इफिसियों 5

नेलाइ परमेस्वरको जमालाइदोङ ज्याइहेङ् वा प्रेम पाखे , अदोङ भाअ्सिङ परमेस्वर भाइपाङ जेङ्लि कोसिस पासु | 2 प्रेममय जिवन बितिपासु (हानेसु) , ख्रिस्टदोङ केलाइहेङ प्रेम पाका कोनिङ भेनाङ्हेङ प्रेम पासु | ख्रिस्ट केलाइको भाअ्सिङ ताइमिहेङ मालामालाका उपहार कालाउ परमेस्वरको बलिको रूपता चढाइका हि| 3 नेलाको माझाता पाउसाइनाका पाप माज्याको |,हिदोइबुङ किसिमको एकदम मारेम्का दिअ्का झन हेन्जा माज्याको | हाइपाली ? हाइपानु इस्का काथागेलाइ परमेस्वरको जनहेङ एल्का मान्थु | 4 नेलाइको माझाता मारेम्का काथागेलाइ दोअ्लि मान्थु | मुर्ख काथा मापासु कालाउ नाचाहिन्दो मज्जाबुङ मापासु | इदोइ काथागेलाइ नेलाहेङ रेम्का मान्थु | इदोइको बदलाता नेलाइ परमेस्वरहेङ धन्यावाद पिलिगोइस्वाना | 5 इदोइता निसित जेङ्सु: एदि नेलाइदोङ पाउसाइना पानु इमान्दारी माजेङ्नु कालाउ ताइकोङ भाअ्सिङ चिचाहा जेङ्नु ख्रिस्ट माकुनु परमेस्वरको राइजिता नेलाइ थामे मानिङ्स्वाना दि:कालाइ चाहि मुर्ति पुजा पाखे | 6 काथा तापाका-तापाका पिकाता नेलाइ हाइदोङ मागिका भाइका माजेङ्सु (मुर्ख) | मातेरिका द्याङ्गेलाहेङ परमेस्वर चेरताम्पाखे | 7 इम्लाइदोफा इन्सिका काम पालि मान्थु | 8 हानिका दिनाता किति-कितिकाहोइ पोङ्घाका जेङ्का हिघासुखेना, कालाउ एला ना फाइसालामका जेङ्का हिना| अदोङ भाअ्सिङ फाइसालामका जामालगेलाइ भाइपा, (कोनिङ) बान्चेसु | 9 फाइसालामका जोल्काहोइ गोताङ किसिमको भालो, नैतिक, जिवन कालाउ सत्त्येता चुमाखे | 10 प्रभु हाइ काथाता खु:सि ज्याङ इङ्को बुझिलि कोसिस पासु | 11 कितिकितिकाता हिका द्याङ्गेलाइ पाका काम मापासु ,इन्सिका कामगेलाइहोइ इन्सिका पाकाहेङ हिदोइबुङ रेम्का माजेनाङ | कालाउ एल्का कामगेलाइ पातेङ कितिकितिका कामगेलाइ एल्का माको दोअ्का तिङ्पा | 12 कितिकितिकाता द्याङ्गेलाइको काथा गेलाइको नाउ चार- चाराइलि पालिबुङ लेदेरका काथादोङ हि | 13 कालाउ जेलाउ केलाइ इङ्को मान्तिङ पासिङ कितिकितिकाता पाका काथागेलाइ उदा -दाङ्खे, फाइसालामका जोल्काहोइदोङ इङ्को काथागेलाइहेङ तिङ्पाखे | 14 कालाउ फाइसालामका जोल्कादोङ ज्याइहेङ गोताङ काथाहेङ झालाझालापा तिङ्पाखे | अदोङ भाअ्सिङ केलाइ दोअ्नाखे: “ जागिसु, हे निन्धाकागेलाइ दोङ !सि:कासो ल्होसु कालाउ नेलाइ हुता ख्रिस्ट चिल्काताङ |” 15 अदोङ भाअ्सिङ नेलाइ हेसा ज्याइस्वाना इङ्को बारेता हेन्साङ ख्याल पासु | हाइदोङ मागिका (मुर्ख) गेलाइ माभाइपा माबान्चिसु कालाउ बुध्दिमानि भाइपा बान्चिसु | 16 केलाइदोङ बान्चिका दिनागेलाइ खाराब हि, एसापा ताइको समयहेङ एल्का कामता लगाइ | 17 एसापा मुर्ख माजेङ | बदलता, प्रभुदोङ नेलाइहेङ हाइपालि भोअ्खे बुझे | 18 दाखरस आम्तेङ माम्हा, इङ्कोदोङ नाङ्को आत्मिकताको लिता नासापाङ | आत्मा लितासोङ |आत्माहोइ पोङ्घातेङ हिसि | 19 एमिसो भेनेङ मिलितेङ स्तुति कालाउ आत्मिकी 'ले,' गेलाइ हिङ्पासु | दोमचाकाइसु कालाउ प्रभुहेङ त़ाइको ह्रदयको 'ले' को पदोगेलाइ(सोङ्गित) बानाइसु | 20 गोताङ काथाको भाअ्सिङ परमेस्वरहेङ धन्यबाद पिसु | केलाइको परमप्रभु ये:सु ख्रिस्तको मिङ्ता वासेसेङ धन्यबाद पिसु | 21 एमिसो- भेनेङ्हेङ मानिसु इचसा पासु हाइपालिपानु नेलाइ ख्रिस्तहेङ आदार पासुखेना | 22 अइ:!'बे' गेलाइ, प्रभुको खाबाराता हिका भाइपाङ ता-ताइको 'के' को खाबाता हिसु | 23 जेसाङ येसु:ख्रिस्त मण्डलिको पुरुङ (सिर) हिका हि,के बेको पुरुङ | मण्डलि ख्रिस्तको जिउ हि, इन्साङ ख्रिस्तको जिउता रक्स्यक हिका हि | 24 जेसाङ मन्डलि ख्रिस्टको खाबाराता हि इन्साङ 'बे' गेलाइबुङ गोताङ काथाता 'के' गेलाइको खाबाराताता हिलि गोइखे | 25 ओइ: ! 'के' गेलाइ, ताइको 'बे' हेङ्बुङ प्रेम ,माया पासु जेसाङ ख्रिस्ट मन्डलिहेङ मायापाखे | ख्रिस्ट मन्डलिलिहेङ प्रेम पाहि| ख्रीस्ट मण्डलीको भाअ्सिङ प्रान पिहि | 26 मन्डलिहेङ पबित्तरो बानाइलि वादोङ ताइको प्रानहेङ बोलिपिहि | मन्डलिहेङ चिहोइ झातेङ सुद्दो पालि ख्रिस्ट ये:बानाला हिङ्पाहि | 27 वा मन्डलिहेङ महिमित कानिया(दरवाइनि) बानाइलि या एल्फा माचुन-चालाका मातिङ्का बानाइलि जेसाङ हिदोइबुङ गल्ती ताइमिहेङ मातिङ्का बानाइलि |वासेहेङ सुद्दो कालाउ निर्दोसी बानाइलि ताइमिहेङदोङ बलि पिहि | 28 कालाउ' के' गेलाइबुङ ताइको 'बे' गेलाइहेङ एन्सादोङ प्रेमपालि गोइखे | ताइको जिउहेङ प्रेम पाका भाइपाङ ताइको 'बे' हेङ प्रेम पासु गोइखे| ' बे' हेङ प्रेम पाकालाइ ताइमिहेङ प्रेम पाखे | 29 कालाउ हासुलाउबुङ ताइको जिउहेङ हिदिकालबुङ मासीकाखे | झाराङ ताइको जिउहेङ स्याहारखे कालाउ चालि माम्लि पिखे कालाउ मण्डलिको भाअ्सिङ ख्रिस्टबुङ इन्साङ पाखे | 30 हाइपालिपानु केलाइ वाको जिउ अङ्गेलाइ हिनाहि | 31 धेर्मसास्तर दोअ्खे, “ अदोङ भाअ्सिङ द्याङ्गेलाइ ताइको आमाइ आबाहेङ लाअ्खे काउला ताइको 'बे' दोफा मिलिखे कालाउ इङ्को न्हेमी ' ए' जेङ्खे | 32 इदोइ म्होनाका सत्येता हेन्जाङ महत्व पुर्न हि | कासिहेङ लागिखे याको काथा ख्रिस्त कालाउ मण्डलिदोफा हि | 33 कालाउ नेलाइ झाराङदोङ ताइको 'बे' हेङ मायापालि गोइस्वाना जेसाङ त़ाइमि ताइमिहेङ मायापाखे | कालाउ 'बे' बुङ ताइको 'के' हेङ मानिलि गोइखे |