Bischiase Dhaba Dena
12
Amar seropala megsagor dogkie edukkun sei theie agon hinottei, amare dori ragaidie prottiek gourani, ar pabpani jienie amare sohoje dhoregi, sieni amio ek huredi thoi. Amar mujungedi thoi die dumuro-dumuriganot ega mone dumuri. 2 Amar bischiaschanor gorabuo ar thuman, Jisure seinei dumuri. Tar mujungedi thoidie hujhigan seinei the kroschan suei roie, lajchan hitchu mone no gore, ar ikkie the Itchioror singasonano denedi bojilogoi.Itchiore Sajon Gore
3 Haron adikkie tumi ageie oinei tomar ontorot sahoj neie awh bili tar nijor biruddie pabigunor sottruganit the gaisuei roiede sien bhabi sawh.
4 Pabor biruddie tumi judduo goror, ejo song lo phelei denagan badha no duo. 5 Puore hoi para uschoni tuli die hodagan tumi puri phelluo. The hoie,
"Oh put, PROBUIE sasti gorede sien obohela no goris. The Aw-hoda hole monot dug no goris.
6 Haron PROBUIE jare hos pai, the tare shabodanot ragai. gore. Ar tar puogun the jigun gojhiloi sigun the shabodan gore."
7 Tumi judi shabodan goranagan gaisuei thago, Itchiore tomare puo dogkie gori bebohar goribuo. Haron babe puobuore shabodan no goribuo ni na? 8 Hintu tumi judi shabodanan no peie gori thago, jien Itchioror beg puogune bhag pebar age, salen tumi jarbuo puo, shodor puo noi. 9 Ei baraio, amar munischioro bab agon jigune amare shabodan goron, ar ami tharare sorman gori. Aptar Babpunore ami hujhie tar tole no porinei no thebong ni na? 10 Haron hamakkai thara amare hoiek din sasti denagan tharattei uttom dega jai. Hintu amar labottei, jene ami tar pobitrogan bhag peie oi para Itchiore amare sasti de. 11 Ar huno shabodanot bortomane hujhi obar noi. Hintu bana phirie. Tobuio, porendi dharmigkanor shantir pholluo tharar doribo, jigune shabodan gora oi.
Aptar Bolani Nuo Goro
12 Senottei, tomar dhulo-dhulo adtani alok goro, ar tomar durbol adugun uju goro. 13 Leng thengani no bijittie gori gom oi para, tomar thenganittei podtani uju goro.
14 Beg manuschundoi shanti ar pobitrogan loreio. Pobitrogan sara huno jone Probure degidak noi. 15 Adikkie huno jone Itchioro doyeganot no lungibakkoi, uijkare seio. Ar adikkie tidie hodar goragan udinei jagulug udi pare, ar siendoi onek jone borbat oi paron. 16 Adikkie shanda gorie ar Esau dogkie jagotik manus obak. The ek sas bhadottei tar jormo odhiharan beschie. 17 Haron tumi hobor po, porendi the jokkene asirbadtan odhiharo sompotti ijebe seinei, tare phirei die no oi. The sogo pani phelei phelei mono dug gorilieo tar sujuk nei.
18 Haron, tumi je mounnuo agundoi anger, dori para jai, andhar, hala ar bor boier baide jaganot no ejo. 19 Sei mounnuot begolo ro ar hoda ro suno jai. Jigune sien sunon, hoda robuo no eje para thara hujoli goron. 20 (Haron ugum die oiede sien thara suei no paron. Uguman olode, "Ar judio aro ekkuo jonture mounnuo dhore, sibie sil mela dinei bah, shelloi morei pelana." 21 Degte dor gore para hinottei, Mosi hoie, "Mui dore girgireiong."
22 Hintu tumi ejchuode mounnuo olode Zaion Mounnuo, jiot jeda Itchioro sohoran, sorgor Jerusaleman age, aro aw-gonito sorgo-dud lagot pei. 23 Siot dangor temmangan goron, ar sorgot nang legkie polim morodtunor mondolibuo lagot pelagi. Begkunore bijier gorede Itchiorbuo ar dharmig manuschunor aptagun puripunnuo oiegun siot lagot pelagi. 24 Siot nuo niomanor mil goridiebuo Jisure lagot pelagi. Abelor loganottun bes uttom lo shididiegan hoidie siot tumi ejchuo.
Sorgottun Ejede Robuo Suno
25 Hoda hoidie Sibiere gojhi no lo bili seio. Haron pittimit hoda hoiebuore judi manjie no gojhinei sastigan sari paron, sorgottun hoda hoidie Sibiettun judi ami dhei jei, sittun bes hodin sastigan ami sari paribong ni? 26 Sei lokkene tar robuoloi the pittimigan jhagerei die, hintu ikkie the soittio dinei hor, "Aro ek bar mui bana pittimigan no jhagereim, hintu sorgoganio jhagereim." 27 "Aro ek bar" horte sien olode, jhagerei parede sieni the jhagereibo, ar the baneie jinijchani lareibartei jhagereibo, jene jhagerei no parede sieni thai para.