13
Antiok sohoro mondoli-buot muni ar mastor elak. Thara olakke Barnaba, Simeon, jare Niger hon, Kurini hullie Lucia, Manaen, je Tetrako? Herodo loge dangor-digowl oiede sibie ar Saula. 2 Thara Probur ham gorte ar ubos thagke seiet, Pobitro Aptai holo, “Jei haman goribartei mui tharare dakkuong sien goron para Barnabare ar Saulare mortei pharok gori duo.” 3 Sebeden ubos theinei ar tharar mada ugure ad tuli dinei bor magi dinei padei dilak.Kupra Dippuot
4 Sebeden Pobitro Aptai tharare dipadenei thara Selukia adamanot gelak. Siottun jahajot gori Kupra dippuot jeion. 5 Thara Salami sohoranot lunginei, Jud-aiunor synagogot Itchioro hoda prosar gorilak. Tharare sahajjio gorie Johoneio tharar loge elo.
6 Thara goda dippuo bereinei Paphos sohor song gelak. Siot Bar Jisu nange Judai manus ek jon lak pelakkoi. The olode bhilgi parie ar no goli muni. 7 The sason-gorie Paular loge elo. Sergia Paula baari gyeni elo. The Itchioro hoda sunibartei Barnabare ar Saulare daga bajei die. 8 Hintu sason-goriebuoi bischias no gore para bhilgi parie Elyma tharare badha die. (tharar hodadi ‘Elyma,’ orthogan gyeni manus.) 9 Sebeden Saula, Paula honde sibiei, Pobitro Aptaloi boron oinei tare ekrini sei age. 10 Ar the holo, “Oh beg dhogabaschun ar hu-mondoi boronnuo, Diabola? puobuo, beg dharmigkotanir sottrubuo, Probur uju podtan benga goranagan hokkene thum goribe? 11 Ar sa, Probur adtan tor ugure age. Tui han obe ar belan hanekkon degidie noi.” Ar jogon-togon huo ar andhar gori degilo. The seropala bijirier jene manjie tare adot dhorinei nejan. 12 Sason-goriebuoi sien deginei bischias gorilo. Probur sigkiegan the baari asharjio mone gorilo.
Pisidiar Antiokot
Paular Prosar
13 Paula ar tar somarsiegun Paphos sohorottun jahajot gori einei, Pamphylia rejjior Perga sohorot lungilakki. Johone siot tharare phelei einei Jerusalem sohorot phiri ejchiegoi. 14 Hintu thara Perga sohorottun einei Pisidia rejjior Antiok sohorot lungilakki. Jireni Dinnuot thara synagogot jeiei bojilakkoi. 15 Niomo ar muniguno boiun madanar porendi synagog sason-goriegune tharare hujoli gorinei holak, “Bab-bheilog, jonogonottei judi uschoni tuli dibar hoda thai ho.”
16 Sebeden Paula thiei udinei ad bijinei holo, “Israel manuschun ar Itchior doreiegun, mor hoda suno: 17 Israel manus-chuno Itchiorbuoi amar Purbo-puruschunun bei loie. Thara Egypt dejot tullo gori roiondoidie lokkene tharare unjol goridie. Ar tar shoktisali adtandoi the tharare siottun nigilei annie. 18 Ar perai solis bojor song the tharare moruobomit rageie. 19 Kanaan dejot sat jad the dongso goranar porendi, tharar madigani amar Purbo-puruschununore aak seinei bhag gori die. 20 “Sei porendi, perai share-ser shot bojor song tharare bijier gori die. Sien muni Samuel amol song elo. 21 Sebeden thara raja maginei Itchiore Benjamin gojadtun Kishoro puobuo Saulare raja obartei die. The solis bojor rajotto gorsie. 22 Itchiore tar rajagan phelei dinei, the tharattei Davidore raja tuli die. Itchiore tar sombondeio shakki dinei hoie, ‘Mor nijor monano dogkie manus mor ischie doge goribartei Jesir puobuo Davidore mui peiong. The mor ischie doge begkani goribuo.’ 23 Soittio dede doge, ei Manuschuor bongsottun Itchiore Israelunottei ek jon Muktigorie Jisure tulibo. 24 The ebar agendi, mon phireinei baptisma lobartei Johone beg Israel manuschuno sidu prosar gorsie. 25 Ar Johone tar prosaro ses hadallie hoie, ‘Mui honna bili tumi mone goro? mui sibie noi. Hintu sawh, mor porendi ek jon ejer. Tar thengo jodar durienio mui huei dibar lak noi.’
26 “Bab-bheilog, Abrahamor bongsolok ar tomar moiddie Itchior dorode sigun, ei mukti hodagan tomar idu padei die oie. 27 Haron Jerusalem sohoro manuschune ar tharar murubbi-gune tare no sinon. Tobuio, tare duj badei duonde sienot tar sombonde muniguno hodagani pureie. Sei hodagani thara Jireni Dinnuot bagene madan. 28 Tare morei pheleibar huno ekkan haron no pheleio, Pilade tare morei pheleibar thara magkuon. 29 Tar sombonde lega oiede sieni begkani phureinei, tare kroschanottun lameinei ekkan guorot gareiondoi. 30 Hintu Itchiore tare morattun jiei tullie. 31 Tar loge Galili dejottun Jerusalem sohorot jeionde sigune onek dinsong tare degkuon. Sigun olakke tar sombonde manus-chuno sidu shakkidie. 32 Amar Purbo-puruschununore Itchiore soittio dede gom hoboran ami tomare janei dir. 33 Ami jigun tharar bongso, Itchiore Jisure morattun jiei tulinei sei soittiogan amattei purei die. Sien Sastrot Di lombor Baini Gido Boibuot lega agede doge:
‘Tui mor puo, edchie mui tore jormo dilung.’
34 Tar heyegan poji no jai para Jisure morattun jiei tulo oie. The edogkie gori hoie,
“Mui Davidore duongge bischias-joggio pobitro soittiogan tore dim.”
35 Senottei, aro ekkuo Baini Godo Boibuot the ieno hoie,
‘Tor Pobitrobuo poji jebartei tui no dibe.’
36 “Haron Davide tar nijor piribuo Itchioro ischie doge sebona goranar porendi, the mori jeie ar tar Purbo-puruschununo loge gareion ar tar heyegan poji jeie. 37 Hintu Jare Itchiore jiei tullie sibie poji no jai. 38 Bab-bheilog, senottei mui tomare janei duongor ei Manuschuor darai pab hemagan tomar idu prosar gora olo. 39 Mosir Niomane tomare dharmig banei no pare. Hintu tar darai je bischias jai tare begkanittun dharmig bana oie. 40 Senottei uijkar oio, munigune hoionde sieni tomar ugure no lungegi para. 41 Thara holak,
‘Tumi guruto no diegun, sawh. Asarjio ar boij jeiegun! Haron tomar amolot mui ekkan edogkie ham gorim sien ek jone judi tomare janei dileo tumi huno din bischias no goriba.’ ”
42 Judaiune synagogottun jeinegoi, Be-jadtune sei porendi Jireni Dinnuot tharar sidu sei hodagani prosar goribartei Paul-are ar Barnabare hujoli gorilak. 43 Synagogo sobhagan bhonggo oinei, onek Judai manus ar Judai dhormot sommie dharmitto manjie Paula ar Barnaba pune-pune gelak. Thara Itchioro doyeganot jabotio thebak bili thara tharare ujuleilak.
44 Sei porendi Jireni Dinnuot perai goda sohorano manuschune Itchioro hoda sunibartei thubeilakki. 45 Judaiune manjior jhagkun deginei pijhum udilo. Paula horte hodagani biruddie oinei torgo dorilak. 46 Sebeden Paulattun ar Barnabattun sahoj udinei holak, “Dorkar bilinei Itchioro hodagan ami akke tomar idu holong. Hintu tumi aw-baddio gorsio hinottei ar ononto jibon pebar lak noi bili tumi nijore-nije mone gorila hinottei, sawh, ami Be-jadtuno mokkie jeirgoi. 47 Haron Probuie edogkie gori amare ugum gorsie:
‘Be-jadtune phor pebartei mui tomare bojei dilung. Pittimir thumsong manjie mukti pebartei mui tomare thik gorilung.’ ”
48 Be-jadtune sien suninei thara hujhi oinei Probur hodagani baini gorilak. Ar ononto jibon pebartei upojukto gora oiede sigune begkune bischias gorilak.
49 Sebeden Probur hodagan thara goda bamanit sidi dilak.
50 Hintu Judaiune dharmitto ar bhoddro miliegun ar sohorano ajol ajol morodtun bhejei dinei Paula ar Barnaba ugure uttiesar gora bajei dinei, tharar bamottun nigilei dilak.
51 Hintu Paulaloi Barnaba tharar thengo dhullieni siguno biruddie jhari dinei Ikonium sohorot gelak.
52 Ar sisjiogune hujhi ar Pobitro Aptaloi boron olak.