Ujuluona
13
Bheior dogkie eksottie doye gora-gori gorsio. 2 Gorbare lobiot gorana puri no phellio. Haron sedogkie lobiot gorte hobor no peie gori sorgo-dud lobiot gora jai. 3 Tumio jiel-hanat agode dogkie gori, jiel-hanat agonde sigunore monot rageio. Ek heyet agode dogkie gori, dugot pori agonde sigunoreo monot rageio.4 Lo-li onagan begkune sorman gortok, ar bischonan aw-pobitro no gortok. Haron shanda ar biebijier goriegunore Itchiore bijier goribuo. 5 Tengad lubbo no gorsio. Tomartun jien age siendoi hujhi oio. Haron Itchiore nije hoie,
"Mui tore huno din phelei no jeim ar no sarim."
6 Senottei, ami sahoj gori hoi pari,
"PROBU olode more sahajjio gorie, mui no dorem. Manjie more hi gori paribak?"
7 Tomare Itchioro hoda hoi duonde tomar sei murubbigunore monot rageio. Tharar sal-solonani sintie gorinei, tharar bischiaschanor leik adeio. 8 Jisu Kristo olode agendi, ikkie ar porendio jei ekkui.
9 Aw-sin ar oinnio annio sigkieloi bhokkol no oio. Haron haba-dabar sombonde mon dinei thande sigunottei bhade lab no dede sieni no gorinei, monan doyeloi shokto gorana gom. 10 Amar ekkan pallieng age. Pobitro jaganot ham goronde dhormothagurune siottun hebar odhihar nei.
11 Moharajguruthagurbuoi Pobitro Jaganot logani ananar porendi poshugunor heyegani hembor barendi puri pela oi. 12 Thik sedogkie gori, Jisuio tar nijor loloi manuschunore pobitro goribartei sohoro girieganor barendi hosto peiegoi. 13 Senottei, ami hembor barendi tar aw-sormanan buginei tar sidu jei. 14 Haron idu amar siro jibonio sohor nei, hintu ebode sohoran ami togeir.
15 Senottei, tar darai eksottie Itchiorore amar bainigan dali ijebe gojei. Sien olode amar muonor hodar pholluo, tar nanganot hujhi hoda honagan. 16 Hintu gom ham gorana ar bhag diedi gorana puri no phelluo. Haron Itchiore sienit hujhi oi.
17 Tomar murubbigunor hoda dorsio ar niroit oio. Haron thara tomar aptagun seresta gori duon ar sigune Itchioro sidu ijeb di pebak. Thara sieni tomartei bejare no gorinei, hujhi gori duon para. Haron bejare gorilie tomartei lab nei.
18 Amattei bor magi duo. Haron amar gom idie-it pebar gome hobor pei, ar je huno iet sormanio gori thebar dhap. 19 Mui tomar idu jhadi gori aro ebartei, mortei bor magi dibartei mui tomare bes gori hujoli gorongor.
20 Amar Probu Jisu, bera-shagolunor Dangor bera-shagol soreibuore morattun jiei tulliede shanti Itchiore ononto suktiganor logan darai, 21 tumi tar ischiegan pureibartei the tomar iot tar hujhittei tomare prottiek gom hamot puripunnuo gorog. Jisu Kristor darai tar umore-umor baini ok. Amen. 22 Bheilog, mui tomare hujoli gorongor, mui badhi gori legilung hinottei, mui tomare ujuluongotte sien hando gorsio. 23 Amar bhei Timothi halas oie bili hobor peio. The jhadi ele mui tarloi tomar idu eim.
24 Tomar beg murubbigunore ar beg sadhu manuschunore salam janeio. Italy dejottun tomare salam janadon.
25 Doyegan tomar begkunor ugure thok. Amen.
Hebrews 4 4 5 Hebrews 5