Paula ar Sila loge
Timothi Mijeilo
16
Sebeden Paula Derbe ar Lystra adamanit lungilogi. Ar sawh, Timothi nange ek jon sisjio siot elo. Tar ma olode bischiasi Judai milie, hintu tar babpuo olode Grik manus. 2 Lystra adamot ar Ikonium sohorot agonde bheilogkune tare baari gom hon. 3 Paula tare loge gori nijeibartei mone hoinei, tare sundu-sam habi dilo. Haron sei bamot agonde beg Judaiune hobor pande Timothi babpuo olode Grik manus. 4 Thara adam berei-berei jade, apostolune ar borjonnune thara manibartei Jerusalemot thik gorsionde ugumani di di jeion. 5 Senottei, mondoligune bischiasot shokto olak ar din-din sangadik barilak.Paulare Makidoniat Dagana
6 Thara Phrygia ar Galatia rejjiogani phuri jade, Asia rejjiot prosar goranagan Pobitro Aptai mana gorilo. 7 Thara Mysia bamot ejanar porendi, Bithunia rejjiot jebartei selak. Hintu Aptai tharare jebartei no dilo. 8 Senottei thara Mysia baman phelei jeinei Troas adamanot elak. 9 Reidot Paula ekkan azilie degilo. Makidonia hullie ek jon thieinei tare hujoli gorinei holo, “Makidonia rejjiot par oinei amare bol duogi.” 10 Sebeden the aziliegan deginei, jogon-togon amattun Makidonia rejjziot jebar mone holo. Ami mone gorilongge tharare gom hoboran janei dibarloittei Probuie amare dagilo.
Lydiai Bischias Gorilo
11 Senottei, Troas adamortun jahajot gori uju-uju Samothrace dippuot gelong. Tar hellie Neapolit gelong. 12 Siottun ami Philippi sohorot gelong. Sien olode ekkan Rom manuschune sason goronde jaga ar Makidonia jelar begottun dangor sohor. Siot ami onek din roiei.
13 Jireni Dinnuot sohorottun nigilinei sora parot bor magonde jaganot ami jedong. Ar siot bojineioi siot thubondoidie milie-gunore janei di. 14 Lydia nange ekkuo miliei amar hodagani sunilo. The olode Thyatira soho-rottun halisuri habor bejie ar Itchior bhokto. Paular hodagani sunibartei Probuie tar ontoran huli die. 15 The ar tar ghorbobuo baptisma lonar porendi, the amare hujoli gorinei holo, “Tumi more Probur bischiasi bili mone gorilie, mor ghorot ejo thagogi.” Ar the amare baddio goreilo.
Paulaloi Sila Jielot Porilagkoi
16 Ar edogkie olo ami bor maga jade, ekkuo gonei di pharede bhude peie milie-shawh lagot pelong. Sibie olode banidaji milie ar gonei di di the tar girojchunore onek tenga? hamei die. 17 Sei miliebuoi Paular ar amare pune-pune einei birat ro gori holo, “Ei manuschun olakke begottun dangor Itchiorbuor sagorsie ar thara amare muktir podtan janei dedondi.” 18 Sengiri miliebuoi onek din hoie. Hintu Paulattun rak udinei pijendi phirinei aptabuore holo, “Jisu Kristo nange mui tore ugum duongor, tartun nigili ai!” Ar jogon-togon aptabuoi tartun nigili gelo.
19 Hintu jokke tenga? hameibar ashagan gelogoi bili tar girojchune degilak, thara Paulare ar Silare dhorinei bazarot sason-gorieguno sidu sejerei nejeilak. 20 Ar tharare agimuo sidu nejeinei holakkoi, “Ei Judai manuschune amar sohoranot birat gondogul bajei dilakki. 21 Thara amattei be-aini dostur sigei dedondi, ami Rom nagorig hinottei sieni lobar noi ar goribar noi.” 22 Sebeden manjior jhagkuoi Paula ar Silar biruddie udilak. Agimune Paula dagir ursie haborani phadi pheleilak. Sebeden tharare mugorloi mugurebartei thara ugum dilak. 23 Sebeden tharare thajei mugureinei, jielot bhorei tholakkoi. Ar gome subi dibartei jielor subidarbuore ugum dilak. 24 The Siennie ugum peinei the tharare moiddie jiel-hanaganot bhoreineioi tharar thengani toktat bani thoidilo.
25 Reid songbhagot Paulaloi Sila bor magodon ar Itchiorore baini gori-gori gid gadon ar beg jielot porsiegune suni agon. 26 Tokkanot ekkan birat bhujol beinei jiel-hana tolagan dhigdi-geilo. Jogon-togon jiel-hanaganor beg duorani hulo gelo ar beg jiel-hadiegunor shingollani huei gelo. 27 Jielor subidarbuo jaginei the jiel-hana duorani hulo gori degilo. Jiel-hadiegune dhei jeion bili the mone gorinei, horgogan hueinei tare the morei phelebar oie. 28 Hintu Paula tare birat ro gori dagi holo, “Tore tui hun no goris, ami begkun iot agi!” 29 Sebeden jielor subidarbuoi agun luro ana bajei dinei, daba-daba somilogoi. Dore girgirei-girgirei Paula ar Sila thengot porilogoi. 30 Sebeden the tharare barendi nejeinei holo, “Babulok, mukti pebartei mui hi gori peim?”
31 Ar thara holak, “Probu Jisu Kristore bischias gor tui ar tor ghorbobuo mukti peba.” 32 Sebeden thara Probur hodagan tare ar tar ghorot elakke begk-unore janei dilak. 33 Paulare ar Silare the tar ghorot reide-reide nejeinei tharar ghobagani dhoi dilogoi. Ar jogon-togon the ar tar beg ghorbobuo baptisma lolak. 34 Jielor subidarbuoi tharare tar ghorot nejanar porendi tharare bhat dilo. The ar tar beg ghorbobuo Itchiorore bischias gorsion hinottei the baari hujhi olo.
35 Roud phudinei, agimune jielor subidarbuo sidu polisor neta dipadenei holak, “Sei manuschun iri de.” 36 Ar jielor subidarbuoi sei hodagani Paulare holo, “Agimune mui tomare iri dibartei ugum duon. Tumi jei pariba. Shantie jogoi.” 37 Hintu Paula sigunore holo, “Ami olongge Rom nagorig, tobuio bijier neie gori thara amare manjior mujungot marsion ar jielot thoion. Ikkie thara amare gubone dipadeidak? Na, sien oi no pare! Thara nije einei amare nigilei dedogki.” 38 Sebeden polisor netagune ei hodagani agimunore hoineio, ar thara Rom nagorig bili suninei dorelak. 39 Sebeden thara einei hujoli gorinei tharare barendi aninei holak, sohoranottun jogoi. 40 Sebeden Paulaloi Sila jielottun nigilinei Lydia ghorot gelak. Bheilogkundoi dega-degi oinei tharare sahoj bhorei dilak. Sei porendi thara gelakkoi.