लुका 16

येसु:ताइको चात्यागेलाइहेङ दोअ्हि,''एमि धनि द्याङ हिघाहि | वाको एमि काम पाका व्यवस्तापक हिघाहि | वा ताइको माझनको धन सम्पति उडाइपातेङ हि दोअ्का दुसिका वाको बिरुदृता जेङ्का हिघाहि | 2 जेलाउ माझन वासेहेङ काइतेङ दोअ्हि,'नाङ्को बिसयता का जेदोङ हिङ्दोङ्खा हाइ इङ्को सत्ये हि? एला व्यस्तापक नाङ्को कामको हिसाब कासिहेङ पि |एला ना उसो व्यवस्थापक मान्थुन्हा | 3 'जेलाउ व्यवस्थापक ताइमिङ मन मनता,बिचार पाहि 'एला का हाइपालिला?, हाइपालि पानु काङ्को माजन का सो ब्यास्तापकको काम धिङ्लि तोम्का हि | मिलिङ्ता चोइतेङ चालि काङ्को तागत मान्थु, र्-हेतेङ चालि का लेदेरखा | 4 का गिखा का हाइ पालि गोइखा,जेलाउ का काङ्को काम गुमायाङ्का,आरु द्याङ्गेलाइ कासेहेङ इम्बालाइको साता कायावा |' 5 'कालाउ वा माझनको रिनिगेलाइहेङ ज्याइ-ज्याइ चुम्पुका हिघाहि झाराङ्हेङ एअ्मि एअ्मि पातेङ काइहि,कालाउ लाङ्तेङ लोकाहेङ दोअ्हि,'नासिहेङ माझनको रिन हेथे हि ?' 6 'कालाउ दोअ्हि,''सुम हाजार लिटर ''चुइति |'कालाउ व्यव्सथापक वासेहेङ दोअ्हि,''नाङ्को तमसुक चुमा,कालाउ मार्फा योम्तेङ ए हाजार नासाइ लिटर खिनिङ लोखे |' 7 'कालाउ न्हुसो वा भेनेङ्हेङ हिअ्हि,'नाङ्को रिन हेथे हि ? 'वा दोअ्हि, सुमसाइ न्हे कुरिते किवन्तल गहम |'वा रिनिहेङ दोअ्हि 'नाङ्को तमसुक चुमा,कालाउ सुमसाइ किवन्तल लेखे |' 8 कालाउ न्हुसो माझन इङ्को चतुराइ व्यवस्थापकहेङ बाखानाइ पाहि,हाइपालिपानु वा चलाख पातेङ काम पाहि | एइ,सुमिङ्को द्याङ्गेलाइ आत्मिकि द्याङ्गेलाइ खान्तेङ इम्बालाइको द्याङ्गेलाइ दोफा व्यवभारता चतुराइ हिखे |'' 9 'का नेलाइहेङ दोअ्खा, सुमिङता हिका नाङ्को आनेमानेगेलाइ पितेङ ताइको भायागेलाइ बानाइसु | जेलाउ इङ्को आमेनेगेलाइ दोअ्कावा,'कालाउ नेलाइहेङ अनन्त बासा हिका थामेता स्वागत जेनावा | 10 एदि हिदोइबुङ द्याङ म्हुइ-म्हुइका काथाता खान्धुरि पालि द्वाङ | कालाउ बार-बारका काथाताबुङ खान्धुरि पालि द्वाङ | एदि हिदोइबुङ द्याङ साधारन काथाता इमान्दार मान्थु हे पानि बार-बारका काथाता बुङ इमान्दार मान्थुवा | 11 एदि नासिहेङ सुमिङ्को सम्पतिता खान्धुरि पालि मादोअ्खे, नेलाइहेङ हेसा सत्ये सम्पतिको भाअ्सिङ खान्धुरि पालि | 12 एदि नेलाइहेङ बोमिको धनता इमान्दार माजेङ न्हा पानु,नेलाइको ताइकोङ धन नेलाइहेङ हासु प्यावा रो ? 13 एलोङ्दोङ बेला एलोङ चाकारिया न्हेलोङ माझनको काम पालि मादावा | उङ्को चाकारिया एअ्मि माझनहेङ मन्दामाताकावा कालाउ भेनेङ्हेङ प्रेम पावा,वा एअ्मिको भक्त जेनावा कालाउ भेनेङ्हेङ मनदामाताकावा एलोङ्दोङ समयता नेलाइ परमेस्वर कालाउ सम्पतिको सेवा पालिमादोस्वाना |'' 14 फारिसिगेलाइ इदोइ गोताङ हिङ्तेङ हिघाहि,फारिसिगेलाइ येसु:हेङ दुसिलि तेङ्हि हाइपालिपानु इम्बालाइ झाराङ धनहेङ प्रेम पाघाखे | 15 येसु:उङ्को फारिसिगेलाइहेङ दोअ्हि,''नेलाइ द्याङ्गेलाइको आगाता भालादमिको बेउरा तिङ्पासुखेना |नेलाइ लिता हाइ हि परमेस्वर गिखे | जेदोङ काथा द्याङ्को भाअ्सिङ मुल्यवान हि परमेस्वरको भाअ्सिङ वाको हाइदोङ मुल्यको मान्थु | 16 येसु:उङ्को फारिसिगेलाइहेङ दोअ्हि,''नेलाइ द्याङ्गेलाइको आगाता भालादमिको बेउरा तिङ्पासुखेना |नेलाइ लिता हाइ हि परमेस्वर गिखे | जेदोङ काथा द्याङ्को भाअ्सिङ मुल्यवान हि परमेस्वरको भाअ्सिङ वाको हाइदोङ मुल्यको मान्थु | 17 कालाउबुङ व्यवस्थासो एमि खिनिङ मेतिलि खान्तेङ भरु स्वर्ग कालाउ पृथ्वि माअ्तेङ हानिलि झन सजिलो जेनावा | 18 'एदि हिदोइबुङ द्याङ ताइको बे दोफा खाति पोखे कालाउ भेनेङ बेजान दोफा बिहु पाहे पानु,वा कासिबिरि पापको दोसिलि जेनावा |' कालाउ हिदोइबुङ द्याङ खाति पोन्हाका बेबालहेङ बिहुपाहे पानु वासेहेङ बुङ पौसाइकादोङ पाप लाग्याङ |'' 19 येसु:दोअ्हि,''एलोङ धनि द्याङ हिघाहि | वा हेन्जाजाङ जाङ्का (बहुमुल्य )लोखोन धावागेलाइ लगाइघाखे | उङ्को वथे हेन्जा धनि हिघाहि कि दिनाङ-दिनाङ भोज चापालि दोधाङ | 20 इन्ता लाजरस मिङ पाका एमि गरिब द्याङ हिघाहि | उङ्को् द्याङ उङ्को धनि द्याङ्रको साको फिनु आगाता जिम्तेङ हिघाहि | वाको जिउभरि पेचारा-पेचारा होइ भरिका हिघाहि | 21 उङ्को धनि द्याङ्को चाङ्चाउकिसो हुल्का टुक्रा-टुक्रि चातेङ लाजरस ताइको हामु भेल्पाली मन पाघाखे | जेलाउ सेलाउ खियागेलाइ लोतेङ वाको पेचारागेलाइ देघाखे | 22 हेङ्साङ सोमोय न्हुसो लाजरस सि:हि,कालाउ स्वर्ग दुतगेलाइ वासेहेङ चुम्पुतेङ आब्राहामको कोल्हेता ताअ्पिहि | उङ्को धनिद्याङ्बुङ सि:हि कालाउ लिअ्हि |'' 23 वासेहेङ नरकता दिङ्गिल्हि कालाउ वासेहेङ मेनाङ कस्त जेङ्हि | ओदोङ्बेला वा पुरुङ तोल्हेतेङ हुता खाङ्हि लाजरसहेङ आब्राहामको कोल्हेता योम्तेङ हिका तिङ्हि | 24 वा रि्-हिकाइतेङ दोअ्हि,''हे आबा आब्राहाम, का हुता दायापा | लाजरसहेङ का दोफा दिङ्गिल पि ताकि वाको आङ्गुलि चिता चोबेतेङ काङ्को देतोङ्हेङ जिउराका बानाइ प्यावाको |'हाइपालिपानु इदोइ दाल -दालाइका मेता का कस्त निङ्तेङ हिघा |' 25 कालाउ आब्राहाम दोअ्हि,'हे काङ्को चान,सम्झे लाम्फाको, ना हेसा बान्चितेङ हिघाखेना ? नाङ्को दोफा दामि-दामि हेन्जा आनेमानेगेलाइ हिघाहि | लाजरस कोता गोताङ मारेम्का-मारेम्का आमेनेगेलाइ खिनिङ हिघाहि | एला वा इता सु:खता (लेङ्चातेङ )हि,कालाउ ना चाहि कस्त निङते्ङ हिना |'' 26 नेलाइ कालाउ केलाइको माझाताबुङ एलोङ बारका वाङ्खाराका घारा( खाल्टो )हि | इतासो हासुबुङ नेलाइ हिका थामेता हानिलि मादोखे कालाउ इन्तासो बुङ इसो लोलि हासुबुङ मादोअ्खे |' 27 उङ्को धनिद्याङ दोअ्हि,'हे आबा आब्राहाम लाजरसहेङ पृथ्विता काङ्को आबाको साता दिङ्गिल्पि | 28 काङ्को नामि ओनेगेलाइ हि,एदि लाजरस ओबालाइहेङ चेताउनि पिहेपानु इम्बालाइ इदोइ कस्तमय थामेता मालावा |' 29 कालाउ आब्राहाम दोअ्हि, इम्बालाइको भाअ्सिङ पदेलि(पोरिका) मोसाको ब्यबस्था कालाउ अगमबक्ता गेलाइको गन्थ्रगेलाइ हि,इम्बालाइ ओबालाइसोदोङ हिनाको |' 30 कालाउबुङ उङ्को धनिद्याङ दोअ्हि,'माको | आबा आब्राहाम ! एदि हासुबुङ सि:कागेलाइसो एमि इन्ता हानिनु, इम्बालाइ खान्धुरि पावा कालाउ हृदय कालाउ जिबन परिबर्तन पावा |' 31 आरोङ आब्राहाम दोअ्हि,'माको! एदि नाङ्को ओनेगेलाइ मोसा कालाउ अगमबक्तागेलाइहेङ माहिङ्खे पानु,इम्बालाइ सि:कासो सिन्हुतेङ ल्होतेङ लोकालाइ हेङ बुङ नजर माप्यावा |''