Orwibhuro rwa Esau
36
Runu ndo orwibhuro rwa Esau,
unú yaabhirikirwanga Edomu.
2 Esau yaateta abhakari bha mukyaro kya Kanaani,
amariina gaabho gaaringa,
Ada,
Ohoribhama na Bhasemati.
Ada,
yaaringa omuhara wa Eroni,
wa erikabhira ya Abhahiti.
Ohoribhama,
yaaringa omuhara wa Ana na omwijukuru wa Sibheoni wa erikabhira ya Abhahibhi.
3 Bhasemati,
yaaringa omuhara wa Ishimaeri,
na yaaringa omuhara waabho Nebhayoti.
4 Ada akeebhurira Esau Erifaasi.
Bhasemati wonse,
yaamwibhurira Reweri.
5 Ohoribhama weeki yeebhura abhaana abhasatu,
Yeushi,
Yaramu na Koora.
Bhayo bhonsego mbo abhaana bha Esau bhanú bheebhurirwa mukyaro kya Kanaani.
6 Kimwi,
Esau akagega abhakari bhaaye bhonsego,
abhaana bhaaye,
bha ekimura na abha ekikari,
na abhantu bhonsego bha iika owaaye.
Akagega na egintugo gyaye gyonsego,
na kira ekintu kinú yaaringa anyooreri mukyaro kya Kanaani,
akangʼanyira mukyaro ekindi kinú kyaringa ahare na omuhiiri waaye Yakobho.
7 Yaangʼaanya kwa okubha etakaaturikeeni okwikara hamwi,
okuringʼaana na obhwaru bhwa ebhintu bhyabho.
Ekyaro kinú bhaaringa bhamenyeri kya abhageni,
kitaabhesa bhonsego okuringʼaana na obhwaru bhwa egintugo gyabho.
8 Kwa ego,
Esau akagya okumenya munkuku gya mukyaro kya Seiri.
Esau eriina erindi ngʼo Edomu.
9 Runu ndo orwibhuro rwa Esau,
esewaabho Abhaedomu,
abhamenyi bha munkuku gya mukyaro kya Seiri.
10 Abhaana bha Esau bhaaringa Erifaasi,
unú yeebhurwa na Ada,
omukari wa Esau,
na Reweri,
unú yeebhurwa na Bhasemati omukari waaye oundi.
11 Amariina ga abhamura bha Erifaasi,
n-ganu Temani,
Omari,
Sefo,
Gatamu na Kenasi.
12 Erifaasi yaaringa na omumeega,
eriina ryaye yaabhirikirwanga Timuna.
Akamwibhurira omwana wa ekimura,
eriina ryaye yaabhirikirwanga Amareki.
Bhayo mbo abheejukuru bha Esau,
kumukari waaye Ada.
13 Abhaana bha Reweri,
bhaaringa Nahati,
Jeera,
Shama na Mija.
Bhayo mbo abheejukuru bha Esau kumukari waaye Bhasemati.
14 Ohoribhama omukari wa Esau,
yaamwibhurira abhamura abhasatu,
amariina gaabho gaaringa,
Yeushi,
Yaramu na Koora.
Oribhama uyo,
yaaringa omuhara wa Ana,
na omwijukuru wa Sibheoni.
15 Abhatungi okurwa murwibhuro rwa Esau,
bhaaringa bhanu,
Erifaasi unú yaaringa omutangi,
weeki yaaringa jaaji waabho Temani,
Omari,
Sefo,
Kenasi,
16 Koora,
Gatamu na Amareki.
Kira oumwi waabho,
yaaringa omutungi,
mukyaro kya Edomu,
na bhayo bhonsego mbo abhaana bha Erifaasi,
omumura wa Ada.
17 Abhaana bha Reweri omwana wa Esau bhaaringa Nahati,
Jeera,
Shama na Mija.
Kira oumwi waabho,
yaaringa omutungi wa ekyaro Edomu.
Bhayo bhonsego mbo abhaana bha Reweri omumura wa Bhasemati.
18 Abhaana bha Ohoribhama omukari wa Esau,
mbo Yeushi,
Yaramu na Koora.
Kira oumwi waabho,
yaaringa omutungi wa ekyaro kyaye.
Bhayo bhonsego mbo bhaaringa abhaana bha Ohoribhama,
omuhara wa Ana.
19 Mbe,
bhayo bhonsego mbo orwibhuro rwa Esau,
eriina erindi Edomu.
Kira oumwi yaaringa omutungi wa ekyaro kyaye.
Orwibhuro rwa Seiri
20 Orwibhuro rwa Seiri,
wa erikabhira rya Abhahoori,
abhamenyi bha mukyaro kya Edomu,
m-banu,
Rotani,
Shobhari,
Sibheoni,
Ana,
21 Dishoni,
Eseri na Dishani.
Kira oumwi,
yaaringa omutungi wa egihamati gyaye,
gati ya Abhahoori bha orwibhuro rwa Seiri,
mukyaro kya Edomu.
22 Abhaana bha Rotani,
bhaaringa Hoori na Hemamu.
Omuhara waabho Rotani yaabhirikirwanga Timuna.
23 Abhaana bha Shobhari bhaaringa,
Arufaani,
Manahati,
Ebhari,
Shefo na Onamu.
24 Abhaana bha Sibheoni bhaaringa,
Aya na Ana.
Ana ngʼo yaarora ekisekaani kya amanji ga omururo,
eribhaga yaaringa arariisya egintikiri gya Sibheoni,
esewaabho.
25 Abhaana bha Ana bhaaringa,
Dishoni na omuhara waabho Ohoribhama.
26 Abhaana bha Dishoni bhaaringa,
Hemudaani,
Eshibhani,
Itirani na Kerani.
27 Abhaana bha Eseri bhaaringa,
Bhirihani,
Jawani na Akani.
28 Abhaana bha Dishani bhaaringa Usi na Arani.
29 Abhatungi bha Abhahoori bhaaringa bhanu,
Rotani,
Shobhari,
Sibheoni,
Ana,
30 Dishoni,
Eseri na Dishani.
Mbe,
kira oumwi yaaringa omutungi wa ehamati yaaye mukyaro kya Seiri.
Abhakama bha ekyaro kya Edomu
31 Eribhaga Abhaisiraeri bhaaringa bhakyari okutungwa na omukama wowonse,
abhakama bha Edomu bhaaringa bhanu,
32 Bheera omwana wa Bheori.
Weeki yaaringa amenyeri mumugi gwa Dinihabha.
33 Hanú yaakwa,
Yobhabhu omwana wa Jeera,
okurwa mumugi gwa Bhosira,
akagega omweya gwaye gwa obhutungi.
34 Hanú uyo wonse yaakwa,
Hushamu wa mukyaro kya Abhatemani,
akagega omweya gwaye.
35 Hanú uyo wonse yaakwa,
Hadadi omwana wa Bhedadi akagega omweya gwaye.
Hadadi yaaringa amenyeri mumugi gwa Abhiti.
Akarwanʼya na okubhahiga Abhamidiani mukyaro kya Moabhu.
36 Hanú uyo wonse yaakwa,
Samura okurwa mumugi gwa Masireka,
akagega omweya gwaye.
37 Hanú uyo wonse yaakwa,
Shauri okurwa mumugi gwa Rehobhoti,
gunú gwaringa haangʼi na oruuji rwa Efurate,
akagega omweya gwaye.
38 Hanú uyo wonse yaakwa,
Bhaari-Hanani omwana wa Akibhoori,
akagega omweya gwaye.
39 Hanú uyo wonse yaakwa,
Hadari akagega omweya gwaye.
Weeki yaaringa amenyeri mumugi gwa Pau,
na omukari waaye yaabhirikirwanga Mehetabheri,
omuhara wa Matiredi,
omwijukuru wa Majahaabhu.
40 Abhatungi bha egihamati gya Esau,
okuringʼaana na ebhiseku na ebhyaro bhyabho,
m-banu.
Timuna,
Aribha,
Yeteti,
41 Ohoribhama,
Era,
Pinoni,
42 Kenasi,
Temani,
Mibhisari,
43 Magideri na Iramu.
Mbe,
bhayo mbo bhaaringa abhatungi bha egihamati ginú gyeebhuka Edomu.
Bhonsego bhaabhirikirwa okuringʼaana na obhumenyi bhwabho,
na ebhyaro bhinú bhaaringa bharatunga.
Na Edomu ngʼo Esau,
esewaabho Abhaedomu.