लुका 23

कालाउ न्हुसो सभासदगेलाइ झाराङ लहोहि कालाउ येसु:हेङ पिलातसकोता चुमपुहि | '' 2 इम्बालाइ येसु:हेङ दुसिलि तेङ्हि | कालाउ दोअ्हि यिदोइ(इदोइ) द्याङ केलाइको सारभिहेङ केउपालि खाङ्का केलाइ निङ्नाहि | या द्याङ कैसरहेङ पोत मातिरिलि दोअ्दोतेङ केलाइ रोकिहि,ताइमिदोङ 'का ख्रिस्त ,एलोङ खिनिङ राजा,दोअ्खे |'' 3 पिलातस येसु:हेङ हिअ्हि,''हाइ ना यहुदिगेलाइको राजा ?'' येसु:जोबाफपिहि''ऐइ,इदोइ ते नादोङ दोखेना |'' 4 कालाउ न्हुसो पिलातस बारका धामिगेलाइ कालाउ जेर गेलाइहेङ दोअ्हि,''क़ा इदोइ द्याङ्सो हाइबुङ दुसिका मानिङ्घा | 5 कालाउबुङ इम्बालाइ बल दितेङ दोअ्हि,''या ते गोताङ यहुदिया,कालाउ गालिलसो इदोइ थामे थेकापा सिक्सा पितेङ द्याङ्गेलाइहेङ केउपादोङ्खे |'' 6 यिदोइ हिङ्तेङ न्हुसो उङ्को द्याङ गालिलसो लोका ना माको दोअ्तेङ पिलातस हिअ्हि | 7 पिलातस थाहा गिहि कि येसु:हेरोदको थामेको हिघाहि | ओदोङ बेला हेरोद यरुसलेमतादोङ हिघाहि | इङ्को भाअ्सिङ पिलातस वासेहेङ हेरोदकता दिङ्गिलहि | 8 जेलाउ हेरोद येसु:हेङ तिङ्हि,वा मेनाङ लेङ्चाहि | हेरोद येसु:को बिसयता गोताङ काथागेलाइ हिङ्का हिघाहि | ओदोङ भाअ्सिङ वायेसु:हेङ हेन्जा समय सो भेतिलि मन हिघाहि,येसु: सरबुङ तिङ्पाको दोअ्तेङ हेरोद मेनाङ आसा पाका हिघाहि | 9 हेरोद वासेहेङ हेथे काथागेलाइ हिलाउबुङ कालाउबुङ येसु:हाइदोङ मादोअ्हि |'' 10 बारका धामिगेलाइ कालाउ व्यवस्थाका सास्तिरिगेलाइ इन्ताङ जाअ्का हिघाहि | इम्बालाइ येसु:को बिरुद्ता दुसिलितेङ रि्हिकाइतेङ हिघाहि | 11 जेलाउ हेरोद कालाउ वाको लान्थागेलाइ येसु:हेङ खुजलाइहि | इम्बालाइ येसु:हेङ राजाको धाबा होङ्पातेङ वासेहेङ मेनाङ खुजलाइहि | कालाउ न्हुसो हेरोद आरोङ वासेहेङ पिलातसकोता दोङ दिङ्गिल्हि | 12 लाम्फाको दिना गेलाइता हेरोदकालाउ पिलातसको माझाता सतुरता हिघाहि जेलाउ इङ्को दिनासो उधिन्हेमिको माझाता सनाइति सुरु जेङ्हि | 13 पिलातस बार्का धामिगेलाइ कालाउ यहुदि सासकगेलाइ झाराङ द्याङ्गेलाइहेङ जोम्पाहि | 14 पिलातस इम्बालाइहेङ दोअ्हि,''नेलाइ इदोइ द्याङ्हेङ काङ्कोता चुमासुना | नेलाइ दोअ्सुन्हा कि इदोइ द्याङ, द्याङ्गेलाइहेङ केउपाखे | का यासेहेङ नेलाइको आगाता केरकार पाधा | कालाउबुङ नेलाइ वासेहेङ दुसिका हिदोइबुङ का दुसिका वाकोता मानिङ्घा | 15 एन्साङ्दोङ हेरोदबुङ वाकोता हिदोइबुङ खालको दुसिका मानिङ्हि | वा ओदोङ भाअ्सिङ येसु:हेङ केलाइकोता दिङ्गिलका | खाङ्सु, येसु:हिदोइबुङ मारेमका कामपाका मान्थु हाइ वा मृत्यु(सि:लि) दण्ड निनावारो ?'' 16 ओदोङ भाअ्सिङ का वासेहेङ आतुइसा सजाय पितेङ लाअ्प्याङ्का |'' 17 पारभाको समयता ओबालाइको भाअ्सिङ पिलातस एलोङ कैदिहेङ लाअ्पिलि गोइघाखे | 18 कालाउबुङ झाराङ द्याङ्गेलाइ रि्-हिकाइतेङ,आहुहि,''वासेहेङ सेअ्लि गोयाङ | भरु बाराब्बासहेङ लाअ्पिसु |'' 19 बारब्बाहेङ चाहि सहर ता बारका धुम पातेङ द्याङ्गेलाइहेङ सेनाङ वासेहेङ रिमतेङ झ्यालखानाता थुनितेङ ताअ्का हिघाहि | 20 येसु:हेङ लाअ्पिलि मन पातेङ पिलातस आरोङ ओबालाइहेङ सम्झाहि |'' 21 कालाउबुङ द्याङ्गेलाइ एसा दोअ्तेङ र्-हिकाइलि तेङ्हि,''क्रुसता तोइसु,वासेहेङ क्रुसता ताङ्गाइसु |'' 22 वा सुमखे थेकापा ओबालाइहेङ दोअ्हि,''हाइ पालि ? इदोइ द्याङ हाइ मारेम्का पाका हिरो ? काते यासेहेङ सि:लि गोइका हिदोइबुङ निउगेलाइ मानिङ्घा | ओदोङ भाअ्सिङ का यासेहेङ सजाय पितेङ लाअ्प्याङ्का | 23 ओबालाइ बारका गालाहोइ र्-हिकातेङ वासेहेङ क्रूसता ताराइलि गोयाङ दोअ्तेङ सेउपाहि,कालाउ ओबालाइको माग पुरा जेङ्हि | 24 कालाउ ओबालाइ एसा र्-हिकाइहि कि इङ्को पुरा पापिलि पिलातस मुन्जुरि पापि कालाउ फैसालाबुङ हिङ्पापिहि | 25 द्याङ्गेलाइ बारब्बाहेङ लाअ्पिलि मन पाधाखे | बाराब्बा द्याङ्गेलाइहेङ से:का कालाउ बारका धुम पानाङ वासेहेङ ओदोङ्को आरोपता कैदता ताअ्का हिघाखे | पिलातस बाराब्बाहेङ लाअ्पिहि | ओबालाइ को इच्छा जेदोङ हिघाहि एन्साङ ओबालाइहेङ वा येसु:सुम्पिपिहि |'' 26 ओबालाइ वासेहेङ इन्तासो से:लि,दुरेको थामेता चुम्पुहि,ओदोङ्बेला एअ्मि द्याङ मिलिङ्सो ताइको सहरभारि घुरिघाखे | वाको मिङ सिमोन हिघाहि | सिमोन साइरेनिवासि हिघाहि,लान्ठागेलाइ सिमोनहेङ येसु;को क्रुस फातेङ वाको न्हु-न्हु चुम्पुलि बाध्य बानाइहि |'' 27 द्याङगेलाइको बारका जेर येसु:को न्हु-न्हु हानिहि | इन्ता बेजान-बेबालाइबुङ हिघाहि,इम्बालाइ मेनाङ दु:खि जेङ्तेङ खारघाखे | 28 कालाउ इम्बालाइ भारि घुरितेङ येसु:दोअ्हि,'' अइ'' यरुसलेमको चामिन्दिगेलाइ, काङ्को भाअ्सिङ माखारसु, भरु नेलाइको ताइकोङ भाअ्सिङ कालाउ ताइको चान-चामिन्दिको भाअ्सिङ खार्सु | 29 हाइपालिपानु इसिका दिनागेलाइ लोदोङ्खे, जेलाउ द्याङ्गेलाइ द्वावा,धन्य बाइलिगेलाइ कालाउ गान्धि मातेका हामुगेलाइ कालाउ दु:दु माचुपाका बेबालगेलाइ |' 30 कालाउ न्हुसो द्याङ्गेलाइ रागेलाइ द्वावा:, केलाइ हुता हुल ! कालाउ लाखहेङ द्वावा :, केलाइहेङ ठुम ! *दोअ्लि तेनावा | 31 जेलाउ जिवन लेङ्चाका हिलाउ एदि द्याङ्गेलाइ इसिका काम पाखे पानु,जेलाउ मारेम्का समय लोका बेला हाइ जेनाङ वाला ?'' 32 न्हेअ्मि आरु अपराधिगेलाइहेङ्बुङ वाको दोफाङ से:लि आगाता लागाइका हिघाहि | 33 येसु:कालाउ इङ्को न्हेअ्मि अपराधिगेलाइहेङ ''खप्पर''दोअ्का थामेता चुमपुहि | लान्ठागेलाइ येसु:हेङ काति ताराइतेङ क्रुसता तोइहि | क्रुसको न्हेलोङ भेरपा इम्बालाइ इङ्को न्हेअ्लोङ अपराधिबुङ ताराइहि | इम्बालाइ एअ्मिहेङ येसु:को दामपाहा कालाउ भेनेङ्हेङ क्हेपाहा काति ताराइतेङ तोइहि | 34 येसु:दोअ्हि,''हे आबा,इबालाइहेङ माफ पि हाइपालिपानु इम्बालाइ (ओबालाइ) हाइ पातेङ हि इङ्को मागिखे |'' 35 द्याङ्गेलाइ येसु:हेङ खाङ्तेङ जाअ्तेङ हिघाहि | यहुदि प्रमुखगेलाइ वासेहेङ मेनाङ खुजलाइहि,जेसाङ आरुहेङ बान्चिपाहि,''एदि वा दोङ परमेस्वरको साल्का ख्रिस्त हिनु ताइमिहेङ बान्चिपाका काम पाको | 36 कालाउ लान्ठागेलाइबुङ येसु:हेङ मेनाङ खुजलाइहि | इम्बालाइ येसु:को भेरपा हानिहि,कालाउ वासेहेङ दाखरस लाथिहोइ चोबेतेङ नुइता ताअ्पिहि |' 37 इङ्को लान्ठागेलाइ दोअ्हि,''एदि ना यहुदिगेलाइको राजा नु,ताइमि -ताइमिङ्हेङ बान्चिपा |' 38 क्रुसको हुता इदोइ सब्द लेखेका हिघाहि:या यहुदिगेलाइको राजा दोअ्तेङ लेखेका हिघाहि |'' 39 एमि अपराधि येसु:हेङ मेनाङ मारेमफा अपमान पातेङ खुजालाइहि, कालाउ दोअ्हि,''हाइ ना ख्रिस्त हिनु ? एन्सापानु ताइमिहेङ बान्चिपा कालाउ केलाइहेङ बुङ बान्चिपा |'' 40 कालाउ भेनेङ आपराधि वासेहेङ चेरहि कालाउ दोअ्हि,''हाइ ना परमेस्वरदोफा थिखेना ? केलाइ एअ्घुरिताङ सियाङ | 41 ना कालाउ का आपराधि हिनाहि,केलाइ ते सि:लि गोयाङ हाइपालिपानु केलाइ अपराध पाका हिन्हाहि | कालाउ इदोइ द्याङ हाइबुङ मारेमका पाप काम पाका मान्थु |'' 42 कालाउ न्हुसो येसु:हेङ दोअ्हि,''हे येसु:जेलाउ ना राजा जेङ्तेङ सासन पाना इङ्को बेला कासेहेङ फोम पा |'' 43 कालाउ येसु:वासेहेङ दोअ्हि,''हिङ् जेदोङ दोअ्खा इङ्को जातिङ्को हि: नानिदोङ ना कादोफा स्वर्गता ह्याना | 44 आधा दिनाको सुम बजे थिकापा एदोइ सुमिङ्दोङ कितिकिति हि | 45 बेलाको फाइसालामका मान्थुघाखे ! मन्दिरको पर्दा र्-हुतासो लेता थेकापा न्हे चिरा जेङ्तेङ थेअ्हि |' 46 येसु: र्हिकाइहि,''हे आबा,का नासेहेङ काङ्को आत्मा पिदोङ्खा |'' इङ्को झोको दोअ्तेङ वा ताइको प्रान लाअ्हि | 47 लान्ठा अधिकारि इन्ता जेङ्का गोताङ घटाना तिङ्हि | वा परमेस्वरको बाखानाइ पाकाताङ दोअ्हि,''जातिङ्भारि यिदोइ द्याङ धार्मिक द्याङ हिघाहि | 48 हेन्जा द्याङ्गेलाइ इङ्को येसु;हेङ से:का खाङ्लि लोका हिघाहि कालाउ इम्बालाइ इन्ता जेङ्का गोताङ घाटाना तिङ्हि | कालाउ ता-ताइको तुमता थेअ्तेङ सा भारि घुरिहि | 49 कालाउ वाको एकदम मिलिका गोताङ सानाइतिगेलाइ इनता हिघाहि | कालाउ गालिलसो वाको न्हु-न्हु लोका बेबालाइबुङ इनताङ हिघाहि, ओबालाइ दुरेसोङ जाअ्तेङ इङ्को घाटानागेलाइ खान्तेङ हिघाहि |'' 50 योसेफ मिङ हिका एमि द्याङ रेम्का स्भाउको हिघाहि,वा धार्मिक द्याङ्बुङ हिघाहि,वा अरमथिया सहरसो लोका हिघाहि,वा परमेस्वरको राइजि (सारभि) ल्वाङ दोअ्तेङ दामा खान्तेङ हिघाहि | योसेफ यहुदि माहासभाउको सदस्य हिघाहि | कालाउ वा येसु:हेङ सेअ्लि खाङ्का आरू यहुदि अगुवागेलाइको निर्नय पाका ता वा सहमति पिका मान्थुघाखे | 51 वा इम्बालाइको सल्लाह कालाउ कामता सहमति पिका मान्थुघाहि | वा यहुदिगेलाइको अरमाथिया सहरको द्याङ हिघाहि | वा परमेस्वरको राइजिको दामा खान्तेङ हिघाहि | 52 वा पिलातसकोता येसु;को जिउ र्हेलि हानिहि | पिलातस वासेहेङ येसु:को सिका जिउ पिलि राजि पिहि | 53 कालाउ योसेफ क्रुससो जिउहेङ लेता खुअ्पाहि कालाउ एलोङ धावाहेङ लुनधाइ हि | कालाउ वा येसु;को सि:का जिउ चुमापिहि,एलोङ लाखको उन्थुइता सि:का जिउ ताअ्हि | इङ्को तोमता लाम्फाङ हासुहेङ्बुङ लिअ्का मान्थुघाखे | ओदोङ तोअ्तेङ ताअ्का घाराता येसु:को सि:का जिउ ताअ्हि | 54 इङ्को तियारिको दिना हिघाहि,जेलाउ बेला ल्होखे,माइसाका दिना सुरु जेङ्लि तोमका हिघाहि | 55 गालिलसो येसु:दोफाङ लोका बेबालाइ युसुफहेङ लेसारा पिताइहि | इम्बालाइ तोम कालाउ इङ्को लिता सि:का जिउ हेसा ताअ्का हिघाहि इङ्को तिङ्हि | 56 कालाउ न्हुसो इम्बालाइ मालामालाका चुइति तियार पालि सा भारि हानिहि | माइसाका दिना मोसाको नियमको आग्या भाइपाङ इम्बालाइ माइसा चाहि |