Pittimit Mondirbuot Tobona
9
Polim suktiganot hamakkai Itchior tobona goribar niom ar pittimit pobitro jaga elo. 2 Haron tambul haboro mondirbuo edogkie gori bana oie. Polim bhagkanot serag danieni, tebilan, ar ak pidiegani thon. Jien pobitro jaga hon. 3 Di lombor pordagano pijendi pobitro jagano bhagkuo honde Pobitrottun Pobitro. 4 Sienot sonar palliengan ar Itchioro sundukkuo age. Itchioro sundukkuo sero hittendi sonaloi mureie, ar siot sonar lodabuo jieno bidirie manna age. Aronor hor uttie ludigkuo, ar pobitro soittiogani legkie silo pattani siot age. 5 Itchioro sundukkuor ugure oborug cherubimd sorgo-dudtuo doyer asonan ugurottun jhabeie gori age. Sienir sombonde ikkie ami puro gori hobar noi. 6 Ei jinijchani jokkene jora lagana oie, sebona hamanittei dhormothagurune onsur polim tobona gorede tambulo bhagkuot jan. 7 Hintu jero bhagkuot bojore ek bar bana moharajguruthagurbuo, the abar lo sara no jai. Tar nijor pabpanittei ar tar manuschune aw-gyenot gorsie pabpanittei the dan degoi. 8 Pobitro Aptabuoi ien degatte olode, polim tobona gorede tambulanot roie, Pobitrottun Pobitro jaganot jebar podtan dega no oi. 9 Dan ar dali die oidie sien olode ikkiettei ekkan nomuna. Idie-ittoi gorede sibiere sienie puripunnuo gori no pare. 10 Dan ar daligani olode haiddio sombonde, onek poriskar onar sombonde, ar manjior jibono sombonde puribotton somoibuo no ejesong sieni gora awr.Kristor Logan
11 Hintu ebar agede gom jinijchanittei Kristo Moharajguruthagur ijebe ejchie. Oborug ar onek puripunnuo tambulanot the sommiegi, jien adtoi bana no oi. Sien olode ei songsaror noi. 12 Shagolo loloi ar goru-shawh loloi noi, hintu tar nijor loloi umore-umorottei hinenar porendi Pobitro Jaganot umorbuottei the sommiegi. 13 Haron damara goru loloi, shagolo loloi ar pari madam goru sheiloi judi shidi dinei aw-shijhigan pobitro gora oi, sien bana heyegan poriskar gora oi. 14 Sienittun bes olode, Kristor logane mora hamani poriskar gori dinei, tomar idie-ittaniloi jeda Itchiorbuore dak hal neie gori ononto Aptaloi sebona goribartei Kristo nije Itchioro sidu dan die. 15 Ei senottei, tar loganor darai the olode nuo niomanor mil goridiebuo. Haron tar moranaganor darai polim niomanor tole niom bhonggo gorsionde sigunore hininei ononto odhiharo sompottir protiggiagan pan para daga oie.
16 Haron suktigan thele, sukti diebuoio hamakkai morana dorkar oi thai. 17 Haron Manuschuo moranar porendi suktigan shokto oi, hintu soittio diebuo baji thagke sien tor no oi. 18 Senottei polim suktiganio lo sara gori gojei die no oi. 19 Haron Mosi jokkene beg manuschunore niomo onusare prottiek sigkiedinei hoie. Sokkene the goru-shawhgunor logani, shagoluno logani, paniloi loie. Ranga ullan, ar hyssop gajor pada jhubpo bureinei, the niomor boibuo ugure ar beg manuschunor ugure shidi die. 20 Mosi hoie, "Ien olode loloi gorsie suktigan jien Itchiore tomare ugum die." 21 Sebeden thik sedogkie gori, tambulanot ar tobona gorte lagede beg bajon-hodoragunor ugure logan shidi di die. 22 Niomo onusare perai beg jinijchani loloi sudduo gora oi. Ar lo phelei no die gori pabor hema nei.
23 Senottei, sorgottun nogol gorsie jinijchani, ieniloi poriskar gorana dorkar. Hintu sorgor jinijchani nije ittun bes uttom dali lagibo. 24 Haron ajol jagaganir nomunaganit, adtoi baneie Pobitro Jaganit Kristo no somaigoi. Hintu sorgoganot the nije somineigoi, amattei the ikkie Itchioro sidu dega obogoi. 25 Moharajguruthagurbuoi bojor bagene oinnio poshur loloi begottun Pobitro Jaganot somaigoi. Hintu Kristo the nije bar-bar tare the dali dibar no lage. 26 Songsar sristittun dhori the hosto pebar elode sienot, hintu ikkie jugkunor sejot ekkubare the nijore-nije dali dinei, umore-umorottei pabpani dhoi phelei dibartei dega dilogi. 27 Haron, manuschun ekbar moribartei thik gora oie, sei porendi bijier obo. 28 Thik sedogkie gori, Kristo ekbar diegidie onek manjior pabpani bugibartei. Pabpanir baraio tare ni alsi gori barsei agonde sigunottei the tharar muktiganottei di barottei the dega dibogi.