लुका 8

भेनाङ दिना,येसु:परमेस्वरको सारभिको(राइजि) बारेता बानाल कालाउ ये:बानाल गेलाइ दोअ्काताङ,देरागेलाइ कालाउ सहरगेलाइ घुराइकाताङ हानिहि | तेन्हे प्रेरितगेलाइ वाको दोफाङ हिघाहि | 2 हेथे ते बेबालगेलाइबुङ वाको दोफा हिघाहि,ज्याइ दुस्त आत्मा हिका कालाउ मासाधेका बेथागेलाइसो एल्का हिघाहि | इम्बालाइ हिघाहि मग्दलिनि दोअ्का मरियम,ज्याइसो न्हिलोङ भुत उल्हिका हिघाहि, 3 आरु बेबालबुङ योअन्ना,चुजाकि को बे (हेरोदको साघाइका) सुजाना,कालाउ हेन्जा आरुङ बेबालगेलाइ उङ्को बेबालदोफा हिघाहि | उङ्को बेबालाइ येसु:कालाउ वाको प्रेरितगेलाइ ताइको ताका पितेङ साघाइघाखे | 4 जेलाउ बार्का जेर वाको कोर्पाहाङ जोम्लि लोहि कालाउ सहर सहरसो द्याङ्गेलाइ वाकोता लोहि,वा इम्बालाइहेङ एलोङ निङ्पिका काथा दोअ्हि | 5 ''एमि द्याङ चालाइ बिअ्का,चालाइ बिअ्लि उल्लिहि,कालाउ बिलाउ चालाइ आधे आतुइसा दामाको भेरपा परेहि,कालाउ इङको द्याङको खोकोइहोइ याङ्न्हाहि,कालाउ बादेलको साह्रोगेलाइ चापिहि | 6 आधे चालाइगेलाइ आसा उन्ठुइ भारि बिअ्न्हाहि,इङ्को चालाइगेलाइ योलि तेङ्हि कालाउ मिलिङ आसा झाका मान्थुनाङ सेङ्हि | 7 आधे चालाइगेलाइ झुन्सिभारि बिअ्न्हाहि,इङ्को चालालाइ योलि तेङ्हि,कालाउ न्हुसो इङ्को चुइसिङ्गेलाइबुङ बार्काताङ हानिहि कालाउ चालाइ बारालि मानिङ्हि| 8 कालाउ आधेजोसो चालाइगेलाइ रेम्काङ मिलिङ्ता जेङ्हि | इङ्को चालाइगेलाइ योलि तेङ्हि,कालाउ नाकुरि गुना हेन्जा सेका सेहि |वा निङ्पिलि दोअ्तेङ वा बार्का गालाहोइ दोअ्हि,''ज्याइको हिङ्का न्हातेङ हि,वा हिन्हाको |'' 9 चात्यागेलाइ वासिहेङ हिअ्हि,''या निङ्काको माने हाइको ?'' 10 येसु:दोअ्हि,नेलाइहेङ परमेस्वरको सारभिको रहोस्य बुझिलि बुदिृ पिका हि,कालाउ आरुगेलाइदोफा चाहि का निङ्पितेङ दोअ्खा,'नेलाइ खान्तेङ्बुङ मातिन्हाका,कालाउ हिङ्तेङ्बुङ माबुझियाको | 11 एला निङ्पिका यादोङ: चालाइ चाहि परमेस्वरको वचन | 12 दामाको भेरपा झारिका चालाइ चाहि इम्बालाइ,ज्याइ हिङ्खे,कालाउ हिङ्तेङ खान्धुरि मापाको कालाउ माबान्चायाको दोअ्तेङ भुत लोतेङ इम्बालाइको हृदयसो वचन चुम्पुखे | 13 उन्थुइ हिका मिलिङ चाहि इम्बालाइ,ज्याइ वचन हिङ्तेङ लेङ्चाखे कालाउ वा ग्रहन पाखे | कालाउबुङ वाको चाहि जारि मान्थावा,कालाउ आतुइसा पहरको भाअ्सिङ इम्बालाइ खान्धुरि पाखे,कालाउ जाचिका पहरता इम्बालाइ नासातावा | 14 चुइको झुन्जिता हुल्का चालाइगेलाइ चाहि हाइ वाला ? इम्बालाइबुङ उङ्को द्याङ भाइकाङ ज्याइ परमेस्वरको बचन हिङ्खे,कालाउ इम्बालाइ जिबनको चिन्ता,धन,सु:ख चैनता परितेङ उकुस -मुकुस जेनावा | ओदोङ भाअ्सिङ इम्बालाइसो सेकागेलाइ भारलि मानिनावा | 15 कालाउ इङ्को रेम्का मिलिङ्ता परेका चालाइगेलाइ चाहि हाइ वाला ?इम्बालाइबुङ उङ्को द्याङगेलाइ भाइकाङ हि ज्याइ परमेस्वरको वचन रेम्फा कालाउ मन लगाइतेङ हिङ्खे | इम्बालाइ परमेस्वरको वचन पालाना पाखे कालाउ सिकापा रेम्का सेकागेलाइ बुङ सेपाखे | 16 हिदोइबुङ द्याङ गेसा जोलाइतेहेङ तापिहोइ माथुमखे,याते चौकिलिता माताखे | भरु उङ्को द्याङ गेसा जोलाइतेङ चाकितादोङ ताखे इन्तासो लोका द्याङ्गेलाइ थाइ थाइकाहोइ फैसालामका तिनावा | 17 म्होन्हाका गोताङ काथागेलाइदोङ प्रस्त तिनावा कालाउ फैसालामकाता चुमावा | 18 एसाङ हेसापा हिङ्लि गोइका हि सिकापा हिङ्सु | ज्याइ हेथे बुझिलि दोअ्खे वा आरु हेन्जा गिलि निङ्खे | ज्याइ माबुझिखे,वाकोता हेथे हि उङ्कोबुङ रामावा |'' 19 येसु:को आमाइ कालाउ ओनेगेलाइ वासिहेङ भेतिलि लोहि | द्याङ्गेलाइको बार्का जेर हिघाहि कालाउ गल्सु गुल्सुपाङ हिलाङ ओबालाइ येसु:हेङ भेतिलि मादोहि | 20 एमि चात्या वासिहेङ दोअ्हि,''नाङ्को आमाइ कालाउ ओनेगेलाइ नासिहेङ बाहार र्- हुम्तेङ जाअ्तेङ हि,ओबालाइ भेतिलि भोखे |'' 21 येसु:इम्बालाइ झाराङहेङ जोबाफ पिहि,''काङ्को आमाइ कालाउ काङ्को ओनेगेलाइ ओबालाइ ज्याइ परमेस्वरको वचन हिङ्खे कालाउ इङ्कोहेङ पालन पाखे |'' 22 एअ्नि येसु:कालाउ चात्यागेलाइ एलोङ नाउता धोल्तेङ वा इम्बालाइहेङ दोअ्हि,''लोसु कादोफा समुन्द्रको ओदोइ पार हानाइने |''कालाउ इम्बालाइ हानिलि तेङ्हि | 23 जेलाउ इम्बालाइ नाउ ता हानिकाताङ पालाउ येसु:जिम्हि | समुन्द्रता बार्का दुम भेरमा लोहि कालाउ इम्बालाइको नाउ चिहोइ भारिलि तेङ्हि,कालाउ इम्बालाइ दुबिली तोम्हि |'' 24 चात्यागेलाइ येसु:कोता हानिहि कालाउ वासिहेङ ल्होपाहि | इम्बालाइ दोअ्हि,''गुरुज्यु ! गुरुज्यु ! केलाइ दुबिलि टोम्न्हाहोइ |'' कालाउ येसु:ल्होहि वा दुर भेरमाहेङ कालाउ उल्हा-उल्हाका चिहेङ चेर्हि | दुर भेरमा गाङ्हि,कालाउ समुन्द्र सिकापाहि |''माचालाम मुचुलुमाहि | 25 वा चात्यागेलाइहेङ दोअ्हि,''नेलाइको खान्धुरि खोइ हिसो हि ?'' चात्यागेलाइ थिहि,कालाउ भारबुसाहि, | इम्बालाइता ता -ताइमिता,काथा पालि तेङ्हि,''वा हिसिका द्याङ ? वाते भेरमा कालाउ चि को उल्हा उल्हाकाबुङ वा आग्या पिखे कालाउ ओबालाइबुङ वाको आग्या किखे |'' 26 इम्बालाइ समुन्द्रको गेरासन दोअ्का गालिलको ओदोइ पारिको थामेता थुकाहि इन्ता गेरासिन द्याङ्गेलाइ हिघाहि | 27 जेलाउ येसु:नाउ सो लेता खुहि,ओदोङ्घुरि सहरसो लोका एमि द्याङ वासिहेङ भेतिलि लोहि | उङ्को द्याङ्हेङ भुत धेल्का हिघाहि | उङ्को द्याङ हेन्जा बेलासोङ लोखोन मालाधाइधाखे | कालाउ उङ्को द्याङ साता माहिसिङ तोमगेलाइ भारि खिनिङ हिघाहि | 28 कालाउ वा येसु:हेङ तिङ्हि,कालाउ रिह् -काइतेङ वाको आगाता तुघुरतेङ दोअ्हि'हे सर्बोच्च परमेस्वरको चान येसु:नाङ्को का दोफा हाइ काम हि,काङ्को हाइ सोरोकार हि ? सेउपाखा,कासिहेङ मासान्ताइ पि |'' 29 हाइपालिपानु येसु: दुस्त आत्माहेङ उङ्को द्याङ्सो बाहार उल्लितेङ हानिलि आग्या पाका हिघाहि | वासिहेङ हेन्जा पोल्ति भुत रिम्का हिघाहि | वासिहेङ झिनझिरिहोइ खुरखोकोइ धेउपिका हिघाहि कालाउबुङ वा इङ्को झिनझिरि धोअ्पाघाखे | कालाउ भुत वासिहेङ उदादाङ्का थामेभारि चुम्पुघाखे | 30 येसु:वासिहेङ हिअ्हि,''नाङ्को मिङ हाइ ? उङ्को द्याङ दोअ्हि ''लेजिअन''| वा (फोउज हाइपालि पानु केलाइ हेन्जा हिनाहि) ''लेजिअन'' दोअ्हि हाइपालि पानु वाको लिता हेन्जा भुतगेलाइ दुल्का हिघाहि | 31 उङ्को भुतगेलाइ इम्बालाइहेङ हेलाउबुङ माफैसालामका कालाउ कितिकितिका थामेता माथुकापाको दोअ्तेङ सेउपाहि | 32 इङ्को लाखता एलोङ बारका हुदा पायागेलाइ चारितेङ हिघाहि | इङ्को भुतगेलाइ पायागेलाइता दिङ्गिल्पि दोअ्तेङ येसु:दोफा सेउपाहि कालाउ येसु:भुतगेलाइहेङ एन्साङ पापिहि | 33 कालाउ भुतगेलाइ उङ्को द्याङ्सो उल्लितेङ पायागेलाइकोता दुल्हि | कालाउ पायागेलाइ लाख कालाउ समुन्द्रको काम्भेभारि धाअ्तेङ तिकारसो लेता धाअ्सितेङ समुन्द्रता दुबेतेङ सिहि | 34 जेलाउ जेदोङ जेङ्का हिघाहि पायाको गोठालोगेलाइ तिङ्हि कालाउ इम्बालाइबुङ खाअ्हि | इम्बालाइ इन्ता हाइ जेङ्का गोताङ इन्ताको देरागेलाइ कालाउ सहरको झाराङ द्याङ्गेलाइ हिङ्पाहि | 35 जेलाउ जेदोङ जेङ्का हिघाहि पायाको गोठालोगेलाइ तिङ्हि कालाउ इम्बालाइबुङ खाअ्हि | इम्बालाइ इन्ता हाइ जेङ्का गोताङ इन्ताको देरागेलाइ कालाउ सहरको झाराङ द्याङ्गेलाइ हिङ्पाहि | 36 तिङ्कालाइ भुत धेल्का द्याङ हेसा एल्हि गोताङ ओबालाइहेङ दोअ्पिहि | 37 गेरासेनको झाराङ द्याङ्गेलाइ येसु:हेङ उङ्को थामेसो लाअ्तेङ हानिलि दोअ्तेङ सेउपाहि,ओबालाइ मारफाङ थिका हिघाहि | कालाउ येसु:एलोङ नाउता दोलतेङ गालिलभारि हानिहि | 38 भुत धेल्तेङ एल्का वाजान वाबुङ येसु:दोफा हानिलि सेउपाहि | कालाउ येसु:चाहि एसा दोअ्तेङ उङ्को द्याङहेङ इन्तासो हानिलि दोअ्हि | 39 सा भारि हाने परमेस्वरको नाङ्को भाअ्सिङ हाइ पा -पिहि इङ्को को बारेता द्याङ्गेलाइहेङ हिङ्पा |'' कालाउ न्हुसो उङ्को द्याङ येसु: वाको भाअ्सिङ हाइ-हाइ पापिहि सारा सहरको द्याङ्गेलाइहेङ दोअ्काताङ हानिहि | 40 जेलाउ येसु:गालिलभारि घुरिहि,द्याङ्गेलाइ वासिहेङ स्वागत पाहि | झाराङ वासिहेङ र्-हुमतेङ हिघाहि | 41 एमि याइरस मिङ हिका द्याङ येसु:कोता लोहि | याइरस चाउघारा साको झाराङ खाङ्तेङ बारका हिघाहि | वा येसु:को खोकोइता लोतेङ वासिहेङ ताइको साता लोलि सेउपाहि | 42 याइरसको एलोङ खिनिङ चामिन्दि हिघाहि,तेन्हे बासार थुकाका हिघाहि,कालाउ वा सि:लि तोम्का हिघाहि | जेलाउ येसु:याइरसको साता हानिहि,द्याङ्गेलाइको हुदा होइ वासिहेङ कोरपाहाङ गुल्सु मुल्सुपा थेलिगिलतेङ हिघाहि | 43 एमि तेन्हे बासारसोङ हिति होका बेथा होइ मासाधितेङ एलोङ बेबालबुङ इन्ता हिघाहि | ताइको गोताङ जेथा बैधेको ता ओसेरे पैति पाकाताङ हेन्जा खर्च पाहि कालाउबुङ वा एल्हिमादोहि,हासुबुङ एल्लिपालि मादोहि | 44 उङ्को बेबाल येसु:को लेसारा पाहा लोतेङ वाको धावा साइहि,ओदोङ पहरसो वाको हिति होलि बन्द जेङ्लि | 45 कालाउ येसु:दोअ्हि,''कासिहेङ हासु साइहि ?''झाराङ दोअ्हि कि इम्बालाइ हासुबुङ नासिहेङ साइका मान्थु,|पतरस दोअ्हि,''गुरुज्यु,द्याङ्गेलाइ कोरपाङ हि,कालाउ इम्बालाइ नासिहेङ धाकालाइतेङ हि | 46 कालाउबुङ येसु:दोअ्हि,''हासुबुङ कासिहेङ साइहि,का काङ्कोसो सरबुङ उल्लितेङ हानिका थाहा गिघा | 47 जेलाउ ताइमि म्होतेङ हिलि मादोका जेङ्हि गोताङ काथा थाहा निङ्तेङ उङ्को बेबाल फिरकाताङ लोहि,कालाउ वाको आगाता तुघुरतेङ सेउपाहि | कालाउ हाइपालि वा वासिहेङ साइहि,कालाउ हेसा ओदोङ्घुरि एल्हि,इङ्को गोताङ द्याङ्गेलाइको आगाता दोअ्पिहि | 48 येसु:उङको बेबालहेङ दोअ्हि,''काङ्को चामिन्दि,नाङ्को खान्धुरि होइ ना एल्का हिना,सान्तिसो हाने |'' 49 जेलाउ येसु:काथा पाकाताङ हिघाहि चाउघारा साको सासकको सासो एअ्मि द्याङ इन्ता लोहि,कालाउ दोअ्हि,''नाङ्को चामिन्दि सि:होइ | गुरुहेङ दुःख मापि | 50 येसु:उङको काथा हिङ्हि कालाउ वा याइरसहेङ दोअ्हि |''माथि! खिनिङ खान्धुरि पा कालाउ नाङ्को चामिन्दि एल्लाङ |'' 51 येसु:इङ्को साता हानिहि,वा ताइको दोफा पतरस,यु:हान्ना,याकुब: कालाउ बेजानको आबा कालाउ आमाइहेङ लिता चुम्पुहि |वा आरुगेलाइहेङ लिता दुल्लि मापिहि | 52 झाराङ द्याङ्गेलाइ उङ्को बेजान सि:काता झाराङ खारतेङ हिघाहि | कालाउ येसु:दोअ्हि,माखारसु ,उङ्को सि:का मान्थु, वाते जिम्तेङ हि | 53 द्याङ्गेलाइ येसु:कोकाथा हिङ्तेङ लेङ्लि तेङ्हि हाइपालिपानु उङ्को को बेजान सिलि दोफा हिका इम्बालाइहेङ थाहा हिघाहि | 54 जेलाउ येसु:उङ्को बेजानहेङ खुरचातेङ दोअ्हि,''म्हुइका चामिन्दि,ल्हो !'' 55 वाको जिउ आरुङ घुरितेङ लोहि,कालाउ उङको जाखारु जुखुरुपा ल्होहि | कालाउ येसु:दोअ्हि;''यासिहेङ हाइदोङ चालि पिसु |'' 56 उङको बेजानको आबा-आमाइ भारबुसाइहि | वा उङको घातानाको बारेता ओबालाइहेङ हासुहेङ बुङ मादोअ्सु दोतेङ आदेस पिहि |