1 Tesalonicenses
Nabena karta Pabloba b̶ʉd̶a ãbarã Tesalónica puurud̶ebenarã baita
Pablo Tesalónica puurud̶aa naa wãd̶a ʉ̃rʉbena b̶ʉ kub̶uu Hechos 17:1-10. Tesalonicad̶ebena Berea puurud̶aa wãsii. Mamabena Atenas puurud̶aa wãsii. Aria b̶uud̶e Timoteo waya Tesalonicad̶aa bʉisii. Maud̶e Pablo Corinto puurud̶aa wãsii. Tesalonicad̶ebena Timoteo, Silvano ome Pablomaa wãsid̶au. Ãbarã Tesalonicad̶ebena nebʉrʉped̶aad̶ad̶eeba Pabloba nau nabena karta chi Tesalonicad̶ebena ãbarã baita b̶ʉsii. Año 51 Corinto puurud̶ebena urubʉisii.
Nau nabena kartad̶e Pabloba chi ãbarã baita Dachi Akõremaa ichíturu kid̶ibai asii (1:1-10). Mawãare kĩrababisii maarã tãed̶e biꞌia nibad̶a (2:1-16). Mawãare b̶ʉsii maarã ichiad̶e wã kʉ̃ria b̶uu ʉ̃rʉbena, maarãd̶e kʉ̃risia b̶uud̶eeba (2:17—3:5). Mawãare b̶ʉsii Timoteoba maarã biꞌia jarad̶a ʉ̃rʉbena (3:6-13). Mawãare b̶ʉsii chi ãbarã saka nibad̶ai panuu (4:1-12). Mawãare b̶ʉsii Cristo neei ʉ̃rʉbena (4:13—5:11). Pabloba ãbarã baita chi kaad̶e b̶ʉd̶a 5:12-28 b̶uu.