Beg Bischiasor Darai
11
Bischiaschan olode asha goridie jinijchanir mulan, ar no degkie jinijchanir promanan.2 Haron Bischiasor darai agor borjonnune gom nang peion.
3 Bischiasor darai ami bujidie jei, songsarani Itchiore tar hodar darai sristi gorsie. Senottei, dega jaidie jinijchani dega jaidie jinijchanittun bana no oi.
Bischiasor Agor Itihas
4 Bischiasor darai Abele Kainottun bes uttom dali Itchiorore gojeie. Sienor darai the dharmig bili promanan peie. Itchiore tar dananor sombonde shakki der hinottei, the morilieio sienor darai ejosong hoda hor.
5 Enokor bischiaschanottei, the no more para, Itchiore tare tuli nejeie. Tare tuli neja oie hinottei tare suph pa no jai ar. Haron tare tuli nejeibar agendi manjie hon, "The Itchiorore hujhi gorsie." 6 Hintu bischiaschan bade Itchiorore hujhi gori bar sombob noi. Haron je Itchioro idu eje, Itchior age bili ar tare ega mone togeiegunore boksit de bili the hamakkai bischias gora poribo.
7 Noa huno din no degede sienor sombonde Itchiore tare uij die, ar the Itchiorore doreie. Bischiasor darai Noa ekkan bor jahaj banenei tar ghorbobuo rokkie gorsie. Sienor darai the songsaro manuschunore duji baneie, ar bischiaso doge dharmigkanor odhiharo sompotti ijebe peiebuo oie.
Abrahamor Bischias
8 Bischiasor darai Abrahame Itchioro hoda duoschie. Porendi ekkan jaga odhiharo sompotti ijebe lobartei tare daginei ja bajei die oie. Ar the hudu jar hobor no peie gori, the jeie. 9 Bischiasor darai, bi-deji dogkie gori soittio gorsie dejchanot the hoiek din roie. Isaak ar Jakob somot the tambul haboro ghorot roie. Isaakoi Jakobe olakke sei ekkui soittiogan tar loge odhiharo sompotti ijebe peiegun. 10 Haron tola-bola ekkan sohor the asha gori barsei elo, jien baneiebuo ar tulliebuo olode Itchiorbuo.
11 Bischiasor darai Saraio tar gorbhot puo jormeibar shokti peie. The dhuo pala ereiede oktot ekkuo puo phudeie. Haron the shokto gori the buji loiede jei, soittio dede sibie bischias-joggio. 12 Senottei Abrahame, mora manjiortun bes oineio, agajor jhagkuo thara dogkie ar sagoro paror horoli dogkie shagor aw-gonito bongso tartun jormo oion.
Sorgio Ashagan
13 Bischiaschandoi theinei ei manuschun begkun soittiogani no peie gori mori jeiondoi. Hintu tharattun durot gori thara deginei, nischoi gorinei sieni shokto gori thara dori roion. Pittimit thara olakke bi-deji ar tirtho jadtri bili thara haam heion. 14 Haron jigune ei hodagani hon, thara pang gori janei duonde jei thara ekkan thebar dej togan. 15 Ar jodepode gori, thara jei dejchanottun nigili ejchuon thara judi phiri jebar mone gortak, sei dejchanot phiri jei parilakkun. 16 Hintu ikkie thara ekkan uttom dej pebar dhap gorton, ar sien olode sorgo dejchan. Senottei, Itchiore tharattei ekkan sohor banedie hinottei, tharar Itchiorbuo bili hobartei Itchiore no lajai.
Purbo Puruschunor Hoda
17 Abrahamore porikkie gora oiede lokkene, Bischiasor darai the Isaakore dali dibartei nejeie. Ar jokkene the soittiogan peie, tar ekkuo gori puo sibie the dali dibartei nejeie. 18 Isaakor sombonde Itchiore hoie, "Isaakor darai tore bongso dim." 19 Abrahame bischias gorsiede Itchiore Isaakore morattuno jiei tuli paribo, jien the tulona ijebe tare gojhi loie.
20 Bischiasor darai Isaake Jakobore ar Esaure bhobisodor jinijchanir sombonde asirbad die.
21 Bischiasor darai Jakobe morette lokkene the Josebor puogunore jon bagene asirbad die. Ar tar ludigkuot abujinei the Itchioro sidu tobona gori di die.
22 Bischiasor darai Josebe morette lokkene, Israel manuschun Egypt dejottun ebagke sien ar tar aarunor sombonde the ugum die.
Mosir Bischiaschan
23 Bischiasor darai Mosi jormo oinei, rajar uguman no doreie gori tar bab-magune tare tin mas song lugei rageion. Haron thara degkuonde gurobuo doul.
24 Mosi dangor-digowl oinei, Bischiasor darai, tare Pharaor jhibuor puo honde sien the no mane. 25 Bidi jebode pabpanit anondo utchob no gorinei, Itchioro manuschunor loge hosto bhug goranagan the bei loie. 26 The poriskarigan seie hinottei, Egypt dejot dhon-sompotti alajhaganittun bes Kristor aw-sormanan the moillio mone gorsie.
27 Bischiasor darai, rajar rakkan no doreie gori the Egypt dejchan phelei ejchie. Haron no degede Sibiere the degkiede dogkie gori dhorjio dori roie. 28 Bischiasor darai Mosi Rokkie Utchob ar lo shidi dena paleie, jade jibe Egypt dejor manuschunor polim morod puogun more phelei dede sibie tharare dori no pare.
29 Bischiasor darai, suguno madidi jai para Israel manuschune Ranga Pani Sagoran par oi jeion. Hintu Egypt manuschun phuri jebar sesta gorinei, thara duppuon.
Bischiasor Darai Jittuon
30 Bischiasor darai, Jerikko sohoro giriegan sat dinsong ber denar porendi, bhangi porsie.
31 Bischiasor darai, beschie miliebuo Rahabi, guptosorunore jokkene shantie gojhi loie, Aw-bischiasigunor loge the no more.
32 Ar mui tomare hodog hodung ar? Haron Gidionor sombonde, Barakor sombonde, Samsonor sombonde, Jephtar sombonde, ar David dagir, Samuel dagir ar munigunor sombondeio hobar somoie no hulelo. 33 Thara Bischiasor darai rejjio jittuon, dharmig ham gorsion, soittiogani peion, singhogunor muoni bondo gori duon. 34 Thara agunot tejchan mari duon, jolkridor muottun sarsion. Thara bol neiettun boli oion, judduot sahoji oion, bi-deji soinniogunore lorei duon. 35 Miliegune tharar moragun aro jiei tulinei phirei peion. Oinnio bischiasigunore uddhar no gorinei hodin sasti duon, jene thara uttom jiei uduonagan pan para. 36 Ejosong ek dagire thatta gorona ar mugurona sastir porikkie peion. Ar ek dagire baninei jiel-hanat thoiondoi. 37 Sigunore sil mela duon. Tharare araloi hotta duon. Porikkie gorinei, horgoloi habi phellion. Thara sattok sara oinei, hosto pei-pei sasti bhug gori-gori, bera-shagolo sam ar shagolo sam uri pini ilie padare berei-berei roi peion. 38 Songsaro manuschunottei sei manuschun lak no elak. Thara moruobomit ar moununot berei berei roi peion. Thara madir hulongot ar gadot roi peion.