Korinth Sohorot
18
Sienighodi janar porendi, Paula Athen sohorottun jeinegoi Korinth sohorot gelo. 2 Siot Aquilla nange ek jon Pontus rejjior Judai manus the lagot pelogoi. Moharaja Klaudiai Rom sohorottun beg Judai manuschun jebarloittei ugum die hinottei Aquilla tar mogkuo Priskilla somot Italy dejottun hoiekdin agendi Korinth sohorot ejchie. Paula thararloi Lak pa-pi ologoi. 3 Tharar hameigan ekkuoi hinottei the tharar loge theinei ham gorilo. Tharar hameigan olode terpal habor banana. 4 Prottiek Jireni Dinnuot the synagogot huobula gorinei Judai manuschunore ar Grik manuschunore bujei dibartei seie.
5 Makidonia dejottun Sila ar Timothi lunginei, Aptai jor gori Paulare, Jisu olode Kristo bili Judai manuschunore shakki die bajei dilo. 6 Hintu thara tare badha duon ar tare sorjeion hinottei, the tar haborani jhari dinei tharare holo, “Tomar lor dujchan tomar nijor mada ugure thok. Mor dujchan mui erilung. Ikkiettun dhori mui Be-jadtuno sidu jeim.”
7 Sebeden Paula siottun jeinei Justa nange ek jono ghorot somilogoi. The Itchior bhokti gore ar tar ghoran synagogo mujungot. 8 Sebeden synagog sason-gorie Krispu ar tar goda ghorbobuo bischias gorilak. Sebeden onek Korinth sohoro manjie suinnion ar bischias gorinei baptisma gorilak.
9 Reidot ekkan aziliet Probuie Paulare holo, “No dores, juro gori no theinei ho. 10 Mui tor loge agong hinottei, tore hoti goribartei huno jone tore akkromon no goribak, haron ei sohoranot onek mor manus agon.” 11 Senottei, tharar moiddie Paula der bojor theinei the Itchioro hoda tharare sigei dilo.
12 Gallio Akaia rejjior sason-gorie elode lokkene, Judaiune Paular biruddie eksong oinei udilak. Ar tare Kodot anilak. 13 Thara holak, “Ei Manuschuoi niomo biruddie gori manusch-unore Itchior tobona goribartei ujuluoi.”
14 Paula madi udibar oinei, Gallio Judai manuschunore holo, “Oh Judai manuschun! Tumi judi be-dhormi bah duj gorsie oborado hamo sombonde abitti goro sien mor sunibar osit. 15 Hintu ien ekkan edogkie hoda jienot nang ar tomar Niomo hoda age. Senottei tumi-tumi muohabilie goro. Haron mui edogkie hodat bijier gori odung no sang.” 16 Ar the bijieranottun bar gori dilo. 17 Sebeden beg Grik manuschune synagog sason-gorie Sosthenore dhorinei bijiero samne pidilak. Hintu Gallio sub gori roie.
Aquilla,
Priskilla ar Apollo
18 Paula jei onek din thelo. Tar porendi bheilogkunottun the bidei loinei, jahajot gori Syria dejot gelo. Aquillaloi Priskillaio tar loge jeion. The Itchioro sidu manniegan shireibartei Kenkheria adamot tar sulan habilo. 19 Paula Ephesi sohorot lunginei, Priskillare ar Aquillare siot the phelei gelo. Hintu the nije synagogot jeinei Judaiundoi huobula gorilogoi. 20 Tharar loge hoiekdin thebartei Judaiune tare hujoli gorinei the no manilo. 21 Hintu the tharattun bidei loinei holo, “Ejette utchobpan je huno prokare mui Jerusalem sohorot phelei peimboi. Itchioro ischie ole, mui aro tomar idu phiri eim.” Sebeden the jahajot gori Ephesi sohorottun gelogoi. 22 Ar the Kaisarea sohorot udineigoi, Jerusalem sohorot jeinei mondo-libuore salam janeilogoi. Tar porendi, the Antiok sohorot gelo.
23 Antiok sohorot the hoiekdin thanar porendi, the aro porbhaj gorilo. Galatia ar Phrygia rejjiogani bar-bar berei-berei jeinei beg sisjiogunore shokto gorigoi.
24 Sei lokkene, Apollo nange ek jon Judai manus Ephesi sohorot lungilogi. The Alexandria sohorot jormo oie. The baari hodogi ar Sastro hoda shokto gori pare. 25 Tare Probur doge sigkie die oie. The mon doro hinottei, Probur hoda doledale hoi ar sigei de. Hintu the bana Johonor baptismagan hoboran pai. 26 synagogot the sahoj gori hoda ho arambo gorsie. Hintu jokkene Aquillaloi Priskilla suinnion, tare ek huredi ninei Itchioro hoda tare dolei bhangi dilak. 27 Jokkene Apollo Akaia dejot par obarloittei sar, bheilogkune sidugor sisjiogunore tare sorman gorinei gojhi lobartei sidi legilak. Sebeden the lungineioi, doyer darai bischias gorsionde sigunore birat sahajjio gorilogoi. 28 Haron hulomela gori the Judaiunore torga-torgit shokto gori odei dinei Sastrottun proman dinei Jisu olode Kristo bilinei tharare degeie.