Yoona
Obhukangati
Yoona yaaringa omurooti wa OMUKURU okurwa mukyaro kya Isiraeri. Weeki yaaringa omwana wa Amitai wa erikabhira rinú ryabhirikirwanga ega, Jabhuroni. Yaaringa-ho eribhaga rinú Yerobhoamu wa kabhiri yaaringa omukama wa ekyaro kya Isiraeri ya taragweta (maaha mukitabho kya 2 Abhakama 14:25). Kwa eribhaga eritambi, ekyaro kya Asiria kyaringa omusigu na ekyaro kya Isiraeri ya taragweta. Nho, Waryubha akamutuma Yoona okugya mumugi omunene gwa mukyaro kya Asiria, gunú gwabhirikirwanga ega, Ninaawi. Kwa okubha abhantu bharya bhaaringa m-basarya, weeki akagya okubhakaanʼya. Ekitabho kinu, kiratwihigirya ega, eriruguto rya Waryubha ni-rya amakabhira gonsego. Kweki kiratwihigirya ega, eringʼana rinú Waryubha aseemerye, ritakuribhirwa na omuntu. Kubhwambiro Yoona yaanga eringʼana rya Waryubha, nawe kubhuteero yaatumwa akagya na okukora kya ego, Waryubha yeendanga. Hanú yaaringa eyo, Yoona yaajima bhukongʼu, kwa okubha Waryubha yaabhaabhira abhantu bha Ninaawi bhanú bhaaringa abhasigu bha ekyaro kya Isiraeri.