लुका 18

कालाउ न्हुसो येसु:को वाको चात्यागेलाइहेङ दिनाङ दोमचाकाइलि खान्तेङ लाम्फा हेलाउबुङ पिरतेङ माहिसु दोअ्तेङ सिक्स्या पिहि | येसु:इम्बालाइतेङ धिरपालि इसिका निङ्पिका काथा दोअ्हि: 2 हिदोइबुङ एलोङ सहरता एमि न्यायधिस हिघाहि | वा परमेस्वरको बारेता वास्ताङ मापाधाखे कालाउ माथिधाखे | वा इदोइबुङ वास्ता मापाधाखे कि द्याङ्गेलाइ याको बारेता हाइ-हाइ सोचिखे | 3 ओङ्कोङ सहरता एमि बेबाल हिघाखे,वाको के, लाम्फाङ सि:का हिघाहि | इङ्को राडि बेबाल हेन्जा पल्ट उङ्को न्यायधिसहेङ दोअ्हि,'इता एअ्मि द्याङ हि ज्याइ कासिहेङ सानताइखे(अन्याय पाखे) | काङ्को खाबारा सो बान्चिपापि |' 4 इङ्को न्यायधिस इङ्को राडिहेङ हिदोइबुङ खालको साघाइलि मन मापाहि | ''वा हेन्जा समय थेकापाते माकिहि,कालाउ न्हुसो वा ताइको मनता दोअ्हि,'का परमेस्वर हेङ्बुङ माथिखा | द्याङ्कोबुङ वास्ता मापाखा |'' 5 कालाउबुङ इदोइ ''राडि'' ( एकलतिरी) कासेहेङ मेनाङ दिनाङ हाइरान पानाङ् का याको न्याय पापियाङ्का,माकुनु ते वा धुरि-धुरि लोतेङ कासेहेङ हाइरान पावा |'' 6 प्रभु दोअ्हि,''हिङ्सु,उङ्को अधर्मि पापि न्यायधिस हाइ दोअ्खे इङ्को कोता हाइदोङ |माने हि | 7 हाइ परमेस्वर साल्का द्याङ्गेलाइहेङ न्याय मापिखेरो ? इम्बालाइ झेमपाङ लिपाङ वाको दोफा सेउपाखे | परमेस्वर ताइको द्याङ्गेलाइहेङ जोबाफ पिलि कुरिया पाखे |(आल्थेखे) |'' 8 का नेलाइहेङ दोअ्खे,परमेस्वर ताइको द्याङ्गेलाहेङ झटै न्याय प्यावा | कालाउ द्याङ्को चान आरूङ लोलाउ हाइ वा पृथिविता खान्धुरि निङ्लि द्वावारो ?'' 9 ताइमि दोफा भरोसा ताअ्कालाइ कालाउ ताइमिहेङ धर्मि सोचिका आरुगेलाइहेङ तुच्स बिचारपाकालाइ,आधिमिगेलाइ वा इदोइ एलोङ निङ्पिकाताङ दोअ्हि: 10 'न्हेमि द्याङ दोमचाकाइलि थानता (मन्दिर) हानिहि-एमि फारिसि कालाउ भेनेङ चाहि पोत ल्होपाका द्याङ | 11 फारिसि जाअ्तेङ् मन -मनता एसा दोअ्तेङ दोम्चाहि,'हे परमेस्वर,का नासिहेङ धन्यबाद प्याङ्का,का आरू द्याङ्गेलाइ भाइका घाताइका,खुका,लुचाका(कासिबेरि) मापाखा, | का नासिहेङ धन्यबाद प्याङ्का हाइपालिपानु का इदोइ पोत ल्होपाका भाइका मारेम्का काम पाका माको | 12 का रेम्का द्याङ हिघा, का ए -आथार ता न्हे पल्ट ब्रत हिखा ताइको कमाइसो दसाङ्सा का पिखा |' 13 ''कालाउ पोत ल्होपाका चाहि आसा दुरेदोङ जातेङ स्वर्गभारि मिसियाँबुङ माटोल्हेसिङ एसा दोअ्तेङ ताइको तुम्ता थेअ्तेङ,दोअ्हि'हे परमेस्वर का पापि हिघा काहुता दाया पापि |'' हाइपालिपानु का हेन्जा तुच्स हिघा | 14 का नेलाइहेङ दोअ्खा,जेलाउ वा सिता हानिहि,उङ्को परमेस्वर दोफा ठिक हिघाहि | कालाउ जेदोङ फारिसि,ज्याइ ताइमिहेङ रेम्का हिघा दोअ्धाखे कालाउ सम्झेधाखे इङ्को परमेस्वर दोफा ठिक मान्थुधाखे | जेदोङ द्याङ ताइमिहेङ बारका थानिधाखे वा हाइदोङ माको | जेदोङ द्याङ चाहि ताइमिहेङ का हाइदोङ माको दोअ्धाखे उङ्को चाहि माहान जेनावा |'' 15 आधिमि द्याङ्गेलाइ ताइ-ताइको जामालगेलाइ येसु:कोता चुमातेङ लोदोङ्धाखे ताकि येसु:इम्बालाइहेङ साइतेङ आर्सिबाद प्याको | जेलाउ चात्यागेलाइ तिङ्हि,ओबालाइ द्याङ्हेङ नाइहि(हकारे) | 16 कालाउ येसु:चाहि उङ्को म्हुइ-म्हुइका जामालाइहेङ काइहि कालाउ चात्यागेलाइ हेङ दोअ्हि |''उङ्को म्हुइ-म्हुइका जामालाइहेङ काइहि कालाउ चात्यागेलाइ हेङ दोअ्हि,''उङ्को म्हुइ-म्हुइका जामालाइहेङ काङ्कोता लोलि पिसु | इम्बालाइहेङ मारोकेसु (माखोराइसु) | हाइपालिपानु परमेस्वरको सारभि इदोइ जामालगेलाइको भाइकाङ द्याङ्गेलाइको भाअ्सिङ हि | 17 का नेलाइहेङ जातिङ भारि दोअ्खा,नेलाइ म्हुइ-म्हुइका जामालगेलाइ जेदोङ आमेनेगेलाइ र्-हुलि (ग्रहन गरे) किनाङ भाइपाङ परमेस्वरको सारभिहेङ्बुङ,ग्रहन पालि गोइखे | माकुनुते नेलाइ हेलाउबुङ दुल्लि मादोस्वाना |'' 18 एमि सासक येसु:हेङ एसा दोअ्तेङ हि:हि,'हे रेम्का (असल) गुरु,अनन्त जिबन निङ्लिको भाअ्सिङ का हाइपालि गोयाङ ? 19 येसु:उङ्को द्याङ्हेङ दोअ्हि,''ना कासेहेङ हाइपालि रेमका(असल) दोअ्खेना ? एलोङ परमेस्वर खिनिङ रेम्का(असल) हि आरु हासुबुङ रेम्का मान्थु | 20 कालाउबुङ नाङ्को हिअ्का काथाको जोबाफ का प्याङ्का | ना परमेस्वरको आग्यागेलाइ गिखेन्हा ?: कासिबेरि मापालि,हासुहेङ्बुङ मासे:लि,माखुलि,हासुकोबुङ बिसयता माधाताइलि,आबा-आमाइको इज्जत पासु | 21 वा दोअ्हि,''इदोइ गोताङ्ते काङ्को जामाल बेलासोङ इदोइ आग्यागेलाइ पाकाताङ लोका हिघा | 22 इङ्को काथा येसु:हिङ्लि दोअ्तेङ वासेहेङ दोअ्हि आरोङ एअ्लोङ काम पालि गोइका हि | ना दोफा जेथे हि उङ्को गोताङ पितेङ गरिबगेलाइ हेङ बाखाराइ पि,कालाउ नाङ्को दोफा स्वर्गता सम्पति जेनावा कालाउ लोउ,काङ्को दोफा | 23 जेलाउ वा इङ्को काथागेलाइ हिङ्हि,वा मेनाङ उदास जेङ्हि | हाइपालि पानु इङ्को द्याङ मारफाङ धनि हिघाखे | 24 जेलाउ येसु:इङ्को द्याङ्हेङ दु:खि जेङ्का तिङ्हि,वा दोअ्हि,''जातिङ्को धनि द्याङ्गेलाइ परमेस्वरको सारभिता दुल्लि एकदम गारो हि | 25 एइ,धनि द्याङ्हेङ परमेस्वरको सारभिता दुल्लि खान्तेङ्तेङ भरु ऊटहेङ बिन्दुको काना सो दुल्लि सजिलो जेङ्खे |'' 26 जेलाउ इन्ता हिका द्याङ्गेलाइ इदोइ हिङ्हि,इम्बालाइ दोअ्हि,''एन्सापानु हासुचाहि उदार निङ्खे ?'' 27 येसु:दोअ्हि,जेदोङ द्याङ्को भाअ्सिङ असम्भब काम हि,कालाउ परमेस्वरको भाअ्सिङ सम्भब हि |'' 28 कालाउ पतरुस दोअ्हि,खाङ्सु ताइको सा द्वार लाअ्तेङ केलाइ नाङ्को दोफा लोका हिनाहि ? 29 येसु:दोअ्हि,''का नेलाइहेङ,जातिङ्भारि दोअ्खा,जाइ ताइको सा,बे,दादा ओनेगेलाइ,आबा, आमाइ,कालाउ जामालगेलाइ परमेस्वरको सारभिको भाअ्सिङ लाअ्का हि | 30 उङ्को इदोइ जिबनता इङ्को गोताङ खान्तेङ हेन्जा निनावा | कालाउ जेलाउ उङ्को द्याङ स्यावा,वा परमेस्वरदोफा अनन्त थेकापा योम्लि निनावा |'' 31 कालाउ न्हुसो येसु:तेन्हे प्रेरितगेलाइहेङ भेनेङ थामेभारि चुम्पुतेङ दोअ्हि,''हिङ्सु ! केलाइ यरुसलेम हानिन्हाखे | द्याङ्को चानको बिसयता अगमबक्तागेलाइ जेदोङ लेखिका हि इङ्को गोताङ थुकातावा | (पुरा हुनेछ ) 32 हाइपालि पानु वासेहेङ गैर-यहुदीगेलाइको खुरता ताअ्पिप्यावा,कालाउ इम्बालाइ वासेहेङ खुजुलाइयावा,कालाउ वाको दोफा ''आखेका ब्याभार पावा कालाउ वासेहेङ थोअ्तावा | 33 इम्बालाइ वासेहेङ द्वालिहोइ म्हेतावा,कालाउ से:तावा, कालाउ सुम्निको दिना वा आरोङ सिकासो सिन्चालाइतेङ ल्होकावा |'' 34 प्रेरितगेलाइ इदोइ काथागेलाइको माने माबुझि हि,ओबालाइको भाअ्सिङ इङ्को काथा म्होन्हातेङ हि,कालाउ दोअ्खा काथा इम्बालाइ फोमपालि मादोहि | 35 वा यरिहोको भेरपा थुकाहि,इन्ता एअ्मि द्याङ कान्हा दामाको आलिता योमतेङ द्याङ्गेलाइ दोफा भिख र्-हेतेङ हिघाहि | 36 जेलाउ ओदोङ दामापाहासो जेरलोका हिङ्तेङ वा हि:हि,इन्ता हाइ जेङ्तेङ हि | 37 उङ्को द्याङ्गेलाइ वासेहेङ दोअ्हि,नासरतको येसु:इदोइ दामा पातेङ लोदोङ्खे |'' 38 उङ्को कान्हा द्याङ मेनाङ हाउसाइहि,कालाउ दोअ्हि''हे येसु:दाउदको चान,कासिहेङ दाया पा |'' 39 आगा-आगा तेअ्कालाइ कान्हाहेङ सिकापा हि दोअ्तेङ चेरहि,कालाउबुङ वा झन बारका गालाहोइ र्-हिकाइहि,''हे दाउदको चान,का हुत्ता दाया पा |'' 40 येसु:इन्ता जाअ्हि कालाउ दोअ्हि,''इङ्को कान्हा द्याङ्हेङ का दोअ्फा चुमासु |''जेलाउ उङ्को कान्हा द्याङ येसु:हिकाता थुकाहि,वा हि:हि, 41 ''ना हाइ भोअ्खेना का हाइ पापिलि नाङ्को भाअ्सिङ ?'' उङ्को कान्हा द्याङ दोअ्हि,''हे प्रभु,का आरोङ तिङ्लि भोअ्खा |'' 42 येसु:वासेहेङ दोअ्हि,''तिङ्लि निनाको,नाङ्को खान्धुरिसो नासिहेङ बान्चिपाका हि |'' 43 कालाउ वा ओदोङ घुरि तिङ्लि दोअ्हि,कालाउ परमेस्वरको बाखानाइ पाकाताङ उङ्को वा दोफा हानिहि | इङ्को तिङ्तेङ झाराङ द्याङ्गेलाइ परमेस्वरको बाखानाइ पाहि |