5
Haron pabottei dan ar dali di pare para, Itchioro hamor sombonde manjiortei prottiek moharajguruthagur manjiortun thik gora oi. 2 The nijeio durbolan peie hinottei, aw-gyen ar hu-podedi jande sigunore tartun sitpuronagan age. 3 Ei senottei, the manuschunottei ar tar nijottei, pabor dali dibar dorkar.4 Itchiore Aronore dagkie, hintu Itchiore dagkiede sigune huno jone ei sormanan nije-nije no lon. 5 Thik sedogkie gori, Kristoio the Moharajguruthagur obartei nijore-nije mohima no gore. Hintu Itchiore tare hoie,
"Tui olede mor puo, edchie mui tore jormo dilung."
6 The aro Sastror oinnio bhagot hoie,
"Melkizedegor dogkie tui olede siro jibono Dhormothagur."
7 Jisu heyeloi baji thagke tare moranaganottun rokkie gori parede Sibiettun the bor magi die, manjiortei hani-hani ar sogo pani pheleinei bor magi die. The bhokti dhorai hinottei Itchiore tar bor maganagani suinnie. 8 The ekkuo Puo oi theleio, tobuio the hosto bhug gorsiede sienittun the hoda mananagan shigi loie. 9 Ar the puripunnuo oinei, tare je mane sigunor begkunottei the ononto muktiganor odhiharibuo oie. 10 "Melkizedegor dogkie," Moharajguruthagur bili Itchiore tare dagkie.
Hu podedi no Jebartei Uij
11 Puobuor sombonde amar shagor hobar age. Hintu tumi hom sunor hinottei sien tomare bhangi dena baari aghattie. 12 Haron judio ikkie tumi mastor ona lak oleio, pollie Itchioro shadoron hodagani aro tomare sigeie tomar dorkar oie. Tomar dud dorkar; doro bhat noi. 13 Haron ek jon hojhi guro ole, the bana dud hai, the dharmigo hodat podu noi. 14 Hintu doro bhat olode buro manjiortei, ar sien je tharar gyenani nitto hamot laganar harone gom-bojong buji loi paron.