Jiel-hanattun
Pitoror Uddhar
12
Sei lokkene Herod rajai mondolittun hoi ek jonore hosto lageibartei ad tulilo. 2 Sebeden the Johonor bheibuo Jakobore horgoloi habi phellie. 3 Ar Judaiune siendoi hujhi oionde deginei, Pitororeo dhorilo. Sien olode moli no gullie pidie Utchobo lokkene. 4 Tare dhorinei jiel-hanat bhorei thoie. Rokkie Utchobo porendi manuschuno samne anibartei tare subi dibartei ser jonnie soinnio doluno adot gojei die.5 Senottei Pitorore jiel-hanat age, hintu mondolibuoi tartei Itchiorottun eksottie bor magi duon. 6 Herode Pitorore bijierot anibar oiede reidtuot, Pitore dien shingolloi bannie gori di jon soinnio sere ghum jar. Ar shandaridiegune jiel-hana duorano mujungedi subi agon. 7 Ar sawh, Probur ekkuo sorgo-dud tar idu einei, jiel-hanagan phor oie. Sorgo-dudtuoi Pitorore dagot bascheinei holo, “Jhadi uth.” Ar shingollani Pitore adtanittun huei porilo. 8 Sebeden sorgo-dudtuoi tare holo, “Tor haborani ur ar sendelani pin.” Ar Pitore sieni gorilo. Sorgo-dudtuoi holo, “Tor haborani bereloinei mor pune-pune ai.” 9 Ar Pitore sorgo-dudtuo pune-pune jeinei jiel-hanattun nigili gelo. Sorgo-dudtuoi tartei gori dede sien soittio bili the hoi no pare hintu the mone gorette jei the ekkan azilie deger. 10 Thara polim ar di lombor subidarbuo phelei jeinei sohorot nigilegoidie lor girie duoranot elak. Sien gai-gai tharattei hulo jeinei thara nigili jeinei ekkan podot porineigoi, jhimid gori sorgo-dudtuoi tare phelei jeiegoi. 11 Sebeden Pitoror jokkene uij elo, the holo, “Ikkie mui jodepode gori hoi parilung jei Probuie tar sorgo-dudtuo dipadenei the more Herodo adottun ar beg Judai manuschune asha gorsionde sienottun rokkie gorsie.” 12 Pitore sei hodagan bhabinei, hellie-nange Marka honde Johono mabuo, Meri ghorot gelo. Siot onek jon thubeinei bor magodon. 13 Pitore girie duoranot bascheineioi, Rodhi nange ekkuo miliei huli dibartei elo 14 The Pitoror robuo sininei, adik hujhie girie duoran huli no dinei, daba-daba somineigoi Pitore girie duoranot thiei agegi bili janeilogoi. 15 Hintu sigune tare holak, “Tor mada horab oiede!” Hintu sien soittio bili the eksottie hor Senottei sigune holak, “Ibie tar aptabuo obode.”
16 Ar Pitore eksottie baschier. Jokke thara duoran hulinei tare degilak thara asharjio olak. 17 Hintu sub gori thebartei Pitore ad bijilo. The tharare holo hingori Probuie tare jiel-hanaganottun nigilei annie. Ar the tharare holo, “Jeinei Jakobore ar bheilogkunore ei hodagani hogoi.” Sebeden the siottun jeinegoi ekkan oinnio jagat gelo. 18 Beinnie phor oinei soinnioguno moiddie birat jagulug udilo. Pitore hudu gelo thara hobor no pan. 19 Herode Pitorore gome-dalei togeinei no peinei, the subidargunottun gome-dalei juob lologoi. Ar subidargunore morei pheleibartei soinniogunore ugum dilo.
Herode morilo
Sebeden Herode Judea rejjioganottun jeinei Kaisarea sohorot thelogoi.
20 Sei lokkene Herode Tyre ar Sidon sohoro manuschuno ugure baari rak oie. Hintu thara ega mone tar idu ejchion. Tharare sahajjio goribartei Blasta, rajar ghoro daettoloiebuore bujeion. Rajar dejottun haiddio tharar rejjiot duon hinottei shanti magilak. 21 Thik gorsiede dinnuot, Herode raj-pojak urinei tar singasonanot bojinei tharare bhason dilo. 22 Ar manuschune eksottie joi-jogar parton, “Ibie manjior sobdo noi, Itchioro sobdo!” 23 The Itchiorore baini no gore hinottei jogon-togon ekkuo sorgo-dude tare mugureie ar tare ereie puge heinei mori jeie. 24 Hintu Itchioro hodagan bari jeinei shagor olo.
Barnabaloi ar Saulare
Padei dilak
25 Barnabaloi Saula tharar haman phureinei Jerusalem sohorottun phirilak. Ette tharar loge gori hellie-nange Marka honde Johonoreio anilak.