गलातियों परदेस का बस्वास्या की टोळी क नांऊ पौलुस को कागद
गलातियों
पौथी को परिचय
जद्या परबु ईसु को चोखो समचार गेर यहूदया म सुणायो गियो अर वे उन्अ मान बी लिया, जद्या यो सुवाल उठ्यो क नया बस्वास्या न्अ एक सांचो मसी बणबा बेई मूसा की बेवस्था न्अ मानणो चायजे या फेर कोन मानणो चायजे। पौलुस ई सुवाल प घणी गेराई सुं सला-मसोरो करअ छ अर खेव्अ छ क यो जरूरी कोन्अ। मसी म जीवन को आधार बस्वास छ, जिसुं लोगबाग परमेसर सुं फेरू मेळजोळ कर। ज्यो मनख बस्वास करअ छ, वे परमेसर की नजरा म धरमी ठेरअ छ।
एसिया महाद्वीप मं एक परदेस छो गलातिया। यो रोम राज क माईन्अ छो। अण्डअ एकात कलीसिया छी, जण्ढ्अ बारे सुं अस्या परचार करबाळा आया ज्यो चोखा समचार की आजादी को बिरोध करअ छा, अर बस्वास्या न्अ या सखाव छा क परमेसर सुं मेळजोळ करबा बेई, बीकी नजरा म धरमी होबा बेई मूसा की बेवस्था न्अ मानबो जरूरी छ।
बेवस्था की गुलामी का बारा म ई गलत सक्ष्या की बजेसुं गैरयहूदी नया मसीही ढुलग्या छा। या डुलेड़ा मसीया न्अ सांचा बस्वास अर धरम का चाल-चलण म पाछा ल्याबा बेई पौलुस यो “गलातिया परदेस की बस्वास्या की टोळी क नांऊ कागद” माण्ढ्यो छो।
रूप-रेखा
भूमिका 1:1–10
पौलुस को प्रेरित को अधिकार 1:11—2:21
परमेसर की दीया को चोखो समचार 3:1—4:31
मसी आजादी अर जुम्मेवारी 5:1—6:10
उपसंहार 5:11–18