Thessalonikat Prosar
17
Amphipoli ar Apollonia sohorani berei phureinei Paulaloi Sila Thessalonika sohorot lungilakkoi. Siot Judaiunor synagog ekkan elo. 2 Sebeden Paula tar dosturo doge Judai manuschuno loge mijeineio, tin Sabbath song Sastrottun sei-sei thararloi huobula gorilogoi. 3 The orthogan bhangi di di degei dilo jei Kristo dug-hosto gori pebo ar morattun jiei udibo. Ar the tharare holo, “Mui tomare janei duongotte Jisu olode Kristo.” 4 Hoborandoi hoiek jone gom peinei Paula ar Sila indi mililekki. Shagor Itchior bhokto Grik manus ar onek ajol ajol milieio mililekki.5 Hintu hoboran mani no paronde Judaiunottun pijhum udinei, bazarottun hoiek jon dujto manus aninei ekkuo jagulugkie dol goton gorilakki. Sebeden goda sohoranot uruttul bodeinei Jasono ghoran akkromon gorinei Paulare ar Silare bar gorinei manuschuno idu anibar selak. 6 Hintu tharare no peinei, thara Jasonore ar hoiek jon bheilog sohoro sason-gorieguno mujungge sejerei ninei holakkoi, “Ei manuschun songsaran ulot-palot gorinei iduio lungondi. 7 Jasone tharare jaga die. Moharaja Kaisaror ugumo biruddie thara begkani goron ar hon, aro oinnio ek jon raja age ar sibie olode Jisu.” 8 Manuschune ar sason-goriegune sei hodagani suninei jagulugot porilag. 9 Sebeden thara Jasonottun ar oinniogunottun tenga? joma loinei iri dilak.
Berea Sohorot Seba Ham
10 Sebeden bheilogkune Paulare ar Silare jogon-togon reide-reide Berea sohorot padei dilak. Thara lungineioi Judaiunor synagogot gelak. 11 Thessalonika manuschuno darane ei manuschun mon gom. Itchioro hodagan thara ega mone loion ar Paular hodagan oi ni noi sebartei thara nitto Sastrot togei san. 12 Senottei tharattun onek jone bischias gorsion. Balukjon Grik manjie ar onek nangkora morode ar milieio bischias gorsion.
13 Hintu Paula Berea sohorot Itchioro hoda prosar gorer bili thessalonika sohorottun Judaiune hobor peinei, siduio thara einei manjior jhagkun uruttul bodei dilakki. 14 Sebeden bheilogkune Paulare jogon-togon sagoro mokkie padei dilak. Hintu Silaloi Timothi duo jone sidu roion. 15 Paulare nejeionde sigune tare Athen sohor song barei duondoi. Thara ette, sittun Paula tharar ade ugum dilode Silaloi Timothi jhadi gori tar sidu jedak.
Athen Sohorot
16 Athen sohorot Paula Silare ar Timothire barsei thagke, sohoran moktiloi boron gori the degilo. Siendoi tar monan jagulug olo. 17 Senottei synagogot the Judaiundoi ar oinnio bhokti manuschundoi huobula gorsie. Ath-bazarot thande manuschundoio nitto the huobula gorsie.
18 Sebeden hoiek jon Epikuri? ar Stoik? pundig Paulaloi lagot pa-pi olak. Ar hoiek jone holak, “Ei gop diebuoi hi hobar sai?” Ar ek dagie holak, “The bi-deji Itchioro sombonde prosar gorie obode,” haron the Jisur hoboran ar jiei uduonar sombonde tharare hoie. 19 Ar thara Paulare Ares Mounnuot nejeinei holak, “Ien ekkan nuo sigkie jieno sombonde tui hor, sien hi ami hobor pebartei sei. 20 Tui amare hobor no peie hoda suneile hinottei, sieni hi ortho ami hobor pebartei sei.” 21 Haron beg Athen hulliegunor ar siot bi-deji manuschunor, nuo hoda hona ar nuo hoda sunona bade ar hitchu goribar nei.
22 Sebeden Paula Ares Mounnuot moiddie thieinei holo, “Athen hulliegun, je huno iet mui degilungge tumi baari dharmig. 23 Haron mui berei-berei ette tumi tobona gorode jinijchani sade, mui ekkan pallieng lagot peiong ar siot ien lega age:
HOBOR NO PEIE ITCHIORBUORE
“Senottei, jare tumi hobor no peie gori tobona goro sibie mui tomare janei duongorli. 24 Jei Itchiorbuoi songsaran ar songsarot agede sieni begkani baneie, the sorgo ar pittimir Itchiorbuo hinottei manjior adtoi tullie mondirbuot no thai.
25 “The begkunore jibon, nijes ar jien lage sieni diebuo hinottei tartun huno ekkan jinij lagede dogkie gori, manjior adtoi jinij dinei tare tobona gora no pore. 26 Ek jonottun the beg jado manuschun baneie. Goda pittimit thara thei paron para tharattei somoi ar thebar shiminie banedie jene, 27 manjie tare bijirei-bijirei togan para ar asha gori tare togeinei pan para, judio the amar huno jonottun durot noi. 28 Haron ami tar darai poran peiei, bereir ar baji agi. Hoiek jon tomar nijor shulluk joreie hoion, ‘Haron amio olongge tar bongso.’ 29 Senottei, ami Itchioro bongso hinottei Itchiorbuor hatchiekkan ar gotonan manjior adtoi ar haligoror darai sonaloi bah rubuoloi bah silloi baneie mukto dogkie mone no gorana. 30 Agendi Itchiore edogkie aw-gyenan obohela gori sei roie. Hintu ikkie the beg jagat ar beg manuschunore mon phireibartei ugum die. 31 Haron songsaran ek jono darai dhormo bijier goribartei Itchiore ekkuo din thik gorsie. Tare morattun jiei tulinei sien begkuno sidu proman die.” 32 Ar jokkene morattun jiei uduonar hoda suinnion, ek dagie thatta gorilak ar ek dagie holak, “Ei hodagan ami aro tortun sunibong.” 33 Senottei Paula tharar moiddiettun gelogoi. 34 Tobuio, hoiek jone Paular dol oinei bischias gorsion. Siguno moiddiettun olode Dionysia. The olode Ares Muonnor? manus. Damari nange ekkuo milie ar oinnio jonio bischias gorie moiddie elak.