Ikonium Sohorot
14
Ikonium sohorot Paulaloi Barnaba Judaiuno synagogot sominei edogkie gori holakkoi jei jhag-jhag Judai ar Grik manus bischias gorilak. 2 Hintu bischias no goronde Judaiune Be-jadtunore jagulug bajei dinei bheilogkuno biruddie tharar monani horab gori duon. 3 Sengori Paulaloi Barnaba sidu onek din thelak. Probur sombonde thara sahoj gori ho dorilak. Probur doye hodagani shakki obartei tharar adedi amok ar asarjio ham gora bajei dilo. 4 Hintu sohoro jhag-jhag manuschun di bhag olak, ek dagie Judaiuno pokke ar ek dagie apostoluno pokke. 5 Be-jadtune ar Judaiune tharar murubbigun somot tharare gobodon ar sil mela dibar sadon. 6 Sien thara hobor pei, Lykonia zelar Lystra ar Derbe adamanit ar seropala jaganit dhei gelak. 7 Sienit thara gom hoboran prosar gorilakkoi.Lystra ar
Derbe Adamot
8 Lystra adamanot jormottun dhori leng, huno din adi no parsie ar thengot bolneie manus ek jon boi elo. 9 Sei Manuschuoi Paula hoda hode suinnie. Paula tare ekrini seinei mone gorilode jei tar bischias age hinottei tare gom gori para jebo. 10 Sebeden Paulai birat ro gori holo, “Tor thenganiloi uju gori thie!” Ar the pal mari udinei adi-adi bereilo. 11 Paula gorsiede sien manuschune deginei thara birat ro gori Lykonia hodadi holak, “Manjior ruk dorinei itchiorun amar idu ejchion!” 12 Barnabare thara Zeus dagilak. Paula hoda hoiebuo hinottei tare Hermen dagilak. 13 Sebeden tharar adamano mujungedi agede Zeus mondirbuottun dhormo-thagurbuoi, damara goru ar phul shora girie-duoranot anilo ar the manuschun somot Paula ar Barnaba sidu gojeinei dali-pujo diber sar. 14 Hintu apostol Barnaba ar Paulai sien suninei, tharar ursie haborani phadi pheleilak ar manjior jhagkuot daba-daba jeion. 15 Thara jogar parinei holak, “Babulok, ien hittei goror? Amio toma dogkie manus daw. Ami tomar idu prosar gorittie jei ei dorkar no lakkie jinijchani bad dinei jeda Itchiorbuo idu phiro. Ibie olode sorgo ar pittimi, sagor ar sienit agede beg jinijchani baneiebuo. 16 Ei Itchiorbuoi ago phirigunot beg jadtunore tharar nijor-nijor podedi jebartei die. 17 Jai ok, the jei gom ham gorsie sieni nijei shakki der. Amattei the agajottun jhor dide ar ritu bagene phol de. Amar monani the haiddioloi ar hujhiloi mon purei dide.” 18 Ei hodagani hoinei manjior jhagkuoi tharar sidu dali-pujo gojei dedonde siottun bole-bole badha di parsionde.
19 Sebeden Antiok ar Ikonium sohorottun Judaiune siot lungilakki. Manjior jhagkuore thara bhuleinei Paulare thara sil mela duon ar the morsie bilinei tare sejerei ninei adamo barendi thoiondoi. 20 Hintu sisjiogune tar seropala girineioi, the udinei adamot somilogoi. Tar hellie Paulaloi Barnaba Derbe adamot gelak.
Syriar Antiokot Phirilak
21 Sei adamanot thara gom hoboran prosar gorinei onek sisjio tullion. Sebeden thara Lystra, Ikonium, ar Antiok sohorot phirilak. 22 Thara sisjio-guno monani shokto gori dilak, bischiaschanot onsur thebartei tharare uschoni tuli dinei holak, “Onek hosto bhug gorinei ami Itchioro rejjioganot somi pebong.” 23 Mondoli bagene thara borjon tuli duon. Ubos theinei bor maginei, thara bischias gorsionde Probu sidu tharare gojei duon. 24 Pisidia rejjiogan phuri jeinei thara Pamphylia rejjiot lungilakki. 25 Perga sohorot thara Itchioro hodagan prosar gorana porendi, thara Attalia jahaj ghadtanot gelak.
26 Siottun thara jahajot gori Antiok sohorot gelak. Sei jaganot thara gori phureionde haman Probur doyeganot gojei dilak. 27 Thara lunginei, mondoli manuschune eksomare thubeilak. Thararloi Itchiore gorsiede sieni begkani thara hoi suneilak ar Be-jadtune bischias goron para Itchiore pod huli dede sieno suneilak. 28 Ar siot thara sisjioguno loge bhalukbilon thelak.