Colosenses
Karta Pabloba b̶ʉd̶a ãbarã Colosa puurud̶ebenarã baita
Dachiba kʉ̃risia panuu año 60 Pablo jʉ̃a b̶uasiid̶e Roma puurud̶e, nau karta b̶ʉsii. Karta Filemonmaa urubʉisiid̶e, nau karta sid̶a urubʉisii ãbarã Colosad̶e nureerãba maud̶e Laodicead̶e nureerãba ed̶a jarad̶amera (4:16).
Pablo Colosad̶aa wãka basii (2:1). Epafrasba naed̶e bed̶ea bia Jesús ʉ̃rʉbena jarad̶e wãsii (1:5-7). Ãbarã Colosad̶e, Laodicead̶e, Hierapolisd̶e nureerãmaa jaradea b̶uabachii (4:12-13). Maarã puuru arab̶au druad̶e panasid̶au.
Epafras b̶uasiid̶e waabenarãba kʉ̃risia ãyaa kʉ̃risia kopaneesid̶au. Waabenarãba Dachi Akõremaa biꞌia kʉ̃riad̶ai bad̶amaarã angelerã́turu biꞌia kʉ̃riabachid̶au. Waabenarãba jarabachid̶au ab̶auba ãchiba jaradeabadau ijãaruubʉrã kachirua wauwẽa b̶uai. Mau baita Epafrasba Pablomaa jarad̶e wãsii. Pabloba nau karta b̶ʉsii ãbarãba setaa ijãarãad̶amera maud̶e Jesucristo chi mechiu nii kuitaad̶amera (1:15-23; 2:6-23). Mau awara Pabloba nau kartad̶e b̶ʉsii, ãbarã aid̶ai baita (1:24—2:5). Mawãare b̶ʉsii ãbarã saka nibad̶ai panuu (3:1—4:6). Ãbarã baita kaad̶eare b̶ʉd̶a 4:7-18 b̶uu.