लुका 20

एअ्नि थानता (मन्दिर) येसु: हिघाहि कालाउ वा द्याङ्गेलाइहेङ सिक्स्या पिकाताङ हिघाहि | वा परमेस्वरको राइजिको बिसयता ये:बानालगेलाइ दोअ्काताङ पाका हिघाहि| मुख्य धर्म गुरुगेलाइको दोफा मुख्य धामिगेलाइ कालाउ व्यस्थाको सास्तिरिगेलाइ कालाउ वाराङ यहूदी प्रमुखगेलाइ वाको हिकाता प्रश्न पालि लोहि, 2 कालाउ वासेहेङ हिअ्हि,''केलाइहेङ दोअ्,हिदोइ खाबाराहोइ ना इदोइ काम पाखेना?माकुनु नासिहेङ इदोइ खाबारा पिका हासु?'' 3 येसु:जोबाफ पिहि,'का बुङ नेलाइहेङ एलोङ काथा हिताङ्का | कासेहेङ दोअ्सु : 4 जेलाउ यु:हन्ना द्याङ्गेलाइहेङ बप्तिस्त्ता पिहि इङ्को खाबारा वा स्वर्गसो हिघाहि, ना द्याङ्गेलाइ सो ना हासुसो लोका हिघाहि ?'' 5 इम्बालाइ ता- ताइमिता काथा सुसुलि तेङ्हि,''स्वर्गसो द्वाङ दोअ्हेपानु,'नेलाइ वासेहेङ हाइपालि खान्धुरि मापान्सुन्हा? वा नेलाइहेङ द्वा | 6 कालाउ एदि केलाइ द्वाङ ? 'यु:हान्नाको बप्तिस्ता द्याङ्पाहासो जेङ्का हि,कालाउ झाराङ द्याङ्गेलाइ केलाइहेङ उन्थुइहोइ तोअ्कावा,हाइपालिपानु इम्बालाइ यु:हान्नाहेङ अगमबक्ताको रुपता खान्धुरि पाखे |'' 7 कालाउ इम्बालाइ दोअ्हि,''या इसोसो लोहि केलाइ मागिन्हाखे |'' 8 कालाउ येसु:इम्बालाइहेङ दोअ्हि,''इन्सापानु का हिदोइ खाबारासो इदोइ काम पाखा,काबुङ नेलाइहेङ माद्वाङ्का |' 9 वा द्याङ्गेलाइहेङ इदोइ निङ्पितेङ एलोङ काथा दोअ्हि: ''एअ्मि द्याङ दाखबारि लगाहि,कालाउ मोहिगेलाइहेङ पितेङ हेन्जा दिनाको भाअ्सिङ परदेस हानिहि | 10 कालाउ न्हुसो मिलिङ्ता दाखको सेका निङ्लि दोअ्तेङ कालाउ उङ्को द्याङ ताइको एअ्मि चाकारियाहेङ उङ्को मोहिगेलाइकोता ताइको निङ्लि गोइका दाखको भाग नानि:दिङ्गिल्हि | उङ्को मोहिगेलाइ वासेहेङ दानाइगिल्हि,कालाउ खालिङ खुर दिङ्गिल्हि | 11 वा आरोङ भेनेङ चाकरियाहेङ दिङ्गिल्हि, कालाउबुङ उङ्को मोहिगेलाइ वासेहेङ मान मापाहि भरु वासेहेङ्बुङ दानाइहि कालाउ बेइज्जत पातेङ खालि खुर दिङ्गिल्हि | 12 वा आरोङ सुमतेङ चाकरियाहेङ दिङ्गिल्हि | कालाउ मोहिगेलाइ ओरोङ ओबालाइ वासिहेङ्बुङ आधामारापातेङ इन्तासो उल्लापातेङ बाहार थाइगिल्हि | 13 इङ्को मिलिङको मालिक दोअ्हि,ऐला का हाइपालि गोइका हि ? का काङ्को मायारो चानहेङ दिङ्गिललाङ्का | जेङलि दो, मोहिगेलाइ काङ्को चानहेङ आदार पावा | 14 जेलाउ मोहिगेलाइ चानहेङ तिङ्हि,इम्बालाइ ताइ-ताइमिता दोअ्हि,'या केलाइको माझनको चान,इदोइ मिलिङ वाकोङ जेनावा | यासिहेङ सेअ्ताइने,कालाउ इङ्को मिलिङ केलाइको जेनावा |' 15 कालाउ मोहिगेलाइ वाको चानहेङ मिलिङ्सो बाहार उल्लापाहि कालाउ वासिहेङ से:हि | ''इङ्को मिलिङ्को माझन एला हाइ पावा ? 16 वा लावा,कालाउ उङ्को मोहिगेलाइ सेतावा | कालाउ न्हुसो वा इङ्को मिलिङ बोमि भेनेङ मिलिङ चोइकालाइहेङ प्यावा |'' 17 येसु:इम्बालाइहेङ खाङ्तेङ दोअ्हि,''इदोइ लेखेकाको माने हाइ कुनु ? जेदोङ उन्थुहोइ 'सा' बानाइलि माकिहि ओदोङ उन्थुइ चाहिको कुन्हाको एलोङ पुरुङ (मुल)उन्थुइ जेङ्हि | 18 इङ्को उन्थुइ हुत्ता हुल्का झाराङ चारामचुरुमतावा,जाइहुता इङ्को हुल्लावा वासेहेङ धुला तोले बानायावा |'' 19 येसु:दोअ्का इङ्को काथा यहुदि प्रमुखगेलाइ हिङ्हि,ओबालाइकोङ भाअ्सिङ भाइका दोअ्का बुजिहि | ओदोङ भाअ्सिङ इम्बालाइ ओदोङ घुरि येसु:हेङ रिमलि खाङ्घाखे | इम्बालाइ चाहि द्याङ्गेलाइ दोअ्का बुङ थिहि | 20 कालाउ न्हुसो ब्यवस्थाको सास्तिरिगेलाइ कालाउ मुख्य धामिगेलाइ येसु:हेङ फासेपालिको भाअ्सिङ जासुसगेलाइ दिङ्गिलहि | येसु:को दोअ्का काथागेलाइ ता वासेहेङ मारेम्का बानाइतेङ अधिकारिगेलाइ कालाउ हाकिमको खुरता वासेहेङ जिम्मा पिलि दाउ भोधाखे | 21 इम्बालाइ वासेहेङ दोअ्हि,''गुरु ज्यु केलाइ गिन्हाखे,ना ठिक दोङ दोअ्खेना कालाउ रेम्का काथागेलाइ धिरपाखेना,कालाउ हासुकोबुङ पक्स्यपात मापाखेन्हा,भरु सत्ये दोअ्फाङ परमेस्वरको दामा धिरपाखेन्हा | 22 केलाइहेङ दोअ्पि,हाइ केलाइ सिजरहेङ पोत तिरिलि ठिक हि या मान्थु ?'' 23 कालाउ येसु:ओबालाइको नक्कल पाका थाहा गितेङ वा ओबालाइहेङ दोअ्हि | 24 'एलोङ ताकाको सिक्काको ढक कासेहेङ पिसु | इङ्को ढकता हासुको मिङ हि ?''कालाउ इङ्कोता हासुको चितरो हिको साप हि , ?'' ओबालाइ दोअ्हि,''कैसरको |'' 25 येसु:ओबालाइहेङ दोअ्हि,एन्सा नु कैसरको आमेने कैसरहेङ दोङ्पि, कालाउ परमेस्वरको परमेस्वरहेदोङ पि ? 26 द्याङ्गेलाइको आगाता ओबालाइ वासिहेङ काथाता फासिपालि मादोअ्हि,कालाउ वाको ग्यानमय उताराता भारबुसाइतेङ सिकापा हि इम्बालाइ हाइदोङ दोअ्ली मादोहि |' 27 आधिमि सदुकिगेलाइ येसु:कोता लोहि, कालाउ ओबालाइ खान्धुरि मापाघाखे कि सि:का द्याङ आरोङ हेलाउबुङ मासिन्हुखे कालाउ माल्होखे,दोअ्तेङ ओबालाइ येसु:हेङ दोअ्हि, 28 गुरु ज्यु,मोसा लेखेका हि,कि एदि हिदोइबुङ बिहुपाका द्याङ जामाल माजे्ङसिङ सिहेपानु वाको 'बे' हेङ ओने दादाको जामालको भाअ्सिङ बिहुपालि कालाउ दादाको भाअ्सिङ जामाल जेङ्पालि गोइखे | 29 हिदोइबुङ एलोङ समयता न्हिमि दादा-ओने हिघाहि, जेठा एलोङ बेजानहेङ बिहु पाहि,कालाउ वाते सि:हि | वाको एलोङ्बुङ जामाल माजेङ्हि | 30 कालाउ माइला ओने उङ्को बेबालहेङ बिहुपाहि,कालाउ वाबुङ सि:हि | 31 कालाउ साइला ओने वासेहेङ बिहु पाहि,कालाउ वाबुङ सि:हि,इन्सिकाङ घाताना आरू ओनेगेलाइ दोफाबुङ जेङ्हि, | ओबालाइ जामालाइ माजेङ्सिङ सि:हि | 32 झाराङ खानतेङ न्हुसो उङ्को बेलाबुङ सि:हि | 33 एला झाराङ न्हिमि दादा-ओनेगेलाइ सि:हि वासेहेङ बिहु पाका हिघाहि,एला जेलाउ द्याङ्गेलाइ सितेङ्बुङ सिन्चालाउ उङ्को बेबाल हासुको बे' जेनावा ?'' 34 येसु:उङ्को सदुकिगेलाइहेङ दोअ्हि,''पृथ्विता द्याङ्गेलाइ बिबु पाखे | 35 कालाउ इङ्को युग थुकापा थुकालि योग्य जेङ्कालाइ,कालाउ सि:कासो सिन्हुकालाइ बान्चितेङ ल्होतेङ योग्यो जेङ्कालाइ नाबिहुपाखे नाबिहुदोङ पापिखे | 36 ओदोङ बेला नेलाइ स्वर्गदुत भाइपाङ जेङस्वाना कालाउ मासिस्वाना,इम्बालाइ परमेस्वरको चानचामिन्दि जेङ्स्वाना | हाइपालिपानु इम्बालाइहे आरोङ जिबन पिका हिखे |''(पुर्न जिबित) 37 मोसा एलोङ झुन्झिता मे दाल्दाल्लाइकाको (धालाङ्काको) बर्नन 'ओसारा रेम्फा बुझिपातेङ दोअ्का हि, | कि द्याङ्गेलाई सि:कासो सिन्हुतेङ ल्होकाङ,परमप्रभुहेङ मोसा 'अब्राहामको परमेस्वर,इसाहाकका परमेस्वर कालाउ याकुबको परमेस्वर दोअ्का हि |' 38 परमेस्वर सि:कालाइको परमेस्वर, माको कालाउ बान्चिका द्याङगेलाइको परमेस्वर | झाराङ द्याङ्गेलाइ जेदोङ परमेस्वरता हि इम्बालाइ सिन्हुका हि |'' 39 आधिमि व्यवस्थाका सास्तिरिगेलाइ दोअ्हि,''हे गुरु,नाङ्को जोबाफ कालाउ काथा मेनाङ रेम्का हि |'' 40 कालाउ न्हुसो आरोङ हासुबुङ वासेहेङ हिदोइबुङ प्रस्न हिअ्लि आर मापाहि | 41 कालाउ न्हुसो येसु:दोअ्हि,''द्याङ्लाइ हाइपालि ख्रिस्तहेङ दाउदको चान दोअ्खे ? 42 कालाउ न्हुसो येसु:दोअ्हि,''द्याङ्लाइ हाइपालि ख्रिस्तहेङ दाउदको चान दोअ्खे ? 43 जेलाउ थिकापा नासिहेङ सतुर गेलाइहेङ (मारेम्का दोअ्कालाइहेङ ) ''का''नाङको खोकोइ ता माताखा,इन्सिलाउ थिकापा | 44 जेलाउ दाउद ताइमिदोङ वासेहेङ ''प्रभु ख्रिस्त' दोअ्खे,कुनु वा हेतासो दाउदको चान जेङ्हि ?' 45 कालाउ झाराङ द्याङ्गेलाइ हिङ्का हिङ्काताङ वा ताइको चात्यागेलाइहेङ दोअ्हि, 46 व्यस्थाका सस्तिरीगेलाइ होसिहार हिसु, र्-हिङ्का र्-हिङ्का धावा लोखोन होइका इस, असो, दहे-माहे घुराइतेङ हिलि खाङ्का कालाउ हाते बाजार भारि द्याङ्गेलाइसो आदार पाको दोअ्का भोका,कालाउ चाउघारा सागेलाइता प्रमुख थामे भोका कालाउ चाका आम्काता भातियरता बेसि आदारको थामे मन्दाताका सास्तिरि गेलाइसो थिसु |'' 47 इम्बालाइ 'के' सि:काको साहेङ हेसापातेङ चुम्पुलि द्वाङ,कालाउ लुतिली खाङ्खे कालाउ र्-हिङका र्-हिङ्का दोमचाकाइखे, बोमिहेङ तिङ्पालिको भाअ्सिङ पाखे | इन्सिका द्याङ्गेलाइहेङ परमेस्वर हिन्जा दन्ड प्यावा |