Itchioror Manuschunottei Jireni Hola
4
Senottei, tar jireni jaganot somi paribar soittio age hinottei, adikkie tomartun huno jone lungi no paribaran dega jai, bili ami dhorana dorkar. 2 Haron gom hoboran jodepode gori amare ar tharare janei die oie. Hintu thara suinnionde gom hoboran tharar lab no oi. Ar suinnionde sigune bischiaschanot egottor no goron. 3 Haron ami suinneidie sigune sei jireni jaganot the hoiede doge somibonggoi, judio songsaran sristi gora oiede siottun dhori hamani ses gora oie,"Senottei, mui rage sobot heiongge jei, 'Thara mor jireni jaganot somi no pebak.' "
4 Haron sat dinot Sastrot ekkan jagat the edogkie gori hoie, "Sat dinot Itchiore tar beg hamanittun jireie." 5 Aro the hoie, "Thara mor jireni jaganot huno din somi no pebak."
6 Somibar age hinottei ejosong ek dagie somibag. Aw-bischiaso darai, polim prosar gora oiede sigune sienot somi no pan. 7 Aro ek dine the Davidor darai the thik gorsiede dinnuot, "Ejchie" bili hoie. Onek din porendi sien huo oie,
"Edchie judi tui tar robuo sunoschie oi, tui akkol han oinei ulluo no goros."
8 Haron Joshua judi tharare jiren dido, salen porendi oinnio din bili the no holun. 9 Senottei Itchioro manuschunottei ekkan jireni jaga age. 10 Haron Itchiore tar hamanittun jireiede dogkie gori, je tar jireni jaganot sommie, theo tar hamanittun jeie. 11 Senottei, sei jireni jaganot somibartei sesta gori, adikkie huno jone sei ekkui Aw-bischiasjot poraganor udahorono doge no oi para.
12 Haron Itchioro hodagan olode jeda ar hemoda-bola, ar dou-dhara damattun bes dhar, aptat sere porano sere pharokanotio somi pare. Joraguno sere ar mogojo sere somi pare. Sintie dharonagani ar mono uddischuogani hobor pai. 13 Huno poran-bola the no dege para gori lugei thobar nei, hintu beg jinijchani tar sogor samne adikkie ar hulo, ar ami tare ijeb di pebong.
Jisu Moharajguruthagurbuo
14 Sorgogani par oinei ejchiede Moharajguruthagurbuo, Itchioro Puobuo Jisu amar age bili seinei, amar ham haanaganot shokto gori dori thei. 15 Haron amar bol neieganit sitpura heie Moharajguruthagur amar ek jon age. The amar dogkie hinottei, ekkui gori theo porikkie lagot peie. Hintu the olode pab neie. 16 Senottei, dorkari somoiot doye ar sarjio doye pei para, doyer singasonanot sahoj gori jei.