Felixo Idu Paular Bijier
24
Pas dino porendi, moha-rajguruthagur Anania Kaisarea sohorot gelo. Tar loge hoiek jon borjon ar Tertulus nange ekkuo okil nejeie. The Paular biruddie sason-goriebuor sidu abitti gorilogoi. 2 Paulare azil goranar porendi, Tertuluse tare duj badei die arambo gorinei holo, “Tor sasonor darai ami hup shantie agi. Tui lamba gori seinei tui ei jadtuot unjol ani duos. 3 Moha manonio Felix, jagai jagai ar je huno pode ami onsur baari hujhi gori mani. 4 Hintu tor alsi gorsie no oi para, doye gori ekka sunibartei mui tore hujoli gorongor.5 Haron ei manuschuo jagulug tuli die bili ami peiei. Goda songsaranot Judai manjior moiddie andolon tulo bajei de. Nazareth manjior dolot the olode ek lombor murubbi. 6 Mondirbuo pursondo the aw-pobitro goribar sesta gorsie. Ami tare dhorsiei ar amar niomo onusare ami tare bijier goribar seiei. 7 Hintu Rom senapotibuo? Lysia einei bol-bola gori the amar adottun nejeiegi. 8 Tare duj badei diegunore tor idu ebartei the ugum die. Tui nije tare porikkie gorilie, ami tare duj bade di die sieni begkani hobor pebe.” 9 Judai manuschuneo sieni begkani oi bili hoinei raji oion.
10 Sebeden sason-goriebuoi Paulare hobartei shirie tighut-tighut gorsie hinottei, Paula holo, “Ei jadtuo ugure tui onek bojor song bijier gori ejor bili mui hobor pang hinottei, hujhi gori mortei mui uttor duongor. 11 Baro dinio no oi mui Jerusalem sohorot jeinei Itchior tobona gorsionggoi sien tui hamakkai hobor pebe. 12 Mondirbuot mui harorloi huobula gorte beg manuschunore synagogot ok sohoranot ok jagulug bajei dede thara more no pan. 13 Ikkie thara more duj badei didonde sieni tore proman di no paribak. 14 Hintu mui sien tor idu haam haang. mui olongge ek jon Podtan adeie ar sien thara ekkuo dol hon. Amar Purbo-puruschununor Itchiorbuo mui sengori tobona gorong. Niomo boibuot ar muniguno boibuot hoidie sieni begkani mui bischias gorong. 15 Itchioro iot mor asha age sien thara nijeio asha goron. mui bischias gorong jei mora manuschun, dharmig ar aw-dharmig duo-dagire Itchiore morattun jiei tulibo. 16 Sien uddischuo gori, Itchioro pokke ar manjior pokke poriskar idie-it pebartei mui onsur sesta gorong.
17 “Onek bojor porendi ikkie mui mor nijor jadtuore dan ar utchorbo dibartei ejchiong. 18 Sigunor moiddie Asia dejottun hoiek jon Judai manus einei mondirbuot more sudduo-sanggo ode degkuondi. Mor loge manjior jhag no elo ar mui huno jagulug no tulong. 19 Mor biruddie judi tharar hitchu thai, thara tor mujungot einei more duj badei dedokki. 20 Anole, mui Senhedrinnuo mujungot thiei agongge lokkene mor iot judi thara be-dhormi ham degei thele, iot agonde sigune nije hodok sale. 21 Bana ei jinijchan oi pare. Mui tharar mujungot thieinei jogar pari pari hoiong, ‘Morattun jiei uduonar sombonde more edchie tomar mujungot bijier gora awr.’ ”
22 Felixe sei hodagani suninei bijieran din phelei dilo. Podtano sombonde the gome-dalei hobor peinei holo, “Romor senapotibuo? Lysia ele, mui tomar bijieran goridim.” 23 Paulare subidar dinei rageibartei ar tare ekka shadin dibartei ek shot jon soinnio ugure senapotibuore? the ugum dilo. Paular somarsiegune tar idu ejana ar tare jotton gorana sieni mana no goribartei the tare holo.
24 Hoiek din porendi, Felixe tar mogkuo Drusilla somot elo. Tar mogkuo olode Judai jad. The Paulare daga bajei dinei Kristore bischias gorsiede sombonde tartun sunilo. 25 Paula tare dharmigo sombonde, nijor domono sombonde ar ebode bijierano sombonde huobula gorte, Felixe dore holo, “Ikkiettei jagoi ar gom somoi phele mui tore daga bajei dim.” 26 Sei bidirendi, the Paulare iride para, Paulattun tenga? pebar ashaio gorsie. Senottei the Paulare tugut-tugut daga bajei dinei tarloi hoda hoi.
27 Hintu di bojor porendi, Felixe bodoli oinei Porcia Festase elo. Ar Felixe Judai manuschunore mon paleidibar seie hinottei, the Paulare jielot bani phelei gelo.