Pitore Ortho Bhangi Dilo
11
Sei lokkene Judea dejot agonde apostolune ar bheilogkune suinnionde jei Be-jadtuneo Itchioro hodagan gojhi loion. 2 Sebeden Pitore jokke Jerusalem sohorot udineigoi, sundu-sam happie Judaiune tarloi torgo gorilak. 3 Thara holak, “Sundu-sam no happie manus-chuno sidu tui jeinei thararloi haba-daba gorsioschoi.” 4 Hintu Pitore polliettun dhori ekkan-ekkan gori tharare bhangi dilo. 5 The holo, “Mui Joppa sohorot elungge lokke bor magode, be-ushot ekkan azilie degkuong. Sorgottun ekkan dangor haboro dogkie jinij ser hundoi lamei die oie ar sien mor hai lungiegi. 6 Sienot mui rini seinei bhabi sade, pittimir ser thenggie poshu, jharbuo jontur, buk sejerei berande jib-jontur, ar urbuo pheig degkuong. 7 Ar ekkuo roi more hode sunilung, ‘Pitor, uth marinei ha.’ 8 “Hintu mui hoiong, ‘Na, Probu! Haron mui huno din aw-pobitro bah aw-poriskar jinij no haang.’ 9 Hintu agajottun robuoi di barot more holo, ‘Itchiore jien poriskar gori die, sien tui aw-pobitro no hos.’ 10 “Sien tin bar goranar porendi, begkani sorgot aro tuli neja olo. 11 Ar sawh, thik sei lokkene Kaisarea sohorottun mor idu dipada oiede sei tin jon manus mui elungge ghorano mujungot thiei agondi. 12 Sebeden hitchu mone no gorsie gori tharar loge jebartei Aptabuoi more hoie. Sigun bade, ei shoi jon bheio mor loge jeion, ar ami Korneliar ghorot somilonggoi. 13 “The amare holode jei tar ghorot the ekkuo sorgo-dud degkie. Sorgo-dudtuoi tar ghoranot thieinei tare hoie, ‘Hellie-nange Pitor honde Simonore boleibartei Joppa adamot manus dipada. 14 The tomare Itchioro hoda suneibogi, sieno darai tui ar tor goda ghorbobuo mukti peba.’ 15 Mui hoda hobar arambo gorsiongo, polim amar ugure Pobitro Apta porsiede dogkie gori tharar ugureo Pobitro Apta porsiegi. 16 Ar Probuie hoiede sien mor monot uttie, ‘Johone paniloi baptisma gori die, hintu mui tomare Pobitro Aptaloi baptisma gori dim.’ 17 Senottei, ami Probu Jisu Kristore bischias gorinei Itchiore judi amare dede boran tharareo de, mui Itchiorore badha diebuo honna?” 18 Thara jokkene sei hodagani sunilak olor olak. Ar thara Itchiorore baini gorinei holak, “Saledo Itchiorbuoi Be-jadtunoreo jibon pebartei mon phiranagan die.”Antiok Sohorot
Barnaba Ar Saula
19 Stephanar ugure uttiede gondogulano porendi jigune settera oion sigune Phoenikia dejot, Kupra dippuot, ar Antiok sohorot jeinei haro sidu hodagan prosar no gorondoi hintu bana Judaiuno sidu prosar gorsiondoi. 20 Hintu sigunottun hoiek jon Kupra dippuor ar Kurini bamo manjie Antiok sohorot lunginei Grik hoda honde Judaiunore Probu Jisur hoda holak. 21 Ar Probur adtan tharar loge elo, ar sebeden shagor manjie bischias gorinei Probur mokkie phirilak.
22 Sebeden sei hodagani Jeru-salem sohoro mondolibuoi suninei, Antiok sohor song jebartei Barnabare thara padei dilak. 23 The einei jokke Itchioro doyegan degilogi, the hujhi oiegi ar ega mone thara Probuloi thebartei the thara begkunore uschoni tuli dilogi. 24 Haron the gom manus, Pobitro Aptai puro ar bischias tar age. Shagor manus Probu sidu ana olo. 25 Sebeden Barnaba Saulare togeibartei Tarsa sohorot gelo. 26 Ar the tare peineioi, Antiok sohorot tare anilo. Sengori thara goda bojorbuo mondolibuoloi thubeinei shagor manjiore thara sigeilak. Ar sisjiogunore Antiok sohorot polim Kristien nang thoi dilak.
27 Sei lokkene munigun Jerusalem sohorottun Antiok sohorot elak. 28 Tharar moiddi-ettun Agabas nange ek jon udilo. Aptai tare janei dinei the agami hoi dilode jei ekkan dangor bhadorad goda songsaranot ebar oie. Sien moharaja Klaudia Kaisara amolot ghodi jeie. 29 Sebeden Judea dejot agonde bheilogkunore je jedog pare sahajjio dipadebartei sisjiogune thik gorilak. 30 Sieno thara gorinei Barnaba ar Saula ade borjonnunore dibarloittei padeilak.