4
1 bओ मालिकओ, थांका हाळ्या की लार चोखो अर न्याय सुं बुवार करो। थे या याद रांखो क परमेसर का राज मं थांको बी मालिकa छ।पौलुस की बस्वास्या न्अ राय
2 परमेसर को धन्यवाद करता होया, सावचेत होर चतमन सुं परातना करता रेवो। 3 बीकी लार म्हाक्अ बेई बी परातना करो, क परमेसर म्हान्अ मसी सुं जुड़या राज का बारा मं बताबाळा बीका संदेस न्अ परचार करबा को मोको देव्अ, परचार करबा की बजे सुंई म जैळ मं छु। 4 अर म्हारअ बेई बी परातना करो क जस्यान मन्अ बताणी चायजे, बियान् म ईन्अ साफ-साफ बता सकुं।
5 cसबळा मोका न्अ चोखा काम मं लेता होया ज्यो बस्वास्या की टोळी को कोन्अ वा मनखा की लार समझदारी सुं बेवार करो। 6 थांकी बाणी सदा दीयावान अर मीठी होव्अ जिसुं थे जाण सको क हरेक मनख न्अ कस्यान जुवाब देणी छ।
आखरी नमस्कार
7 deआपणो प्यारो भाई अर बस्वास करबा जस्यान को दास, तुखिकुस ज्यो परबु का काम मं म्हारी लारा सेवा करबाळो छ, म्हारा बारा मं सबळा समचार थान्अ बता देव्अलो। 8 म उन्अ थां कन्अ जिसुं खन्दार्यो छु क थान्अ उसुं म्हाका सबळा हालचाल को तोल पड़जाव्अ वो थांका हीया मं जोस भर देव्अलो। 9 fम खुदका बस्वासी अर प्यारा भाई उनेसिमुस न्अ बी उंकी लार खन्दार्यो छु ज्यो थाम्अ सुं एक छ। अण्डअ ज्यो हेर्यो छ वे थान्अ बतावला।
10 gअरिस्तर्खुस ज्यो म्हारी लार जैळखाना मं रियो छ उंको अर बरनबास का भाई मरकुस को थान्अ नमस्कार। मरकुस का बारा मं थान्अ पेलीसुंई खबर मलगी छी क जद्या वो थां कन्अ आव्अ तो थे उंकी आवभगत करज्यो। 11 यूसतुस खुवाबाळा यहोसू को बी थान्अ नमस्कार मल्अ। यहूदी बस्वास्या मं बस येई तीन लोग म्हारी लार परमेसर का राज बेई काम करर्या छ। ये म्हारा राजी होबा की बजे छ।
12 hइपफ्रास को बी थान्अ नमस्कार मल्अ। वो थाम्अ सुं एक छ अर मसी ईसु को सेवा करबाळो छ। वो हमेसा मन लगार घणी मेनत सुं थांक्अ बेई परमेसर सुं परातना करअ छ क थे पाका बणर पूरा बस्वास की लार परमेसर की मन्सा की जस्यानका बण्यारेवो। 13 म ईको गुवा छु क वो थांक्अ बेई अर लौदीकिया सहर अर हियरापुलिस सहर मं रेबाळा बेई घणी मेनत करअ छ। 14 iप्यारो डाक्टर लूको अर देमास थान्अ नमस्कार खेव्अ छ।
15 लौदीकिया नगर मं रेबाळा भाया न्अ अर नुमफास न्अ अर उं बस्वास्या की टोळी न्अ ज्यो उंका घर मं भेळा होव्अ छ, नमस्कार।
16 अर देखो, कागद जद्या थांक्अ साम्अ बाच्यो जा चुक्अ तो ई बात को नरणो कर लिज्यो क ईन्अ लौदीकिया नगर का बस्वास्या की टोळी मं बी बचवायो जाव्अ। अर लौदीकिया नगर सुं ज्यो कागद थान्अ मल्अ, उन्अ थे बी बांच लिज्यो। 17 jअर फेर अखिप्पुस न्अ खिज्यो क वो ई बात को चेत रखाण्अ क परबु मं ज्यो सेवा उन्अ सुंपी गई छ, वो उन्अ जरूर पूरो करअ।
18 म पौलुस खुद म्हारी कलम सुं थान्अ यो नमस्कार माण्ढ़र्यो छु। याद रखाणज्यो म काळ कोटड़ी मं छु। परमेसर की दीया थांकी लारा रेव्अ। अस्यान'ई होव्अ!