोक पाङ | नेलाइदोङ वासेहेङ खान्धुरि पालि दोसुवाना | 25 दादा-ओनेगेलाइ कालाउ बाइ-ओनेगेलाइ,केलाइको भाअ्सिबुङ दोमचाकाइ पासु | 26 जेलाउ भेतिस्वाना गोतेङ वाजान ओने, - बेजान ओनेगेलाइहेङ पबित्तरो चुम्बनसो अभिबादन पा | 27 प्रभुको खाबारा चुम्तेङ का दोअ्खा,इदोइ पातरा गोतेङ दादा-ओने कालाउ बाइ-आनाउ गेलाइहेङ पढ़ेतेङ हिम्पापिखा | 28 केलाइको परमप्रभु येसु: ख्रिस्तको अनुग्रह नेलाइ झाराङ्ता हृयाको |