Dhormothagur Melkizedeg
7
Haron ei Melkizedege olode Salem sohoro raja ar bego Dangor Itchiorbuor dhormo guru elo. Abrahame rajagun morei pelanar porendi the phiri ette seiet, Melkizedege tare lagot peinei tare asirbad die. 2 Tare Abrahame beg jinijchanittun doje-ek bhag die. Tar nanganor polim orthogan olode, "Dharmigkanor raja," ar Salemor raja. Sieno orthoganio olode, "Shantir raja." 3 Melkizedegottun bab-ma nei. Tartun Purbo-puruschun nei, jormor gora nei, ar tar jibonanor thum nei. The olode Itchioro puo dogkie, ar umore-umorbuo dhormo guru oi age.4 Ei manuschuo hottoman dangor ikkie bhabi sawh. Tarar Purbo-purus Abrahameio tare lud gorinei peiettun doje-ek bhag die. 5 Levir bongsogun dhormo guru oion. Thara Abrahamor bongso oi theleio, Niomanor doge ugumanor onusare, tharar bheilogkunottun dos bhagor ek bhag tulon. 6 Hintu Melkizedege Levir bongso no oleio, the Abrahamottun dos bhagor ek bhag peie, ar Itchioro soittiogan agede sibiere the asirbad die. 7 Dangorbuoi sigonnuore asirbad de. Sien ulluo no oi. 8 Ienot mori jande manuschune dos bhagor ek bhag lon. Hintu siene shakki dette jei, Manuschuo baji age ar dos bhagor ek bhag lor. 9 Salen hodo sele, dos bhagor ek bhag loidie Levio Abrahamor darai dos bhagor ek bhag dilo. 10 Haron Melkizedege jokkene Abrahamore lagot peie, Levio tar Purbo-puruschun Abrahamo iot elo.
Jisu Melkizedegor Dogkie
11 Senottei, puripunnuogan judi Levi dhormothagurunor darai oi (haron sieno tole manjie Nioman peion), Aronor dogkie dhormo guru no oinei, Melkizedegor dogkie oinnio dhormo guru aro hi uduo porette? 12 Haron dhormothagurunor haman bodoli gora oinei, dorkaro onusare niomanio bodolana dorkar. 13 Haron Jar sombonde ei hodagani huo oie the olode oinnio jador manus. Tar jadottun huno jone palliengot ham no goron. 14 Haron amar Probu Judar jadottun ejchie bili jana age. Sei jadtuottun Dhormo mastoror sombonde Mosi hitchu no hoi. 15 Tobuio, Melkizedegor dogkie dhormo guru judi ole, oinnio dhormo guru uduonaganot poriskar proman age. 16 Sei Dhormothagurbuoi niomo onusare bongso dhorinei no eje, hintu aw-phurondi jibonor hemoda loinei the ejchie. 17 Haron Itchiore shakki dinei hoi,
"Melkizedegor dogkie gori, tui olede siro jibono Dhormothagur."
18 Haron norom ar lab nei hinottei, ek hittendi agor nioman phelei die oie. 19 Haron niomane hitchu puripunnuo no gore. Hintu ek hittendi ami Itchioro hai jebar uttom ashagan ani de. 20 Haron Kristore sobot sara dhormo guru banana no oi. 21 (Haron thara sobot sara gori dhormo guru oion, hintu the sobottoi dhormo guru oie. PROBUIE tare hoie,
"Itchiore sobot helo, ar the tar monan phireido noi, 'Melkizedegor dogkie tui olede siro jibono Dhormothagur.' ")
22 Sei sobottano darai, Jisu uttom suktiganor jabin oie. 23 Oinnio shagor dhormo guru agon jigun moron hinottei eksottie dhormo guru oi no paron. 24 Hintu the umore-umor thebo hinottei, tar Dhormo mastoro haman bodola no jebo. 25 Senottei, jigune tar moddiome Itchioro sidu ejon, tharare the puro gori uddor gori pare. Haron tharattei bor magi dibartei the onsur baji age.
26 The olode pobitro, bojong noi, pela no jeie, pabigunottun pharok, ar sorgoganittun the ojol oie hinottei edogkie Moharajguruthagur amattei lak. 27 Jisu tare the jokkene dali die, the beg pabpani ekkubare shirei die. Senottei the oinnio Moharajguruthaguro dogkie noi, jigune nijor pabottei, ar manjior pabottei nitto dali die pore. 28 Haron niomane manjiortei moharajguruthagur thik gorede sigun olakke norom. Hintu sobottano hodagan jien niomano porendi ejchie, siene Puobuore puripunnuo gorinei umore-umorottei dhormo guru thik gorsie.