लुका 14

एअ्नि माइसाका दिना,हिदोइबुङ एमि मुख्य फारिसिको साता उम चालि येसु:हानिहि | इन्ता हिका झाराङ द्याङ्गेलाइ वासेहेङ मेनाङ भेरपाङ्सो जाचिघाखे | 2 एमि चिको ग्रह भेतिका द्याङ्हेङ येसु:को आगाता चुमाका हिघाहि | 3 येसु:फारिसिगेलाइहेङ कालाउ ब्यवस्थाको सास्तिरि गेलाइहेङ हि:हि,''माइसाचाका दिना हासुहेङ्बुङ एल्पालि ठिक हि या मान्ठु ?'' 4 कालाउ इम्बालाइ येसु:को दोअ्काको जोबाफ पिलि मादोहि | ओदोङ भाअ्सिङ वा उङ्को द्याङ्हेङ चुमाहि कालाउ वासेहेङ एल्पाहि | कालाउ वा उङ्को द्याङ्हेङ दिङ्गिल्पिहि | 5 येसु:फारिसिगेलाइहेङ कालाउ ब्यबस्थाको सास्तिरि गेलाइहेङ दोअ्हि,''एदि नेलाइको चान माकुनि काम पाका पिया माकुनु गाधा माइसाचाका दिना च्वाता वालानु इङ्को झटै माउल्लापानारो ?'' 6 इङ्को फारिसिगेलाइ कालाउ सास्तिरिगेलाइ येसु: को दोअ्का काथाता हाइबुङ दोअ्लि मादोअ्हि | 7 जेलाउ येसु:तिङ्हि कि आधे बानसालाइ रेम्का कुर्सिगेलाइ सालतेङ हिघाहि | ओदोङ भाअ्सिङ वा इङ्को निङ्पिका हिङ्पाहि : 8 जेलाउ हासुबुङ नासेहेङ बिहुको भातियारता नेउता प्यावा, मुख्य योमका थामे माभोसु | उङ्को द्याङ नेलाइ खान्तेङ्बुङ मुख्य द्याङ्हेङ नेउता पिका हिलि द्वाङ | 9 कालाउ एदि ना मुख्य थामेता योमतेङ हिकाहिनुपानु नेउता पिका द्याङ नासेहेङ सम्झाइयावा,इङ्को कुर्सि इदोइ द्याङ्हेङ पि | कालाउ लेसारा भारिको कुर्सिता हानितेङ योमलि गोयाना, कालाउ ना बारका लेदेर चाना | 10 ओदोङ भाअ्सिङ जेलाउ हिदोइबुङ द्याङ नासेहेङ नेउता पिहे पानु ताइमिहेङ सोबाइका स्तर आन्सारको थामेता योमलि गोइखे | जेलाउ उङ्को नासेहेङ नेउता पिका द्याङ लोतेङ द्वा,ए सानाइति,ना भेनेङ मुख्य थामेता योम |'ओदोङ बेला झाराङ बानसालाइ गेलाइ नासिहेङ आदार पावा |'' 11 हाइपालि पानु ज्याइ ताइमिहेङ हुत्ता तोलिखे उङ्को लेता हुल्लि गोइखे | कालाउ ज्याइ ताइमिहेङ आतुइका सम्झिखे वासेहेङ हुत्ता तोल्याङ | 12 कालाउ न्हुसो येसु;वासेहेङ नेउता पिका फारिसिगेलाइहेङ दोअ्हि,''जेलाउ हिदोइबुङ दिना नेलाइ हि्मा माकुनु बेला लाउ उम चापालि मन पासुन्हा पानु,एन्सालाउ ताइको सानाइति भायागेलाइ,दादा-ओनेगेलाइ,ताइकोगेलाइ ,कालाउ धनि देरागेलाइहेङ खिनीङ माकाइ | माकुनेते इम्बालाइबुङ नेलाइहेङ उम चालि नेउता प्यावा कालाउ नाङ्को इलाम ओदोङ्घुरि निङ्चाना | 13 इङ्को पालि ता,जेलाउ हिदोइबुङ इन्सिका भोज ना पाना,इङ्को गरिब,खुरखोकोइ माचोलिका,लेङ्ग्रा,कालाउ आन्धागेलाइ हेङ काइसु | 14 कालाउ न्हुसो ना धन्यको जेनाना,हाइपालि पानु गुन तिरिलि नेलाइकोता हाइदोङ मान्थवा | जेलाउ रेम्का द्याङ स्यावा सि:कासो सिन्हुतावा,एन्सालाउ नेलाइ इलाम निङ्स्वाना |'' 15 येसु:दोफा योमतेङ हिका हेन्जा द्याङ्गेलाइ मध्येसो एमि इदोइ काथा हिङ्हि | उङ्को द्याङ येसु:हेङ दोअ्हि,नेलाइ ज्याइ-ज्याइ परमेस्वरको सारभिता भोज चालि निङ्खे,नेलाइ जातिङ्भारिदोङ धन्यको हिसुन्हा |'' 16 येसु:उङ्को द्याङ्हेङ दोअ्हि,''हिदोइबुङ एलोङ द्याङ बार् का भोज जुराइका हिघाहि,वा हेन्जा द्याङ्गेलाइहेङ काइका हिघाहि | 17 जेलाउ उम चाका बेला जेङ्हि,उङ्को द्याङ ताइको चाकारियागेलाइहेङ बानसालाइ काइलि दिङ्गिलहि,लोसु गोताङ आमेने तियारि हि |' 18 कालाउ इम्बालाइ झाराङ ए, खाल्को बाहाना बानाहि | लाम्फाको द्याङ दोअ्हि,''का आन्चा खिनिङ एलोङ मिलिङ चोल्का हिघा,मिलिङ खाङ्लि का हानिलि गोयाङ | दाया पातेङ माफ पि | 19 भेनेङ द्याङ दोअ्हि,'का आन्चा खिनिङ ना, जोर पिया चोल्का हिघा,ओदोङ भाअ्सिङ का इम्बालाइहेङ काम धिरपालि हानिलि गोयाङ | कासेहेङ दायापातेङ माफ पि |' 20 सुम्तेङ द्याङ दोअ्हि,''का आन्चा खिनिङ बिहु पाका हिघा, का लोलि मादोङ्का |'' 21 कालाउ न्हुसो उङ्को चाकारिया घुरिहि | वा ताइको माझनहेङ गोताङ काथागेलाइ हिङ्पाहि | माझन मेनाङ चेरताङ्पाहि कालाउ दोअ्हि मार्फा पासु | सहरको कुन्हा,कापचा चेकाभारि कालाउ आतुइसा चेसुमेसुका दामाभारि हानेसु कालाउ गरिब द्याङ्गेलाइहेङ ,लेग्रा कालाउ कान्हा माकुनु खुरखोकोइ माचोलिकालाइहेङ चुमासु |' 22 कालाउ उङ्को चाकारिया माझनहेङ दोअ्हि,'माझन,ना जेदोङ दोअ्का हिघाखेन्हा,इङ्को का पाघा,कालाउबुङ आरोङ आरु द्याङ्गेलाइहेङ योम्पाका थामे हि |' 23 माझन चाकारियाहेङ दोअ्हि,मुल दामाभारि कालाउ देराको दामाभारि हानेसु द्याङ्गेलाइहेङ इसो लोलि दोअ्सु ताकि सा पोङ्घानाको का नेलाइहेङ दोअ्खा | 24 काङ्को नेउता निङ्कालाइ मध्ये हासुबुङ का दोफा भोज चाखिलि मानिनाङ |'' 25 हेन्जा द्याङ्गेलाइ येसु:दोअ्फाङ दामाता हानिदोङ्घाखे | वा इम्बालाइहेङ घुरितेङ दोअ्हि, 26 'एदि हासुबुङ द्याङ का दोअ्फा लोहे पानु,कालाउ कासेहेङ खान्तेङ हेन्जा वाको आबा आमाइ,बे,चानचामिन्दि,दादा-ओने कालाउ बाइ-बेजान ओनेगेलाइहेङ प्रेम पाहे पानु,इङ्को द्याङ काङ्को चात्या जेङ्लि मादावा | हिदोइबुङ द्याङ ताइको जिबनहेङ खान्तेङ बेसि कासिहेङ हेन्जा प्रेम पालि गोइखे | 27 एदि हासुबुङ ताइको क्रुस माफासिङ कासेहेङ पिताइहे पानु उङ्को द्याङ काङ्को चात्या जेङ्लि मादावा | 28 एदि ना एलोङ सा बानाइलि भोखेना पानु,ना लाम्फा इङ्को बानाइलि हेथे ताका गोइखे इङ्को साल्लाउ पालि गोइखे | सा को गोताङ काम दोअ्पालि इङ्को नाङ्कोता हिका ताका थेमाङ – माथेमाङ इङ्को खाङ्लि गोइखे | 29 एदि ना एसा मापालाउबुङ ,काम ते सुरुपालि द्वाना इङ्कोहेङ पुरापालि मादोवाना | कालाउ एदि पुरा पालि मादोहेपानु झाराङ द्याङ्गेलाइ नासिहेङ खिल्लि उराइपावा | 30 इम्बालाइ द्वावा ,इदोइ द्याङ साते बानाइलि ते तेङ्हि कालाउ पुरा पालि चाहि मादोहि |'' 31 एदि हिदोइबुङ राजा भेनेङ राजा दोफा धुम पालि हानिखेपानु,लाम्फा वा योमलि गोइखे,कालाउ योजना बनाइलि गोइखे | एदि वाको ते-हाजार लान्ठा गेलाइ हिनु, कालाउ बिपक्सिको न्हेकुरि हाजार लान्ठा गेलाइ हिनु कालाउ चुम्तेङ लोखे पानि ,वा निर्णय पालि गोइखे कि वा बिजय जेङ्लि द्वाङ कि माद्वाङ | 32 एदि वा इङ्को राजाहेङ जितिलि मादोअ्नु वा ताइको द्याङ्गेलाइहेङ भेनेङ राजाकोता सान्तिको भासिङ मिलाप पालि निम्ता पिगिलि गोइखे | 33 एन्साङ्दोङ नेलाइ लाम्फा योजना बनाइलि गोइखे | एदि कादोफा लोलि खाङ्नु नेलाइ गोताङ काथागेलाइ लाअ्लि गोइस्वाना ,माकुने ते नेलाइ काङ्को चाप्या जेङ्लि मादोसुवाना | 34 'देसे असल आमेने,एदि देसे ताइको देसोको ताइको दोङ राम्हेपानु,इङ्को बेकामेको जेनावा | कालाउ इङ्कोहेङ आरोङ ताइका बनाइलि मादोखे | 35 इङ्कोहेङ नेलाइ भोनोइ सरोह जेनावा ना ते मलको भाअ्सिङ्बुङ प्रयोग माजेनावा | द्याङ्गेलाइ एन्साङ भेडामेसा निङ्का हिघा |