Kristor Daligan Ek barottei
10
Nioman olode gom jinij ebar agede sienir nomunagan. Sien ajol jinijor subhibuo noi. Hintu bojor ekkui dali dile io, sei daligune tobona goribartei ejonde sigunore huno din puripunnuo no gorai. 2 A no ole, thara dali dena bondo gorilakkun? Haron ekbar sudduo oinei tobona goriegunor pabor idie-ittan no thelun ar. Hintu sien sedogkie no oi. 3 Hintu sei daligun olakke tharar pabpani prottiek bojor monot rageibartei. 4 Haron damara gorur lo ar shagolunor loganie pabpani nejeibar sombob noi. 5 Senottei, Kristoi songsarot ejchiede lokkene the hoie,"Dali ar dan tortun mone no hoi. Hintu tui mortei ekkan heye jugolei duos.
6 Pabottei puri pelana dandoi ar daliloi tui hujhi no os.
7 Sebeden mui holung, 'Sa, mui lungilungi! Onek boiot mor sombonde lega oie, Oh Itchior, tor ischie doge goribartei mui ejchuong.' "
8 Hintu agendi the hoie, Niomo onusare die oiede daligunot "Dali ar dan, puri pelana dali, ar pabottei dananit tui hujhi no os ar moneio no hoi." 9 Sebeden the holo, "Oh Itchior, sa, tor ischie puron goribartei mui ejchuong." Jero soittiogan bojeibartei the poliman nejeibo. 10 Itchioror sei ischiegano doge Jisu Kristor heyegan ekkubare dali denar phole ami pobitro olong.
11 Beg dhormothagurune din bagene thieinei bar-bar dan goron. Hintu sienie huno din pab muson no gore. 12 Hintu ei Manuschuoi umore-umorottei ekbar pabottei dali dinei, Itchiorbuor denedi boji agegoi. 13 Siottun dhori tar sottrugun tar thengot tole thuo no oi song barsei age. 14 Haron ekkuo dalir darai pobitro gora otte sigunore umore-umorottei the puripunnuo goreilo. 15 The agendi hoiede doge, Pobitro Aptaio amare shakki dilo,
16 "PROBUIE polim holo, Sei dinunor porendi ei suktigan mui thararloi gorim. Tharar ontoranit mor niomani thoi di dim, ar tharar monanit mui sieni legim." 17 Porendi the aro holo, "Tharar pabpani ar tharar niom sara hamani mui monot no rageim ar." 18 Jiot ienittei hema age, siot pabottei dali die no pore.
Shokto Ashagan
19 Bheilog senottei, Jisur loganor darai Pobitrottun Pobitro Jaganot somibar amar sahoj age. 20 Nuo ar jibono podtano darai the amattei sudduo shanggo gorsie, sien olode pordaganodi, jien tar heyegan. 21 Itchioro ghoranot ikkie ek jon Rajguruthagur age. 22 Senottei, amar monani bojong idie-ittanittun poriskar ar amar heyegani poriskar paniloi dhoinei, gom mondoi puro bischias loinei hai jei. 23 Soittio dede sibie bischias-joggio hinottei, lor sor no oie gori amar ashagan shokto gori dori thei. 24 Hospanagan ar gom hamani barebartei, ek jone oinnio jonor pokke sintie gori. 25 Dinnuo jedog pai bes gori ghone ejer hinottei, ek dagie goronde dogkie gori, amio sedog amar dolluo phelei no jeinei, ek jone oinnio jonore uschoni tuli diedi gori.
26 Haron soittior gyenan ami panar porendi ami judi heizgori pab gori, salen pabottei dali no thebo ar. 27 Hintu thebode sien obode dor gore para sasti ar aguno dogkie rak jiene biruddigunore nas goreibo. 28 Je Mosir Nioman bad de, tar biruddie di tin jonor shakki die thele, doye meye sara gori mori pan. 29 Hodog hodin sasti thebo bili mone goro, je Itchioro Puobuore thengot tole gorinei uribo, logandoi die suktiganor darai pobitro gora oie sien moillio sara mone goribo, ar doyer Aptabuore thatta goribo? 30 Haron edogkie gori hoiede sibiere ami hobor pei, PROBUIE hor, "Hena sujonagan mor, ar mui hena ugureim." Aro Probuie hor, "Probuie tar manuschun the bijier goribo." 31 Jeda Itchiorbuor adot poranagan dor gore para.
32 Hintu agor dinun monot tulo. Tumi phoran panar porendi, hosto bhug gorinei onek jagulug lagei peio. 33 Ek hittendi tomare jonogonor mujungot laj nejeion, aro ek hittendi siennie hosto peiegunore hostortun shareio. 34 Haron tumi mor bondiganot more sit pursie. Ar jokkene thara tomar malani ludi loion tumi hujhi gori sieni maniloio. Sorgot thorede uttom dhon tomar age bili hobor peinei sieni tumi suei roio.
35 Senottei, tomar shokto ashagan phelei no duo. Haron siot dangor poriskari age. 36 Haron tomar dhorjiogan dorkar oie, jene Itchioro ischie doge goranar porendi, Itchioro soittiogan po para, 37 The soittio die,
"Haron hanekkon porendi, ejette sibie ebo, the diri no goribo.
38 Dharmigkun Bischiasor darai bajibak. Hintu huno jone judi pitbagoli haan, mor monan tar iot hujhi no obo."
39 Hintu nas odonde sigunor moiddie ami sienot pitchuo phiri jedong noi. Hintu ami olongge apta mukti oidie bischias goriegunor loge.