22
“Bab-bheilog, ikkie mor rokkie hodagan suno.” 2 Paula Hebru hodadi tharare hode suninei, thara sittun bes juro olak.Sebeden the aro holo, 3 “Mui Judai manus, Kilikia rejjior Tarsa sohorot jormo. Hintu mui ei sohoranot Gamalielottun shigi-shigi dangor-digowl oiong. The more amar Purbo-puruschununor niomani shokto gori sigeie, ar edchie tomar begkuno dogkie Itchioro pokke muio utjogi elung. 4 Ar Podtan adeiegunore morei pelana song uttiesar gorsiong. Milie-morod mui tharare bani aninei jielot gojei duonggi. 5 Ei sombonde moharajguruthagurbuo ar beg borjono dolluo mor shakki agon. Tharattun mui bheilogkunottei sidi loinei, Damaska sohorot jeiong. Siot elakke sigunore sasti dibartei tharare Jerusalem sohorot bani anibartei mui jeiong.
6 “Ar edogkie olo, mui jade ar perai dibursie somoiot Damaska sohoro hai lungineioi, jhimid gori ekkan birat phor mor seropala phudilogi. 7 Sebeden mui madit borat gori porsiong ar ekkuoi roi more hode sunilung, ‘Saula, Saula hittei more uttiesar goror?’ 8 Sebeden mui uttor dilung, ‘Probu, tui honna?’Ar the more holo, ‘Mui olunge tui uttiesar gorotte sibie, Nazareth hullie Jisu.’ 9 Mor somarsiegune sei phoran deginei doreon, hintu more hoiede robuo thara no bujon. 10 Sebeden mui holung’ ‘Mor hi gora poribo, Probu?’Ar Probuie more holo, ‘Udinei Damaska sohorot sommoi. Tui hi goribartei mui tore thik gorsiong sidu tore begkani hoidie obo.’ 11 Sei phorano tejchandoi mor sogkun morsion hinottei, mor somarsiegune more adot dhorinei Damaska sohorot bhoreilakkoi.
12 “Anania nange siot ek jon manus thedo. Niomo onusare the Itchior bhokto ar siot thande beg Judai manuschune tare gom hon. 13 The mor hai einei ar thieinei more hologi, ‘Bhai Saula, tor sogkun gom odog.’ Ar thik sokkene mui tare degilung. 14 Sebeden the holo, ‘Amar Purbo-puruschununor Itchiorbuor ischiegan tui hobor pebartei, Dhormittobuo degibartei ar Tar muor robuo sunibartei the tore bei loie. 15 Haron tui degkoschie ar suinnioschie sieni beg manuschunottei tui tar shakkidiebuo obe. 16 Ar ikkie tui hi barsei agos? Uth, baptisma lo. Probur nangan daginei tor pabpani dhoi pelagoi.’
17 “Ar edogkie olo, mui Jerusalem sohorot phiri einei ar mondirbuot mui bor magode be-us oinei porsiong. 18 Ar Probuie more hode degkuong: ‘Jhadi gor ar Jerusalem sohorottun jhadi gori nigili jagoi. Haron thara mor sombonde tor shakkigan no manibak.’ 19 Sebeden mui holung, ‘Probu, prottiek synagog bagene thara hobor pan jei je tore bischias gore mui tharare jiel-hadang ar marong. 20 Tor shakkidie Stephanare lo phele dedonde lokkeneio mui siot hai elung ar tare morei pelana muio raji oiong. Tare morei peladonde sigunor haborani mui subi elung.’ 21 “Sebeden the more holo, ‘Jagoi, haron mui tore iottun durot Be jadtuno sidu dipadem.’ ”
Paula Romo Nagorig
22 Judai manuschune Paular hodagan sittur song sunilak. Sebeden thara jogar pari-pari hodon, “The baji thana lak noi, pelo! Pelo!” 23 Thara joi jogar parte, tharar ursie haborani phadi pheleion ar dhullie mela dedon. 24 Sebeden senapotibuoi? Paulare hembo bidirie nejeibartei ugum dilo. Ar tar biruddie hittei joi jogar parton hobor pebartei mari mari pujor gora bajei dilo. 25 Paulare soinniogune samara duriloi bannionde lokkene, siot thiei agede ek shot jon soinnio ugure senapotibuore? the holo, “Duj sara gori ek jon Rom nagorig marana ainot age parapang?” 26 Ek shot jono ugure senapotibuoi? sien suninei, the Romor senapotibuo sidu jeinei hologoi, “Tui hi goror seis hobotdar, haron ei manuschuo olode Rom nagorig.” 27 Sebeden Romor senapotibuoi? einei Paulattun pujor gorilogi, “More ho tui Rom nagorig ni na?” Paula uttor dilo, “Oi.” 28 Rom senapotibuoi? holo, “Ektal tenga? dinei ei Rom nagorigkan mui hini loiong.” Hintu Paula holo, “Mui olungge jormo darai nagorig.” 29 Sebeden Paulare mari-mari pujor goribar oionde sigune jogon-togon pit lamilak. Romor senapotibuoi? ek jon Rom nagorig the bannie bili buji parinei theo dorelo.
Paula Senhedrinnuo Mujungot
30 Tar hellie Romor senapotibuoi? Paulare nojor bondittun iri dilo. Ar Judai manuschune hittei tare duj badei dedon sien the hobor pebar sai hinottei, the Rajguruthagurunore ar beg Sanhedrinuore azil obarlittei ugum dilo. Sebeden the Paulare lamei nejeinei tharar mujungot thie bajei dilo.
Ar Paula Senhedrinnuot ekrini seinei holo,