Jerusalemo Mokkie
21
Ar edogkie olo, ami tharattun pharok oinei jahajot udinei uju podedi jeinei, Kos dippuot lungiegoi. Tar hellie Rhodes dippuot gelong ar siottun Pathara sohorot gelong. 2 Ar siot ekkan jahaj Phoenikia rejjiot jadte peinei, siot ami udinei ja dorilong. 3 Jokkene Kupra dippuo dega gelo, ami dippuo dokkinendi jeinei Syria rejjiot gelong. Tyre sohorot ami lamilonggoi. ar siot jahajchanottun mal-mattani lameion. 4 Ar sisjiogun suph peinei sidu ek sapta thelong. Aptar darai thara Paulare Jerusalem sohor song no jebartei holak. 5 Ek sapta phureinei, ami nigilinei aro ja dorilong. Sisjiogune tharar mog-puogun somot begkune amare sohoro barendi song barei duondi. Sebeden sagoro parot ami begkune adu parinei bor magilong. 6 Ar ami bidei lo-li gorinei, ami jahajchanot udilonggoi ar thara ghorot phiri gelak.7 Tyre sohorottun dhori amar porbhajchan phureinei, ami Ptolemai sohorot lunginei, bheilogkunore salam janeilong ar ami tharar loge ek din thelong. 8 Tar hellie, Paula somot ami jeinegoi ar Kaisarea sohorot lunginei prosarog Philibor ghorot somilonggoi ar tar loge thelong. The olode sat jonottun ek jon. 9 Ei manuschuottun seirbuo sodi gabur jhi elak ar thara muni dogkie gori hoda hoion.
10 Ami siot onek din thanar porendi, Agabas nange ek jon muni Judea dejottun lungilogi. 11 The amar idu einei Paular homor pijonigan loinei tar nijor ad-thengani siendoi baninei holo, “Pobitro Aptai edogkie gori hor, ‘Ei homor pijonigano girojchuore Jerusalem sohorot Judai manuschune edogkie gori banibak ar tare Be jadtuno adot gojei dibag.’ ”
12 Ami sei hodagani suninei, ami ar sei jagano manuschune Paulare hujoli gorilong jene the Jerusalem sohorot no jai. 13 Sebeden Paula uttor dilo, “Hittei hanor ar mor monan bhangi duor? Haron bana banan haanaganottei mui jugol oi no agong, hintu Probu Jisur nange Jerusalem sohorot mui mori jebartei jugol oi agong.” 14 Senottei ami jokkene tare bujei no pari, ami ien hoinei olor olong, “Probur ischie doge ok.”
15 Ar sei porendi, ami bhudi jugoleinei Jerusalem sohor song gelong. 16 Kaisarea sohorottun hoiek jon sisjioio amar loge jeion. Thara amare Masonor ghorot nejeion ar ami siot rolonggoi. The olode Kupra dip hullie ar the olode polim sisjiottun ek jon.
Paula Jerusalemot
17 Ami Jerusalem sohorot lungineioi, bheilogkune amare hujhi gori gojhi loion. 18 Tar hellie Paula ar ami oinniogun somot Jakobo sidu gelong. Ar siot beg borjonnun elak. 19 Paula tharare salam goranar porendi, tar hamano darai Itchiore Be jadtuno sidu gorsiede sieni ekkan-ekkan gori bhangi holo. 20 Sien thara suninei Itchiorore baini gorilak. Ar sebeden thara tare holak, “Da, tui sa, hodok azar-azar Judai manjie bischias gorsion, ar thara begkune niomanottei utjogi. 21 Hintu tharare tor sombonde janeidie oiede jei tui bilie Be jadtuno moiddie agonde beg Judai manuschunore sigeioschie jei thara Mosir niomani no paleidak. Tui hoioschie bilie jei thara puogunore sundu-sam habi no didak, ar tharar dosturani no adeidak. 22 Ami hi goribong sei? Tui ejchios bili sunilie, manjior jhagkuoi hamakkai thubeibo. 23 Senottei, ami tore jien hoi sien gor. Amattun ser jone soittio gorsion. 24 Sigun loinei tharar somot sudduo ogoi. Thara sul murei bartei tharar horojchun degoi. Sebeden begkune hobor pebakke jei tor sombonde hoionde hodagani soittio noi. Hintu tui Niomani paleile thara hobor pebakke jei tui Niomo doge agos. 25 Hintu bischias gorsionde Be jadtunottei, temmangot ami thik gorsei die hodagan tharare legkiei. Sieni olode thara moktire gojeie jinij no hedak, lo no hedak, gortona mojori dinei morei phellie poshu era no hedak ar shanda no gortak, ar sei bara oinnio ekkan no paleidak.” 26 Tar hellie Paulai sei manuschun loinei tharar somot sudduo ologoi. Sebeden the mondirbuot jeinei sudduo oidie ses dinnuo janeilogoi, jene thara jon bagenettei pujo dipebak.
Paulare Dhorilak
27 Ar sat din pureibar oinei, Asia dejottun Judai manuschune Paulare mondirbuot deginei goda manjior jhagkuo jodeinei tare dhorilak. 28 Sigune jogar pari-pari hodon, “Oh Israel jado manuschun, amare bol duo. Ei Manuschuoi amar manuschuno biruddie, niomo biruddie, ar ei jagano biruddie begkunore jagai jagai sigkie de. Ei bara, the Grik manuschun ei mondirbuo bidirie aninei ei pobitro jagan aw-pobitro gorilogi.” 29 (Haron ei agendi, Ephesi hullie Trophimare Paular loge sohoranot degkuon. Thara mone gorsionde, the tare mondirbuo bidirie bhoreiegi.)
30 Sebeden goda sohoran jagulug bodinei manuschun je jindi pai jadon. Thara Paulare dhorinei mondirbuottun nigilei anilak ar jogon-togon girier duorani nadilak. 31 Tare morei pheleibar sadonde lokkene, Romor soinniogunor senapotibuo? sidu hoboran lungiegoi. The suinniede goda Jerusalem sohoranot jagulug uttie. 32 The jogon-togon hoiek jon ek shot jono ugure senapoti? ar soinnio loinei tharar sidu daba-daba gelo. Judai manuschune Romor senapotibuore? ar soinniogunore deginei Paulare no maron ar.
33 Sebeden Romor senapoti-buoi? einei Paulare jobdo gorilogi, ar tare dien shingolloi banibartei ugum dilo. Sebeden the honna ar the hi gorsie pujor gorilo. 34 Manjior jhagkuottun ek jone ekkan hon aro ek dagie ekkan hon. Jagulugot the soittio hodagan hobor no peinei, Paulare soinnio-gunor hembot bhoreibartei the ugum dilo. 35 Paula hembor phoidiegunot lungineioi, manjior jhagkuoi tare rage edok gori girilakkoi jei, soinniogune tare alok gorinei ni peion.
Paula Manjior
Jhagkuore Holo
36 Haron pune-pune jeion manjior jhagkuoi jogar pari-pari hodon, “Pelo! pelo!” 37 Sebeden Paulare hembot bhoradegoi, the Roman senapotibuore? hujoli gorilo, “Mui torloi hoda hoi parim ni?” Romor senapotibuoi holo, “Tui Grik hoda janos ni? 38 Tui sei Egypt dejiabuo ni na, je hoiekdino agendi ekkan andolon tulinei ser azar manus hun gorie moruobomit nejeie?” 39 Hintu Paula holo, “Mui Tarsa sohoro hullie Judai manus. Mui Kilikia rejjior shadaron sohoro manus noi. Doye gorinei more manuschundoi hoda hobar de.”
40 Sebeden jokkene Paulare onumoti die olo, the phoidiegunot thieinei manuschunore adedi ijirie dilo. Ar jokkene begkune juro olak, the tharare Hebru hodadi holo,