23
“Bab-bheilog, Itchioro samne mui edchie song beg gom idie-ittaniloi agong.” 2 Sebeden moharajguruthagur Ananiai Paular hai thiei agonde sigunore Paulare mu sei suoreibartei ugum dilo. 3 Sebeden Paula tare holo, “Tui dhub hos-soreidie dogkiebuo, Itchiore tore suoreibo. Haron tui more niomo doge bijier goribartei boji agos. A hittei niomo biruddie gori tui more suoreibartei ugum dile?” 4 Paular hai thiei agonde sigune tare holak, “Itchioro moharajguru-thagurbuore tui goborte oi ni?” 5 Sebeden Paula holo, “Bheilog, the moharajguruthagur de mui hobor no pang. Haron Sastroie hoi, ‘Tor manuschunor sason-goriebuore no sorjeis.’ ” 6 Siot ek dagi olakke Sadduki dolottun ar ek dagi olakke Pharisi dolottun bili Paula hobor peinei, the Senhedrinnuot birat ro gori holo, “Bab-bheilog, mui ek jon Pharisir puo Pharisi. Morattun jiei uduona ashagano sombonde more bijier gora awr.” 7 Paula sei hodagan hoinei, Pharisigunor ar Saddukigunor moiddie birat torga-torgi bajilo. Ar siendoi manjior jhagkuo di bhag olo. 8 Haron Saddukigune honde jiei uduonagan nei, sorgo-dud nei, aptaio nei. Hintu Pharisigune duogan age gori manon. 9 Sebeden ekkan birat holorobo udilo. Pharisi dolottun dhormo niomo mastorune thajei torgo gorinei holak, “Ei manuschuor ami hitchu duj no pelong. Hintu aptai bah sorgo-dude judi tare hoi thele, Itchiorbuo biruddie judduo no goribong.” 10 Bes torga-torgi awr hinottei, Paulare shinie-shini goron bili Romor senapotibuoi? dorelo. Senottei, soinniogun jeinei tharar moiddiettun Paulare bolajure aninei tare hembot nejeibartei the ugum dilo.11 Hintu tar porendi reidtuot Probuie Paular hai thieinei hologi, “Sahoj gor, Jerusalem sohorot tui more shakki duoschie dogkie gori, Rom sohoroto tui more shakki die poribogoi.”
Paulare Morei
Pheleibartei Hab dilak
12 Phor oinei, hoiek jon Judai manjie dol ekkuo goton gorinei thara nije-nije sobot heinei holakke je, Paulare morei no phelele bhat-pani hedong noi. 13 Sei dolluot solis jonottun bes agon, jigune hu-ham goribartei goton gorsion. 14 Sigune rajguruthaguruno sidu ar borjonnuno sidu einei holakki, “Ami nije-nije sobot heiei, Paulare morei no phellie bhat-pani hedong noi. 15 Senottei tumi ikkine senhedrinnuo somot Romor senapotibuore? hujoli goro. Hellie the Paulare tomar idu ane para jei tumi aro tartun gome-dalei pujor goribade dogkie gori. Hintu the idu no lungiegi ami tare morei pheleibong.” 16 Hintu Paular bon puttuoi sei hapdi thana hodagan suninei, the jeinei hembot somineigoi Paulare hologoi.
17 Sebeden Paula ek jon ek shot soinnio ugure senapoti? daginei holo, “Ei gabursiere Romor senapotibuor sidu neja. Haron tartun tare hoda hobar age.” 18 Senottei the tare Romor senapotibuor? sidu nejeinei hologoi, “Bhondi oi agede Paulai more tar sidu daginei ei gabursiere tor idu mui anibartei magkie. The tore huno ekkan hoda hobar age.” 19 Sebeden Romor senapotibuoi? gabursiere adot dhori ek huredi nejeinei juj gori pujor gorilogoi, “Tui more hi hode sas?” 20 Ar the holo, “Paulattun aro gome-dalei pujor goribakke dogkiegori, hellie Paulare tui senhedrinnuo sidu nejas para magibartei Judai manuschune raji oion. 21 Tui tharare no dis, haron solis jonottun bes manjie Paulare hapdi agon. Tare morei no phellie bhat-pani no hebak gori thara nije-nije sobot heion. Ikkie thara jugol oinei tore hujoli gorsionde sien barsei agon.”
22 “Ei hodagani tui more hoioschi bili harore no hos,” sieni hoinei Romor senapotibuoi? gabursiere jebartei dilo.
Paulare Kaisareat Salan Dilak
23 Sebeden the dijon ek shot soinnio ugure senapoti? daginei holo, “Di shot soinnio jugol goro, hottur jon ghora pidit gori jeie, ar di shot jon jadhi-bola manus. Edchie reidot noitai Kaisarea sohorot jo. 24 Sason-gorie Felixo sidu Paulare huno ekkan no oi para gori nejeibartei tharare ghora duo.” 25 The edogkie gori ekkan sidi legilo:
26 Mui Klaudia Lysia,
Moha manonio sason-gorie Felixore salam janeinei legongor.
27 Judai manuschune ei manuschuore dhorsion ar morei pheleibar oion. Hintu soinnioloi mui lungineioi tare uddhar gorsiong. Mui hoi parilungge the olode Rom nagorig. 28 Hittei tare duj badei dedon haronan mui hobor pebartei mui tare tharar Senhedrinnuot nejeiong. 29 Mui hobor pelungge tare duj badei didonde olode tharar niomano prosonno sombonde. Hintu tare morei pheleibar bah bani tobar huno duj no pang. 30 Judai manuschune ei manuschuore hapdi agon bili more hoinei, mui tare tor idu jogon-togon padei dilung. Tare duj bade dedonde sigunoreo tar biruddie tor idu abitti diberlittei mui tharare ugum duong.
Bejar no os.
31 Sebeden soinniogune tharare ugum die oiede doge, Paulare nejeion ar reide-reide tare Antipater sohorot annion. 32 Tar hellie, Paular loge jebar ghora pidit gori jeiegune gelakkoi, ar soinniogune hembot phiri elak. 33 Thara Kaisarea sohorot lungineioi, thara sason-goriebuore sidigan duondoi ar Paulareio tar adot gojei dilakkoi. 34 Sason-goriebuoi sidigan madanar porendi the hon rejjiottun ejchie pujor gorilo. The Kilikia rejjiottun bili hobor peinei, 35 Sebeden the holo, “Tore duj badei duonde sigun lungiliegi mui tor bijieran gori dim.” Sebeden Paulore Herode praetoriumot? subidar dinei rageibartei the ugum dilo.