यूहन्ना को प्रकासित वाक्य
प्रकासित वाक्य
पोथी को परिचय
यूहन्ना को प्रकासित वाक्य असी टेम मं लख्यो गियो छ जद्या मसी बस्वास्या न्अ वांका बस्वास की बजेसुं सतायो जार्यो छो। ईसु मसी प्अ परबु अर मालिक का रूप मं बस्वास करबा की बजेसुं। ई कागद न्अ माण्ढबाळा की चंता की खास बजे उंका पढ़बाळा मं आस अर हिम्मत की थरचा बन्धाबो अर वां सुं या अरदास करबो छ क, अस्या दुख अर सताव मं बस्वास योग्य बण्या रेवे। ई कताब मं घणाई भाग दर्सण अर खुलासा का रूप मं छ, जिन्अ असारा मं बतायो गियो छ। ज्यो, उं टेम का मसी बस्वासी मनखा क समझ मं आगी छी, पण दूसरा मनखा बेई यो बेम ई बण्यो रियो। जस्यान भजन की धुन होव्अ छ, वस्यानई ई कताब की बाता अलग-अलग तरीका सुं दर्सण की बाता सुं बार-बार बताई जाव्अ छ। पण ई कताब का पूरा बखान का बारा मं अलग-अलग मत छ, फेर बी खास बात पक्की छ क, परमेसर परबु ईसु आपणा सबळा दुस्मना न्अ, ज्यांम्अ सेतान बी छ अर उन्अ हमेसा बेई हरा दियो। अर जद्या या जीत पूरी हो जाव्अली तो वो खुदका बस्वास योग्य मनखा न्अ नया आम्बर अर नई धरती की आसिस सुं भरयापुरा कर देव्अलो।
रूप-रेखा
भूमिका 1:1–8
सरूवात का दर्सण अर सात बस्वास्या की टोळ्यां न्अ कागद 1:9—3:22
सात मोहरां सुं बंधयो चामड़ा को कागद 4:1—8:1
सात नरसिंगा 8:2—11:19
अजगर अर दो जन्दावर 12:1—13:18
दूसरा दर्सण 14:1—15:8
परमेसर का रोस का सात प्याला 16:1–21
बेबीलोन को नास अर जन्दावर, परमेसर का ओड़ी सुं झूंट बोलबाळा अर सेतान की हार 17:1—20:10
आखरी न्याय 20:11–15
नयो आम्बर, नई धरती अर नयो यरूसलेम 21:1—22:5
आखरी बाता 22:6–21