इफिसियों 4

का कैदिता हिघा हाइपालिपानु का प्रभकोदोङ ,परमेस्वर नेलाइहेङ वाको द्याङ जेङ्तेङ बान्चिलि सल्हि एला का नेलाइहेङ परमेस्वरको द्याङ जेङ्तेङ हेसा बान्चिलि गोइखे इङ्को दोअ्प्याङ्का | 2 दिनाङ न्म्रो कालाउ कोमोल जेङ्सु ,र्-हुमसु कालाउ ता-ताइमिता दाया माया पातेङ हिसु | 3 आत्मागेलाइसो नेलाइ सान्तिसोङ एमिसो भेनेङ दोफा भेरपाभाइपा हिसुना | सान्तिको बान्धानदोङ इदेइ साम्बंधाहेङ राहा राहापा तालि (अतुत राख्ने ) भर्सक कोसिस पासु | 4 जिउ एनोङ्दोङ हि कालाउ आत्मा एनोङ्दोङ हि ,आसाबुङ एनोङ्दोङ हि | जाइको भाअ्सिङ परमेस्वरदोङ नेलाइहेङ काइहि | 5 एनोङ्दोङ प्रभु, एनोङ्दोङ खान्धुरि कालाउ एनोङ्दोङ बप्तिस्ता हि | 6 परमेस्वर एनोङ्खिनीङ हिका हि, ज्याइ झाराङ्को आबादोङ वा, झाराङ्को उपकारि हि, गोताङ काथा गेलाइसो काम पाखे कालाउ गोताङ्ता हिका हि | 7 ख्रिस्त केलाइ झाराङ्हेङ एलोङ -एनोङ बिसेस उपहार पिका हि | झाराङ्हेङ इङ्कोङ उपहार निङ्काहि |जेदोङ वाङ पिलि भोका हिघाहि | 8 ओदोङ भाअ्सिङ सास्तरता इस्का दोअ्का: हि “वा बादेल हुता हानिहि, ताइमिदोफा थुना निङ्चाकाहेङ रा:तेङ चुम्पुहि कालाउ वादोङ द्याङ्हेङ उपहारगेलाइ पिहि |” 9 “वा हुता हानिहि” दोअ्लाउ हाइ बुझीलि दोअ्खे ? याको माने,लाम्फा वा लेता धर्तिता लोहि | 10 येसु: लेता लोहि कालाउ वादोङ हि ज्याइ हुता हानिहि | वा झाराङ खानतेङ झाउका बादेलता हानिहि इङ्को ताइमिता पुर्न ज्याको दोतेङ ख्रिस्टदोङ एसा पाहि | 11 कालाउ ख्रिस्ट हिका हि ज्याइ द्याङ्गेलाइहेङ वरदानगेलाइ पिहि जेलाउ वादोङ पिकाताङ आधिमिहेङ प्रेरितगेलाइ , आधिमिहेङ अगमावाक्त्तागेलाइ आधीमिहेङ बानालगेलापाका , आधिमिहेङ गोठाला आधिमिहेङ सिक्स्यक बानाहि | 12 ख्रिस्ट जाहानहेङ बलियाका बानाइलि दोअ्तेङ परमेस्वर द्याङ्गेलाइ ताइको सेवाता तियार पालि ख्रिस्ट इङ्को वरदानगेलाइ पिहि | एसापा पाकाताङ ख्रिस्टको जिउ (द्याहा) ताकि बलियाका ज्याको | 13 केलाइ झाराङ एनोदोङ खान्धुरिता मालागिपा धाउ, परमेस्वरको चानहेङ पुर्न रुपसो मानाल्पा धाउ , केलाइको परिपक्क द्याङ माजेङ्पा धाउ, परमेस्वरको चानहेङ पुर्नरुपता मानाल्पा धाउ , केलाइ परीपक्क द्याङ माजेङ्पा धाउ ,केलाइ ख्रिस्टकोनिङ उन्नति माजेङ्पा धाउ कालाउ वाको पुर्नता निङ्लि मादोपा धाउ इदोङ काम पातेसाङ हिलि गोयाङ | 14 कालाउ केलाइ जामालाइ माभायाङ , केलाइ जाहाजता उल्ला -उल्लापा साल्काका चिता इसो उसो साल्काइते हिका द्याङ्गेलाइ भाइका माजेनाङ | केलाइ गोताङ नावा सिकस्यासो प्रभाबित माजेनाङ ज्याइ केलाइहेङ धोका पिलि प्रयास पाखे | इङ्को द्याङ्गेलाइ चोताल्खे कालाउ द्याङ्गेलाहेङ गलत दामाता तेपालिको भाअ्सि प्रयास पाखे | 15 कालाउ इमान्दारिको साथ सत्ये नुइ धुइनाखे | कालाउ केलाइ हेसापालाउबुङ ख्रिस्ट भाइपा, माजेङ्पा थेकापा हानीकाताङ्पाङ | ख्रिस्ट पुरुङ हि कालाउ केलाइ जिउ हिनाहि | 16 गोताङ जिउ ख्रिस्टसो गासिन्हाका हि | जिउको गोताङ भाग एनोङ्सो- भेनाङ दोफा जोदिन्हाका हिखे कालाउ जिउको जोड्रनिहोइ एनोङ बानाइका हि | गोताङ अङ्गगेलाइ ता- ताइको काम पाखे | कालाउ यसापा गोताङ जिउको बिकास जेङ्खे कालाउ माया जालता दृढ जेङ्खे | 17 का एदोइ दोअ्खा क़ालाउ प्रभुको सम्बन्धाता थाङ्का थिपाखा: परमेस्वरहेङ मानाल्नाङ भाइपा जेङ्तेङ माहिसु | इम्बालाइको बिचार निकम्माता चिका हिखे | 18 इङ्को हाइदोङ बुझिलि मादोअ्खे, कालाउ हाइदोङ मागिखे हाइपालिपानु इम्बालाइ हिङ्लि माकिखे अदोङ भाअ्सिङ परमेस्वर पिका जिवन भाइका इम्बाइइको मान्थुखे | 19 लेदेरका अनुभव पाका स्यामाता इम्बालाइ दामाता राम्पाखे | कु-कर्म कामदोङ इम्बालाइको जिवन पुर्व रुपता तियार जिङ्का हि | गोताङ खाल्को मारेम्का काम पालि इङ्को इन्सिका कामता जेलाउबुङ इम्बालाइको मन आगालधाअ्खे | 20 कालाउ इम्बालाइ धिरका ख्रिस्तको बारे इन्सिका माको | 21 का गिखा,नेलाइ ख्रिस्तको बारेता हिङ्का हिसुना, नेलाइ वाकोता हिसुना ,इन्तासो नेलाइ सत्ये काथा धिर्सुना | एइ, जातिङ्भारि दोअ्नु सत्येता येसु:ता दोफा हि | 22 नेलाइहेङ ताइको पुरना स्वभाब लाअ्लि धिरपाहि | इङ्कोको माने,लाङ्दिनागेलाइता पिताइतेङ हिगिल्का कुमार्गगेलाइ नेलाइ लाअ्लि गोइस्वाना | इङ्को स्वभाब इन्सिकाङ धोका निङ्चाका मनगेलाइहोइ इङ्कोएङ चिधिर बिधिर बनाइका हि | 23 नेलाइ ताइका मन कालाउ आत्माता नावा बनाइलि गोयाङ | 24 नेलाइ नावा द्याङ जेङ्लि गोइस्वाना जिस्काङ कि खन्धुरिसो आन्सार धर्मि कालाउ पबित्तरो जिवनता बान्चिलि परमेस्वर नेलाइहेङ ताइकोङ् किसिम सो सिरजाइका पाका हि | 25 अदोङ भाअ्सिङ नेलाइ धाताताइलि काथा दोअ्लि लाअ्लि गोइस्वाना | हेलाउबुङ सत्ये काथा दोअ्सु | हाइपालिदोनु केलाइ ताइमिता एनोङ्दोङ जिउको अङ्गगेलाइ हिनाहि | 26 जेलाउ ना चेरताम्पाखेना, उङ्को चेर हाइङ्दो पाप मापा-पाको | कालाउ लिपाङ चेरमातामपासिङ हि | 27 साइतानगेलाइहेङ जितिका समय मापि | 28 एदि हासुबुङ खुखेपानु उङ्को बानि बेहोरा लाताको | वा काम पालि गोइखे कालाउ जिवन बान्चिपाली गोइखे |ताइको खुर येल्का कामता खुर धेल्पाको | कालाउ खीनिङ गरिब द्याङ्गेलाइहेङ पिलि वाकोता हाइदोङ हयावा मान्थुवाङ | 29 धुइलाउ बान्हाका सब्द मा दो | द्याङ्गेलाङ चाहेका काथा खेनिङ दो जेसाकि द्याङ्गेलायेङ बलियाका बनाइखे | कालाउ खेनिङ नाङ् काथा हिङ कालाउ लोभ्याङ | 30 पबित्तरो आत्माको मन मातुपापि, आत्मादोङ प्रान हि कि नादोङ परमेस्वरको हिना | हिदोइबुङ समयता नासिहेङ परमेस्वर मुक्ति पाङ दोअ्का तिङ्पालिदोङ वा उङ्को आत्मा पिका हि | 31 खाका चेर कालाउ मिसुइ-सुइपा हिका चेर लाअ्सु हेलाउबुङ चेरताम्पातेङ मार्-हिकाइ कालाउ आखेका बोमिको काथा मापा | हिदोइबुङ खाल्को कुकर्म काम हेलाबुङ मापा | 32 ता -ताइमिता दाया कालाउ कृपा जेङ्सु , परमेस्वर ख्रिस्टता नेलाइहेङ माफ पिका भाइपाङ नेलाइबुङ एमिसो- भेनेङ हेङ माफ पिसु |