मसी मं नयी जन्दगी
3
1 क्युं क थे मसी की लारा आत्मा मं पाछा जीवता कर्या गिया छो। ई बजेसुं परमेसर का राज की चीजान्अ हेरल्यो, जड़े परमेसर की जीवणी-बगल मं मसी बेठ्यो छ। 2 थांको मन संसार की चीजा माळ्अ नही पण परमेसर का राज की चीजा माळ्अ लगाओ। 3 क्युं क थांको पराणो सुभाव मरग्यो अर थांकी नुई जन्दगी मसी की लार परमेसर मं लुखेड़ी छ। 4 ज्दया मसी, ज्यो थांकी जन्दगी छ, परगट कर्यो जावेलो तो थे बी बीकी लारा बीकी महमा मं परगट कर्या जावला।पराणी अर नुई जन्दगी
5 जिसुं थे ज्योबी संसार की बाता छ वान्अ थाम्अ सुं मारद्यो, ज्यो ये छ; वेभिचार, अपवितरता, वासना, बरी मन्सा अर लालच। लालच मूर्ति पूजबा क बराबर छ। 6 यांई बाता की बजेसुं परमेसर को रोष बीकी आज्ञा कोन मानबाळा माळ्अ परगट होव छ। 7 जद्या थे बी बराई का काम करता होया वा दना मं जन्दगी जीव्अ छा।
8 पण अब थे या सबळी बाता की लार कड़वाहट, रोष, गुस्सो, गाळी बकबो, अर गन्दी बाणी सुं पाण्डो छुड़ाल्यो। 9 aएक-दूसरा सुं झूंट मत बोलो क्युं क थे खुदका पराणा सुभाव न्अ बीका कामा की लार उतार'र, 10 bनया सुभाव न्अ धारण कर लियाज्यो सबळा ज्ञान मं खुदका बणाबाळा परमेसर का रूप की जस्यान नयो होतो जार्यो छ। 11 नतिजो यो छ, अब ज्यो मसी मं यहूदी या फेर गेर यहूदी, खतना करेड़ा या फेर खतना कोन करेड़ा, जंगळी सुभाव का या फेर बना लखणाळा, दास या फेर आजाद मं कोई भेद कोन्अ रियो। वे सब मसी मं छ अर वोई सबळा बस्वास्या मं छ।
मसी मं आपसरी को परेम
12 cक्युं क थे परमेसर का चुणेड़ा पवितर अर प्यारा मनख छो, जिसुं थे तरस, दीया, नरमाई, सज्जनता अर थरचा राखबा न्अ धारण करल्यो। 13 dएक-दूसरा न्अ सेन करल्यो अर कोई का बारा मं ओळमो होवे तो बिन्अ छमा करद्यो। जस्यान परबु थान्अ छमा कर्यो छ, वस्यानई थान्अ बी छमा करणी चायजे। 14 या बाता की लार परेम न्अ जोड़ल्यो ज्यो सबळा न्अ बना टुटबाळा गठजोड़ मं बांध्अ छ। 15 परमेसर थान्अ एक काया मं मसी सुं मलबाळी सांति बेई बलायो छ। ई सांति न्अ थांका मन मं राज करबाद्यो। सदाई धन्यवाद करता रेवो।
16 eमसी का सन्देस न्अ थांका हरदा मं भरपुरी सुं बसबा द्यो। पूरी समझ की लार एक-दूसरा न्अ सखावो अर चेताओ। परमेसर का भजन, महमा का गीत अर आत्मिक गीत धन्यवाद की लार गाता रेवो। 17 हर बगत पिता परमेसर न्अ धन्यवाद देता होया बचन अर करम सुं ज्योबी करो वो सब परबु ईसु का नांऊ सुं करो।
नुई जन्दगी का निम
18 fओ लुगायाओ, खुदका घरहाळा का खिया मं रेवो। जस्यान परबु का लोगा बेई चोखो लाग्अ छ।
19 gओ घरहाळाओ, खुदकी लुगाई सुं परेम रांखो। वांकी लार बरो बेवार मत करो।
20 hओ बाळकओ, सबळी बाता म खुदका माई-बाप की आज्ञा मानो। क्युं क इसुं परबु राजी होव्अ छ।
21 iओ माई-बापओ, खुदका बाळका न्अ आकता मत करो। कढी अस्यान कोन हो जाव्अ क वे जोरी करबोई छोड़दे।
22 jओ दासओ, थांका संसार का मालिक की सबळी बाता मानो। लोगबागा न्अ राजी करबा बेई जद्या वे देखता होव्अ उं बगत'ई नही पण सांचा मन सुं वांकी मानो क्युं क थे परबु को आदर करो छो। 23 थे ज्योबी करो मनखा न्अ नही पण परमेसर न्अ राजी करबा बेई मन लगार करो। 24 याद रांखो परबु बीकी खुदकी परजा बेई ज्यो ईनाम रांख मेल्यो छ वो थान्अ देव्अलो, क्युं क मसी थांको सांचो मालिक छ। 25 kक्युं क ज्यो बरो काम करअलो, उन्अ बीकी बराई को फळ मल्अलो क्युं क बड़्अ कोई दुब्यात कोन्अ।