6
Senottei, Kristor sombonde sigon-sigon hodagani huobula goranagan bad dinei, puripunnuoganot jei. Aw-gunor ham ar Itchior bischias goranar sombonde mon phiranaganor goranot aro tulobatta no gorana. 2 Baptisma sombonde sigkie, ad tuli dinei bor magi dena, morattun jiei uduona, ar aw-phurondi sastir sombonde no tulona. 3 Itchiore judi hujhi thai sien ami huobula goribong.4 Haron jigune ekbar gyeno phoran peion, sorgor danan sagi seion, ar Pobitro Apta bhag peion, 5 sigune Itchioro gom hodagan, ar ebode jugkuor hemodagan sagi seion. 6 Thara judi jhuri poron, tharar monani aro phiran para tharare phirei anana aw-sombob. Haron tar nije Itchioro Puobuore Krosot dinei tare jonogonor mujungot laj duon.
7 Haron pittimit nitto jhor porede sieni madie hai, ar hed-goriegunor dorkarieni pittimigane utponno gori dide. Sien Itchiorottun pittimigane asirbad pai. 8 Hintu madigane judi hada ar hojoi utponno gore, sieni bad die jai, ar obisabo soman oi, ar sieni puri pheleinei ses gora oi.
9 Oh agojorun, ami judio edogkie gori hoi, hintu ami tomartei bischias gori jei, tumi uttom jinij utponno goriba jiene muktogano somare jebo. 10 Haron Itchiorbuo aw-dharmigo ham no goribuo. tar nange tumi ham ar baari hospanar hadoni gorinei degeiode sieni the puri no pheleibo. Tumi sadhu manuschunore sebona gorsio ar sebona goriba. 11 Ar amattun mone horte jei tumi prottiek jone thum song puro ashaganot ekkui gori hadoni gorida. 12 Senottei, alsi no oio, hintu jigune Bischiasor darai ar dhorjio darai soittiogan odhiharo sompotti ijebe peion sigunor leik adeio.
Itchioro Soittiogan
Hamakkai Obo
13 Haron Itchiore jokkene Abrahamore soittio die, tartun dangor nange sobot hebar nei hinottei, tar nijor nange sobot heie. 14 Itchiore hoie, "Hamakkai asirbadtoi mui tore asirbad dim. mui tore shagor bongso dim." 15 Ar sebeden Abrahame dhorjio dori theinei, Itchiore tare soittio dede sien peie. 16 Haron manjie borjon dhorinei sobot haan. Ar siendoi sobottan tharattei shokto bili thik gora oi, ar sien beg torgoganir seschan. 17 Sedogkie gori Itchiore tar soittiogan odhiharo sompotti ijebe peiebuottei tar uddischuogan no loribo bili alajhala gori degebartei, sobot heinei shokto gori thik gorsie. 18 Senottei, dien no loribode jinijchoi, Itchiore gal madibar aw-sombob bili dega oie, jene amar shokto mono shantona thai para. Amar mujungot thoidie ashaganot rokkie pebartei daba jeinei dori thebartei jei paribong bili thuo oie. 19 Ei ashaganot amar aptabuottei ekkan luo al age. Sien olode nischoi ar shokto, ar siendoi pordaganor pijendi somanagoi. 20 Siot amattun akke-akke jeiebuoi amattei sommiegoi. Ar sibie olode Jisu, jibe umore-umor Melkizedegor dogkie Moharajguruthagur oie.